Otalelaka Biblia ndenge nini?
Okoloba ete ezali . . .
-
buku ya bwanya ya bato?
-
buku ya masapo mpe ya masolo ya kala?
-
Liloba ya Nzambe?
BIBLIA ELOBI ETE
“Makomami nyonso ekomami na litambwisi ya elimo ya Nzambe.”—2 Timote 3:16, Libongoli ya Mokili ya Sika.
BOLAMU NINI OKOZWA?
Biyano ya malamu na mituna ya ntina oyo etali bomoi.—Masese 2:1-5.
Toli oyo ekoki kosalisa yo mokolo na mokolo.—Nzembo 119:105.
Elikya ya solosolo mpo na mikolo ezali koya.—Baroma 15:4.
EBONGI MPENZA TÓNDIMA MAKAMBO OYO BIBLIA ELOBI?
Ɛɛ; mpo na ntina misato oyo:
-
Ezali na boyokani mpenza. Kokoma Biblia eumelaki mbula koleka 1 600 mpe bato soki 40 nde bakomaki yango. Bato mingi oyo bakomaki yango bayebanaki ata moke te. Atako bongo, makambo oyo ezali na Biblia ezali na boyokani; elobeli kaka likambo moko!
-
Bato oyo bakomaki yango balobaki makambo na bosembo. Mbala mingi, bato oyo bakomaka makambo ya kala balobelaka te mabe ya ekólo na bango. Nzokande, bato oyo bakomaki Biblia balobelaki makambo nyonso na bosembo, ezala mabunga na bango moko to ya ekólo na bango.—2 Ntango 36:15, 16; Nzembo 51:1-4.
-
Bisakweli na yango ezangaka te kokokisama. Biblia esakolaki kokwea ya engumba Babilone mbula soki 200 liboso likambo yango esalema. (Yisaya 13:17-22) Esukaki kaka te na koloba ndenge Babilone ekokwea, kasi epesaki mpe nkombo ya moto oyo akokweisa yango!—Yisaya 45:1-3.
Ebele ya bisakweli mosusu ya Biblia ekokisamaki tii na makambo ya mikemike. Esengeli mpenza kozala bongo mpo Biblia ezali Liloba ya Nzambe!—2 Petro 1:21.
KANISÁ NAINO
Ndenge nini Liloba ya Nzambe ekoki kobongisa bomoi na yo?
Biblia epesi eyano na motuna yango na YISAYA 48:17, 18 mpe na 2 TIMOTE 3:16, 17.
Talá mpe...
BIYANO NA MITUNA YA BIBLIA
Biblia ezali nini?
Bandá mokolo na yo na nsango ya Nzambe oyo ebengami liloba ya Nzambe.
BIYANO NA MITUNA YA BIBLIA
Nini ekoki kosalisa yo oyeba Biblia?
Ata soki ozali moto ya ekólo nini, okoki koyeba nsango ya Nzambe oyo ezali na Makomami Mosantu.
BIYANO NA MITUNA YA BIBLIA
Esakweli ezali nini?
Bisakweli nyonso elobelaka makambo ekoya? Nyonso te.
MATEYA MPENZA YA BIBLIA
Nini ekoki kondimisa biso ete Biblia elobaka solo?
Soki Biblia eutá na Nzambe, esengeli kokesana na buku mosusu nyonso oyo ekomamá.
OLINGI KOYEBA BISO?
Mpo na nini koyekola Biblia?—Mobimba na yango
Biblia epesi biyano na mituna minene oyo etali bomoi oyo bamilio ya bato na mokili mobimba bamitunaka. Okosepela kozala moko ya bato yango?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
