Nini epesaka esengo na libota?
Okanisi ete ezali . . .
-
bolingo?
-
mbongo?
-
to eloko mosusu?
BIBLIA ELOBI ETE
“Esengo . . . na baoyo bazali koyoka liloba ya Nzambe mpe kotosa yango!”—Luka 11:28, Libongoli ya Mokili ya Sika.
BOLAMU NINI OKOZWA?
Bokolingana mingi na kati ya libota.—Baefese 5:28, 29.
Bokopesana limemya ya solosolo.—Baefese 5:33.
Bokozala na likambo ya kobanga te.—Marko 10:6-9.
EBONGI MPENZA TÓNDIMA MAKAMBO OYO BIBLIA ELOBI?
Ɛɛ; mpo na ntina mibale oyo:
-
Nzambe nde Moto asalaki libota. Biblia elobi ete “libota nyonso . . . ezwi nkombo” na yango epai ya Yehova Nzambe. (Baefese 3:14, 15) Na maloba mosusu, libota ezali mpo Yehova asalá yango. Mpo na nini koyeba likambo yango ezali na ntina mingi?
Tózwa ndakisa: Soki osepeli mpenza na elubu moko oyo olei mpe olingi koyeba ndenge balambaka yango, okotuna nani? Okotuna kaka moto oyo alambaki yango.
Ndenge moko mpe, mpo na koyeba makambo oyo esalaka ete libota ezala na esengo, tosengeli kotuna Yehova, Moto oyo asalaki libota.—Ebandeli 2:18-24.
-
Nzambe atyelaka bino likebi. Ezali malamu ete mabota bálukaka toli ya Yehova, oyo apesi na Liloba na ye. Mpo na nini? “Mpo atyelaka bino likebi.” (1 Petro 5:6, 7) Yehova alingi mpenza ete bózala malamu—mpe toli oyo apesi esalisaka mpenza!—Masese 3:5, 6; Yisaya 48:17, 18.
KANISÁ NAINO
Osengeli kosala nini mpo ozala mobali malamu, mwasi malamu, to moboti malamu?
Biblia epesi eyano na motuna yango na BAEFESE 5:1, 2 mpe na BAKOLOSE 3:18-21.
Talá mpe...
LAMUKÁ!
Bwanya oyo ekosala ete libota ezala na esengo
Mibali, basi, baboti mpe bana bakoki kosala nini mpo libota ezala na esengo?
BIYANO NA MITUNA YA BIBLIA
Biblia elobi nini mpo na libala?
Batoli ya Biblia ekoki kosalisa mwasi ná mobali bákima mikakatano to bálonga yango.
BIYANO NA MITUNA YA BIBLIA
Ndenge nini Biblia ekoki kosalisa ngai nazala na libota ya esengo?
Batoli kitoko ya Biblia esalisi bamilio ya basi ná mibali bázala na esengo na mabota na bango.
LAMUKÁ!
Libota ya esengo—Kosala na bomoko
Na libala na bino, bofandaka lokola babalani to lokola bato mibale oyo bafandi na shambre moko?
OLINGI KOYEBA BISO?
Mpo na nini koyekola Biblia?—Mobimba na yango
Biblia epesi biyano na mituna minene oyo etali bomoi oyo bamilio ya bato na mokili mobimba bamitunaka. Okosepela kozala moko ya bato yango?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
