ເອຊາຢາ 44:1-28
44 “ຢາໂຄບຜູ້ຮັບໃຊ້ຂອງເຮົາອິດສະຣາເອນຜູ້ທີ່ເຮົາໄດ້ເລືອກ+ ໃຫ້ຟັງເດີ້.
2 ພະເຢໂຫວາຜູ້ທີ່ສ້າງເຈົ້າ+ຜູ້ທີ່ໃຫ້ຊີວິດເຈົ້າແລະຜູ້ທີ່ຊ່ວຍເຈົ້າຕັ້ງແຕ່ຢູ່ໃນທ້ອງແມ່*ເວົ້າວ່າ
‘ບໍ່ຕ້ອງຢ້ານ ຢາໂຄບຜູ້ຮັບໃຊ້ຂອງເຮົາ+ເຢຊຶຣຶນ*+ຜູ້ທີ່ເຮົາໄດ້ເລືອກ.
3 ເຮົາຈະຖອກນ້ຳໃຫ້ຄົນທີ່ຫິວນ້ຳ*+ແລະເຮົາຈະໃຫ້ມີແມ່ນ້ຳໄຫຼຢູ່ແຜ່ນດິນທີ່ແຫ້ງແລ້ງ.
ເຮົາຈະເອົາ*ພະລັງຂອງເຮົາໃຫ້ລູກຫຼານຂອງເຈົ້າ+ແລະເຮົາຈະອວຍພອນເຂົາເຈົ້າ.
4 ເຂົາເຈົ້າຈະປົ່ງຂຶ້ນຄືກັບຫຍ້າທີ່ຂຽວໆ+ແລະເປັນຄືກັບຕົ້ນໄມ້ທີ່ຢູ່ແຄມນ້ຳ.*
5 ຜູ້ໜຶ່ງຈະເວົ້າວ່າ “ຂ້ອຍເປັນຄົນຂອງພະເຢໂຫວາ.”+
ອີກຜູ້ໜຶ່ງຈະເອີ້ນໂຕເອງໂດຍໃຊ້ຊື່ຂອງຢາໂຄບແລະອີກຜູ້ໜຶ່ງຈະຂຽນໃສ່ມືຂອງລາວວ່າ: “ພະເຢໂຫວາເປັນເຈົ້າຂອງຂ້ອຍ.”
ແລະລາວຈະໃຊ້ຊື່ອິດສະຣາເອນ.’
6 ພະເຢໂຫວາຜູ້ບັນຊາການກອງທັບຜູ້ໄຖ່+ແລະກະສັດຂອງອິດສະຣາເອນ+ ພະເຢໂຫວາເວົ້າວ່າ
‘ເຮົາເປັນຜູ້ທຳອິດແລະເປັນຜູ້ສຸດທ້າຍ+
ບໍ່ມີພະເຈົ້າອື່ນນອກຈາກເຮົາ.+
7 ມີໃຜແດ່ທີ່ເຮັດໄດ້ຄືເຮົາ?+
ໃຫ້ລາວເວົ້າໂລດແລະພິສູດໃຫ້ເຮົາເຫັນ!+
ຕັ້ງແຕ່ສະໄໝແຕ່ກີ້ທີ່ເຮົາໄດ້ຕັ້ງຊາດໜຶ່ງຂຶ້ນມາເຄີຍມີໃຜບໍທີ່ເຮັດໄດ້ຄືເຮົາແລະບອກສິ່ງທີ່ຈະເກີດຂຶ້ນໃນອະນາຄົດໄດ້?
8 ປະຊາຊົນຂອງເຮົາເອີ້ຍ ບໍ່ຕ້ອງຢ້ານແລະບໍ່ຕ້ອງຕົກໃຈ.+
ເຮົາບອກພວກເຈົ້າແລ້ວແມ່ນບໍ?
ພວກເຈົ້າເປັນພະຍານຂອງເຮົາ.+
ມີພະເຈົ້າອື່ນບໍນອກຈາກເຮົາ?
ເຮົາບໍ່ເຫັນມີພະເຈົ້າອົງໃດທີ່ເປັນຄືກັບເຮົາ. ເຮົາເປັນຫີນຜາ+ທີ່ປົກປ້ອງພວກເຈົ້າໄດ້.’”
9 ທຸກຄົນທີ່ເຮັດຮູບບູຊາຂຶ້ນມາກໍເສຍແຮງລ້າໆແລະຮູບບູຊາທີ່ເຂົາເຈົ້າຮັກຫຼາຍກໍບໍ່ມີປະໂຫຍດຫຍັງ.+
ຮູບບູຊາເຫຼົ່ານີ້ບໍ່ຮູ້ຫຍັງແລະເບິ່ງບໍ່ເຫັນຫຍັງ+ ມັນຈຶ່ງເປັນພະຍານບໍ່ໄດ້ຜູ້ທີ່ເຮັດມັນຂຶ້ນມາຈະຕ້ອງອັບອາຍຂາຍໜ້າ.+
10 ແລ້ວຈະມີໃຜໂງ່ເຮັດຮູບພະຫຼືຫຼໍ່ຮູບປັ້ນທີ່ບໍ່ມີປະໂຫຍດແບບນີ້ບໍ?+
11 ພວກໝູ່ຂອງລາວກໍຈະອັບອາຍຂາຍໜ້າ.+
ຜູ້ທີ່ເຮັດຮູບບູຊາກໍເປັນພຽງແຕ່ມະນຸດ.
ໃຫ້ເຂົາເຈົ້າມາລວມກັນແລະຢືນຢູ່ຊື່ໆ.
ເຂົາເຈົ້າຈະຢ້ານຫຼາຍແລະຈະຕ້ອງອັບອາຍ.
12 ຊ່າງຕີເຫຼັກເອົາເຫຼັກໄປວາງໄວ້ເທິງຖ່ານໄຟທີ່ຮ້ອນໆ
ແລ້ວໃຊ້ຄ້ອນຕີຕີເຫຼັກ.ລາວໃຊ້ແຂນທີ່ແຂງແຮງຂອງລາວຕີເຫຼັກໃຫ້ເປັນຮູບຊົງ.+
ຕອນທີ່ເຮັດວຽກ ລາວກໍຫິວເຂົ້າຫິວນ້ຳເມື່ອຍແລະໝົດແຮງ.
13 ຊ່າງໄມ້ເອົາສາຍແທກແທກໄມ້ ແລ້ວເອົາສໍຂາວແຕ້ມໃຫ້ເປັນຮ່າງ.
ລາວໃຊ້ເຄື່ອງມືຂີດໄມ້ນັ້ນເປັນຮູບວົງມົນແລະເອົາສິ່ວແກະສະຫຼັກ.
ລາວແກະສະຫຼັກເປັນຮູບຄົນ+ງາມໆເພື່ອເອົາໄປໄວ້ໃນເຮືອນ.*+
14 ມີຜູ້ໜຶ່ງທີ່ເຮັດວຽກຕັດຕົ້ນຊີດ້າ*
ລາວໄດ້ເລືອກຕົ້ນໄມ້ຊະນິດໜຶ່ງເຊິ່ງແມ່ນຕົ້ນໂອກແລະປ່ອຍໃຫ້ມັນໃຫຍ່ຢູ່ໃນປ່າ.+
ລາວປູກຕົ້ນລໍເຣວ*ແລະມັນກໍໃຫຍ່ຂຶ້ນຍ້ອນຝົນຕົກໃສ່.
15 ແລ້ວຄົນກໍເອົາມັນມາເປັນຟືນດັງໄຟ.
ລາວເອົາສ່ວນໜຶ່ງມາດັງໄຟຝີງແລະດັງໄຟແຕ່ງກິນ.
ແລ້ວລາວເອົາອີກສ່ວນໜຶ່ງມາເຮັດຮູບພະເພື່ອຂາບໄຫວ້.
ລາວແກະສະຫຼັກໄມ້ນັ້ນແລະກົ້ມກາບມັນ.+
16 ລາວເອົາໄມ້ເຄິ່ງໜຶ່ງມາດັງໄຟແລະປີ້ງຊີ້ນກິນຈົນອີ່ມ.
ລາວຍັງຝີງໄຟກອງນັ້ນແລະເວົ້າວ່າ:
“ດີແທ້! ໄຟນີ້ເຮັດໃຫ້ຂ້ອຍອຸ່ນ.”
17 ແຕ່ໄມ້ສ່ວນທີ່ເຫຼືອລາວເອົາໄປແກະສະຫຼັກເປັນຮູບພະ.
ລາວກົ້ມກາບແລະນະມັດສະການມັນ.
ລາວອະທິດຖານກັບຮູບນັ້ນວ່າ:
“ພະເຈົ້າຂອງລູກ ປົກປ້ອງຄຸ້ມຄອງລູກແດ່ເດີ້.”+
18 ເຂົາເຈົ້າບໍ່ຮູ້ແລະບໍ່ເຂົ້າໃຈຫຍັງເລີຍ+ຍ້ອນວ່າຕາຂອງເຂົາເຈົ້າຖືກປິດໄວ້ຈຶ່ງເຮັດໃຫ້ເບິ່ງບໍ່ເຫັນແລະໃຈຂອງເຂົາເຈົ້າຖືກປິດກັ້ນຈຶ່ງເຮັດໃຫ້ບໍ່ເຂົ້າໃຈຫຍັງ.
19 ບໍ່ມີໃຜຮູ້ບໍ່ມີໃຜເຂົ້າໃຈຫຼືຄິດໄດ້ວ່າ:
“ໄມ້ເຄິ່ງໜຶ່ງຂ້ອຍເອົາມາດັງໄຟແຕ່ງກິນແລະປີ້ງຊີ້ນ
ແລ້ວຂ້ອຍຄວນເອົາໄມ້ອີກເຄິ່ງໜຶ່ງມາເຮັດສິ່ງທີ່ເປັນຕາຂີ້ດຽດບໍ?+
ຂ້ອຍຄວນຂາບໄຫວ້ທ່ອນໄມ້ນັ້ນບໍ?”
20 ລາວເປັນຄືກັບຄົນທີ່ກຳລັງກິນຂີ້ເທົ່າ.
ໃຈຂອງລາວພາລາວໄປຜິດທາງ.
ລາວຊ່ວຍຊີວິດໂຕເອງກໍບໍ່ໄດ້ແລະບໍ່ຍອມຮັບວ່າ:
“ສິ່ງທີ່ຂ້ອຍຖືຢູ່ໃນມືເປັນຮູບບູຊາທີ່ບໍ່ມີຄ່າ.”
21 “ຢາໂຄບເອີ້ຍ ອິດສະຣາເອນເອີ້ຍ ໃຫ້ເຈົ້າຈື່ສິ່ງເຫຼົ່ານີ້ໄວ້.ເຈົ້າເປັນຜູ້ຮັບໃຊ້ຂອງເຮົາ.
ເຮົາເປັນຜູ້ສ້າງເຈົ້າແລະເຈົ້າເປັນຜູ້ຮັບໃຊ້ຂອງເຮົາ.+
ອິດສະຣາເອນເອີ້ຍ ເຮົາຈະບໍ່ລືມເຈົ້າ.+
22 ເຮົາຈະປົກຄວາມຜິດຂອງເຈົ້າຄືກັບເອົາຂີ້ເຝື້ອມາປົກໄວ້+ເຮົາຈະປົກບາບຂອງເຈົ້າຄືກັບເອົາຂີ້ເຝື້ອໜາໆມາປົກໄວ້.
ໃຫ້ກັບມາຫາເຮົາ ແລ້ວເຮົາຈະໄຖ່ເຈົ້າຄືນມາ.+
23 ໃຫ້ທ້ອງຟ້າຮ້ອງດ້ວຍຄວາມດີໃຈຍ້ອນພະເຢໂຫວາໄດ້ເຮັດຕາມສິ່ງທີ່ເພິ່ນຕ້ອງການ.
ໃຫ້ເຫວເລິກໆຮ້ອງຍິນດີໃນໄຊຊະນະ
ໃຫ້ພູຕ່າງໆ ປ່າໄມ້ ແລະຕົ້ນໄມ້ທັງໝົດຮ້ອງຢ່າງມີຄວາມສຸກ+ຍ້ອນພະເຢໂຫວາໄດ້ໄຖ່ຢາໂຄບຄືນມາແລ້ວ
ແລະເພິ່ນໄດ້ເຮັດໃຫ້ເຫັນຄວາມງາມຂອງເພິ່ນໂດຍທາງອິດສະຣາເອນ.”+
24 ພະເຢໂຫວາຜູ້ທີ່ໄຖ່ເຈົ້າຄືນມາ+ຜູ້ທີ່ສ້າງເຈົ້າຕັ້ງແຕ່ຢູ່ທ້ອງແມ່ເວົ້າວ່າ:
“ເຮົາແມ່ນເຢໂຫວາ. ເຮົາເປັນຜູ້ສ້າງທຸກສິ່ງທຸກຢ່າງ.
ເຮົາເປັນຜູ້ພືທ້ອງຟ້າອອກ+ແລະເຮົາໄດ້ພືແຜ່ນດິນອອກ.+
ມີໃຜຢູ່ກັບເຮົາໃນຕອນນັ້ນ?
25 ເຮົາກຳລັງເຮັດໃຫ້ເຫັນວ່າສິ່ງທີ່ພວກຜູ້ພະຍາກອນປອມເວົ້າບໍ່ແມ່ນແທ້ແລະເຮົາເປັນຜູ້ທີ່ເຮັດໃຫ້ພວກໝໍມໍເຮັດສິ່ງທີ່ໂງ່.+ເຮົາເປັນຜູ້ທີ່ເຮັດໃຫ້ຄົນສະຫຼາດສັບສົນແລະເຮັດໃຫ້ຄວາມຮູ້ຂອງເຂົາເຈົ້າກາຍເປັນເລື່ອງໂງ່.+
26 ເຮົາເປັນຜູ້ທີ່ເຮັດໃຫ້ຄຳເວົ້າຂອງຜູ້ຮັບໃຊ້ຂອງເຮົາເປັນຈິງແລະເຮັດໃຫ້ຄຳພະຍາກອນທີ່ຜູ້ສົ່ງຂ່າວຂອງເຮົາເອົາໄປບອກເກີດຂຶ້ນແທ້.+ເຮົາເປັນຜູ້ທີ່ເວົ້າເຖິງເຢຣູຊາເລັມວ່າ ‘ເມືອງນີ້ຈະມີຄົນອາໄສຢູ່.’+
ແລະເວົ້າເຖິງເມືອງຕ່າງໆຂອງຢູດາວ່າ ‘ເມືອງເຫຼົ່ານີ້ຈະຖືກສ້າງຄືນໃໝ່.+ເຮົາຈະຟື້ນຟູເມືອງເຢຣູຊາເລັມທີ່ເປັນຊາກຫັກພັງຄືນໃໝ່.’+
27 ເຮົາເປັນຜູ້ບອກແມ່ນ້ຳທີ່ເລິກໆວ່າ ‘ແຫ້ງສະ!ເຮົາຈະເຮັດໃຫ້ແມ່ນ້ຳທັງໝົດຂອງເຈົ້າແຫ້ງ.’+
28 ເຮົາເປັນຜູ້ເວົ້າເຖິງໄຊຣັດວ່າ+ ‘ລາວເປັນຜູ້ລ້ຽງແກະຂອງເຮົາ.ລາວຈະເຮັດທຸກຢ່າງຕາມທີ່ເຮົາຕ້ອງການ.’+ເຮົາເປັນຜູ້ເວົ້າເຖິງເຢຣູຊາເລັມວ່າ ‘ເມືອງນີ້ຈະຖືກສ້າງຄືນໃໝ່’
ແລະເຮົາເປັນຜູ້ເວົ້າເຖິງວິຫານວ່າ ‘ວິຫານຈະຖືກວາງຮາກຖານ.’”+
ຂໍ ຄວາມ ໄຂ ເງື່ອນ
^ ຫຼື “ຕັ້ງແຕ່ເກີດ”
^ ແປວ່າ “ຄົນທີ່ຊື່ກົງ.” ເປັນຄຳທີ່ໃຊ້ເອີ້ນອິດສະຣາເອນແບບໃຫ້ກຽດ.
^ ຫຼື “ເທນ້ຳໃສ່ແຜ່ນດິນທີ່ແຫ້ງແລ້ງ”
^ ແປຕາມໂຕວ່າ “ເທ”
^ ໃນພາສາເຮັບເຣີໝາຍເຖິງຕົ້ນໄມ້ທີ່ພົບເຫັນໄດ້ທົ່ວໄປຢູ່ແຄມແມ່ນ້ຳ. ໃນພາສາອັງກິດແມ່ນພ໋ອບລາ.
^ ຫຼື “ຢູ່ຮ້ານພະ”
^ ຕົ້ນແປກຊະນິດໜຶ່ງ
^ ຕົ້ນໄມ້ໃຫຍ່ທີ່ອາດຈະສູງຮອດ 15 ແມັດ ໃບເປັນສີຂຽວແລະໃຊ້ເຮັດຢາ