“Liꞈ hpu hkʼa peu˗eˬ lehˬ, Gʼuiˬ sha ve Awˬ ha hpu dawˇ pawnˍ piˇ ve htaꞈ pa taw cawˬ la ve yoˬ.”—2 Tiˆmoˉseˍ 3:16

A shaꞈ teꞈ chehˇ kuiˬ lo a yeˇ uiˍ ve na nyi hkawˇ htaꞈ yaw hkʼawꞈ laˇ tuˬ cawˬ ve yoˬ.—Tawˇ naˉ ve 2:1-5

Teˇ nyi le le a shaꞈ teꞈ kuiˬ lo beˆ maˍ laˇ hkawˇ htaꞈ yonˍ gʼa ve yoˬ.—Chiˇ mvuh ve 119:105

Awˬ gʼuˇ suhˍ hpawˇ awˬ tehˬ awˬ na ve dawˇ law kuiˬ cawˬ ve yoˬ.—Roˉmaꞈ 15:4

Yonˍ gʼa ve yoˬ. Awˬ lawn kʼo . . .

• Cawˇ leh hawˍ daꞈ ve yoˬ. Liꞈ hpu htaꞈ chaw yaˇ 40 gʼaˇ bvuhꞈ leh awˬ yanˇ 1,600 hkʼawꞈ hpaˆ hkʼe yehˇ ve yoˬ. Bvuhꞈ paˍ laiˉ gʼaˇ lehˬ maˇ shiˍ maˇ mawˬ daꞈ jaw ve yoˬ. Yaꞈ hkʼaˇ, Liꞈ hpu lehˬ awˬ lawn lonˉ ma teˇ lawn tiˉ cawˬ leh hkʼa peu˗eˬ hawˍ daꞈ ve yoˬ.

• Raˍsaˍvanˍ bvuhꞈ taˍ ve awˬ ceuˬ ka tiꞈ yeˬ ve yoˬ. Miˬ guiˬ hkʼoˆ ve awˬ lawn raˍsaˍvanˍ bvuhꞈ paˍ lehˬ, a shu yawˇ ve chaw ceuˬ maꞈ bawˆ shonˇ ve awˬ lawn htaꞈ maˇ bvuhꞈ taˍ. Yaꞈ hkʼaˇ, Liꞈ hpu htaꞈ bvuhꞈ paˍ lehˬ a shu yawˇ yaꞈ kuiˬ leh a shu yawˇ hui ve chaw ceuˬ yaꞈ kuiˬ htaꞈ hteˇ lehˍ bvuhꞈ keu ve yoˬ.—2 Raˍsaˍvanˍ 36:15, 16; Chiˇ mvuh ve 51:1-4

• Liꞈ hpu hkʼaw ve tcuh kaˍ paˍ tawˇ hkawˇ hkʼa peu˗eˬ biˇ la ve yoˬ. Aˬ sho˗eˬ ve Baˍbuˍlonˍ venˇ htaꞈ te luˬ tuˬ ve awˬ lawn Liꞈ hpu hkʼaw 200 hkʼawꞈ awˬ gʼuˇ suhˍ htaˇ kaꞈ kʼoˆ taˍ ve yoˬ. (Iˉsaˍyaˆ 13:17-22) Venˇ chi ve htaꞈ te luˬ tuˬ ve awˬ hkʼaˇ htaꞈ ceh kʼoˆ taˍ ve maˇ heˆ. Yaꞈ hkʼaˇ, venˇ oˇ ve htaꞈ bawˆ gʼaˇ tuˬ ve chaw awˬ meh kaꞈ bvuhꞈ taˍ ve yoˬ.—Iˉsaˍyaˆ 45:1-3

  Liꞈ hpu hkʼaw tcuh kaˍ paˍ tawˇ hkawˇ htaꞈ hkʼa ceˆ hkʼa cuˍ biˇ la ve yoˬ. Gʼuiˬ sha geh laˬ ve liꞈ lehˬ oˇ hkʼe hpehꞈ tuˬ yoˬ tehꞈ dawˇ law ve maˇ heˆ laˇ?—2 Peˍtruˆ 1:21