ຄົນ​ທີ່​ຕາຍ​ໄປ​ແລ້ວ​ຈະ “ຄືນ​ມາ​ຈາກ​ຕາຍ.”—ກິດຈະການ 24:15

ໄດ້​ການ​ປອບ​ໂຍນ​ເມື່ອ​ຜູ້​ທີ່​ເຮົາ​ຮັກ​ເສຍ​ຊີວິດ.—2 ໂກລິນໂທ 1:3, 4

ໄດ້​ຫລຸດ​ພົ້ນ​ຈາກ​ການ​ຢ້ານ​ຄວາມ​ຕາຍ.—ເຫບເລີ 2:15

ໄດ້​ມີ​ຄວາມ​ຫວັງ​ທີ່​ແນ່ນອນ​ວ່າ​ຈະ​ໄດ້​ຕ້ອນຮັບ​ຄົນ​ທີ່​ເຮົາ​ຮັກ​ອີກ​ເມື່ອ​ເຂົາ​ເຈົ້າ​ຟື້ນ​ຄືນ​ມາ​ຈາກ​ຕາຍ.—ໂຢຮັນ 5:28, 29

ເຊື່ອ​ໄດ້​ແທ້ ຢ່າງ​ໜ້ອຍ​ມີ​ເຫດຜົນ​ສາມ​ຢ່າງ:

• ພະເຈົ້າ​ເປັນ​ບໍ່​ເກີດ​ຂອງ​ຊີວິດ. ຄຳພີ​ໄບເບິນ​ກ່າວ​ວ່າ ພະ​ເຢໂຫວາ​ພະເຈົ້າ “ໂຜດ​ປະທານ​ຊີວິດ.” (ກິດຈະການ 17:24, 25; ຄຳເພງ 36:9) ພະອົງ​ເປັນ​ຜູ້​ດຽວ​ທີ່​ໄດ້​ສ້າງ​ຊີວິດ​ທັງ​ໝົດ ດັ່ງ​ນັ້ນ​ພະອົງ​ຈຶ່ງ​ສາມາດ​ເຮັດ​ໃຫ້​ຄົນ​ທີ່​ຕາຍ​ໄປ​ຟື້ນ​ຄືນ​ມາ​ມີ​ຊີວິດ​ອີກ​ໄດ້​ຢ່າງ​ແນ່ນອນ.

• ໃນ​ອະດີດ ພະເຈົ້າ​ເຄີຍ​ປຸກ​ຄົນ​ຕາຍ​ໃຫ້​ຟື້ນ​ຄືນ​ມາ. ຄຳພີ​ໄບເບິນ​ໄດ້​ບັນທຶກ​ແປດ​ກໍລະນີ​ຂອງ​ຜູ້​ທີ່​ຕາຍ​ໄປ​ແລ້ວ​ເຊິ່ງ​ມີ​ທັງ​ຜູ້​ຊາຍ ຜູ້​ຍິງ ຜູ້​ໜຸ່ມ ແລະ​ຜູ້​ເຖົ້າ. ບາງ​ກໍລະນີ​ຕາຍ​ໄດ້​ບໍ່​ດົນ ມີ​ກໍລະນີ​ໜຶ່ງ​ທີ່​ຕາຍ​ແລ້ວ​ໄດ້​ມ້ຽນ​ສົບ​ໄວ້​ໃນ​ຖ້ຳ​ຕັ້ງ​ສີ່​ມື້ ທັງ​ແປດ​ກໍລະນີ​ລ້ວນ​ແຕ່​ໄດ້​ຟື້ນ​ຄືນ​ມາ​ຈາກ​ຕາຍ​ໃຫ້​ມາ​ຢູ່​ເທິງ​ໂລກ​ນີ້!—ໂຢຮັນ 11:39-44

• ພະເຈົ້າ​ປະສົງ​ຈະ​ເຮັດ​ສິ່ງ​ນັ້ນ​ອີກ. ພະ​ເຢໂຫວາ​ກຽດ​ຊັງ​ຄວາມ​ຕາຍ ພະອົງ​ຖື​ວ່າ​ຄວາມ​ຕາຍ​ເປັນ​ສັດຕູ. (1 ໂກລິນໂທ 15:26) ພະອົງ “ປາຖະໜາ” ຈະ​ປາບ​ສັດຕູ​ຕົວ​ນີ້ ເພື່ອ​ແກ້ໄຂ​ຜົນ​ເສຍຫາຍ​ທີ່​ເກີດ​ຈາກ​ຄວາມ​ຕາຍ ພະອົງ​ຈະ​ປຸກ​ຄົນ​ທີ່​ຕາຍ​ໃຫ້​ຟື້ນ​ຄືນ​ມາ. ພະເຈົ້າ​ຢາກ​ໃຫ້​ຄົນ​ທີ່​ຢູ່​ໃນ​ຄວາມ​ຊົງ​ຈຳ​ຂອງ​ພະອົງ​ກັບ​ຄືນ​ມາ​ມີ​ຊີວິດ​ໃນ​ໂລກ​ນີ້​ອີກ.—ໂຢບ 14:14, 15