ເອຊາຢາ 46:1-13
46 ພະບາອານແລະພະເນໂບຈະຕ້ອງອັບອາຍ.+
ຮູບບູຊາຂອງພະເຈົ້າເຫຼົ່ານີ້ ສັດແບກໃສ່ຫຼັງມັນໄປ.+ຮູບບູຊາເຫຼົ່ານີ້ເປັນຄືກັບເຄື່ອງໜັກໆທີ່ເຮັດໃຫ້ສັດທີ່ແບກມັນເມື່ອຍຫຼາຍ.
2 ພະເຈົ້າທັງສອງນີ້ຈະຕ້ອງອັບອາຍ.ພວກມັນຊ່ວຍຮູບບູຊາຂອງໂຕເອງທີ່ສັດແບກຢູ່ກໍບໍ່ໄດ້ແລະພວກມັນເອງກໍຕ້ອງຖືກຈັບໄປເປັນຊະເລີຍ.
3 “ລູກຫຼານຂອງຢາໂຄບແລະລູກຫຼານຂອງອິດສະຣາເອນທີ່ຍັງເຫຼືອຢູ່ ໃຫ້ຟັງເຮົາເດີ້.+ເຮົາໄດ້ເບິ່ງແຍງພວກເຈົ້າຕັ້ງແຕ່ຢູ່ໃນທ້ອງແມ່ແລະໄດ້ອູ້ມພວກເຈົ້າຕັ້ງແຕ່ເກີດ.+
4 ຈົນຮອດຕອນທີ່ພວກເຈົ້າເຖົ້າ ເຮົາກໍຈະເຮັດຄືເກົ່າ.+ຈົນຮອດຕອນທີ່ຜົມພວກເຈົ້າຫງອກ ເຮົາກໍຈະອູ້ມພວກເຈົ້າໄວ້ຕໍ່ໆໄປ.
ເຮົາຈະອູ້ມພວກເຈົ້າແລະຊ່ວຍພວກເຈົ້າຄືກັບທີ່ເຮົາເຄີຍເຮັດ.+
5 ພວກເຈົ້າຈະເອົາເຮົາໄປທຽບກັບໃຜ ຫຼືຈະເອົາໃຜມາທຽບກັບເຮົາ?+ບໍ່ມີໃຜທຽບເທົ່າເຮົາໄດ້.+
6 ຄົນຖອກຄຳອອກຈາກຖົງຂອງເຂົາເຈົ້າເອົາເງິນໄປຊັ່ງ
ແລະຈ້າງຊ່າງຕີເຫຼັກໃຫ້ເອົາເງິນເອົາຄຳນັ້ນໄປເຮັດຮູບພະໃຫ້ເຂົາເຈົ້າ.+
ແລ້ວເຂົາເຈົ້າກໍກົ້ມກາບແລະນະມັດສະການຮູບພະນັ້ນ.+
7 ເຂົາເຈົ້າຍົກຮູບພະຂຶ້ນໃສ່ບ່າ+ແລະແບກໄປວາງໄວ້ຢູ່ບ່ອນຂອງມັນ ແລ້ວມັນກໍຕັ້ງຢູ່ຫັ້ນ.
ມັນຍ່າງໄປໃສມາໃສກໍບໍ່ໄດ້.+
ເຂົາເຈົ້າຮ້ອງຂໍໃຫ້ຮູບພະນັ້ນຊ່ວຍ ແຕ່ມັນກໍບໍ່ຕອບ.ມັນຊ່ວຍໃຜໃຫ້ພົ້ນຈາກຄວາມຍາກລຳບາກກໍບໍ່ໄດ້.+
8 ໃຫ້ຈື່ສິ່ງເຫຼົ່ານີ້ໄວ້ແລະໃຫ້ກ້າຫານ.
ພວກເຈົ້າທີ່ເປັນຄົນເຮັດຜິດ ໃຫ້ຈື່ໄວ້ໃນໃຈເດີ້.
9 ໃຫ້ຈື່ສິ່ງຕ່າງໆທີ່ເຮົາເຄີຍເຮັດແຕ່ກີ້.*ເຮົາແມ່ນພະເຈົ້າແລະບໍ່ມີພະເຈົ້າອື່ນ.
ເຮົາແມ່ນພະເຈົ້າແລະບໍ່ມີໃຜຄືເຮົາ.+
10 ຕັ້ງແຕ່ທຳອິດເຮົາບອກລ່ວງໜ້າວ່າຜົນອອກມາຈະເປັນແນວໃດແລະຕັ້ງແຕ່ດົນແລ້ວ ເຮົາໄດ້ບອກລ່ວງໜ້າກ່ຽວກັບສິ່ງຕ່າງໆທີ່ຍັງບໍ່ທັນເກີດຂຶ້ນ.+
ເຮົາບອກວ່າ ‘ເຮົາຕັດສິນໃຈ*ແນວໃດມັນກໍຈະເປັນຕາມນັ້ນ+ແລະເຮົາຈະເຮັດຕາມທີ່ເຮົາຕ້ອງການ.’+
11 ເຮົາຈະເອີ້ນນົກອິນຊີໂຕໜຶ່ງມາຈາກທິດຕາເວັນອອກ.+ເຮົາຈະເອີ້ນຜູ້ຊາຍຄົນໜຶ່ງມາຈາກບ່ອນທີ່ໄກໆເພື່ອໃຫ້ລາວເຮັດຕາມສິ່ງທີ່ເຮົາຕັ້ງໃຈໄວ້ໃຫ້ສຳເລັດ.+
ເຮົາເວົ້າໄວ້ແນວໃດ ເຮົາກໍຈະເຮັດຕາມນັ້ນ.
ເຮົາຕັ້ງໃຈໄວ້ແນວໃດ ເຮົາກໍຈະເຮັດໃຫ້ສຳເລັດ.+
12 ພວກເຈົ້າທີ່ເປັນຄົນຫົວແຂງ ໃຫ້ຟັງເຮົາເດີ້.ພວກເຈົ້າຢູ່ໄກຈາກການເຮັດສິ່ງທີ່ຖືກຕ້ອງ.
13 ເຮົາໄດ້ເອົາຄວາມຖືກຕ້ອງຂອງເຮົາມາຢູ່ໃກ້ໆ ແລະມັນບໍ່ໄດ້ຢູ່ໄກເລີຍ.ເວລາທີ່ເຮົາຈະຊ່ວຍປະຊາຊົນຂອງເຮົາໃຫ້ລອດຈະບໍ່ມາຊ້າ.+ເຮົາຈະໃຫ້ມີຄວາມລອດໃນຊີໂອນ
ແລະອິດສະຣາເອນຈະໄດ້ເຫັນຄວາມສະຫງ່າງາມຂອງເຮົາ.”+