Kupotisa Batu fa Betele
Lwamimema kuli muto potela liofisi zaluna za mutai, zebizwa Betele. Liofisi zaluna zeñwi linani limiziyamu mi mwakona kuipotisa mwateñi.
Kukalisa Kupota: Mwa linaha zeñata, lutuha lukalisa kupotela liofisi zaluna za mitai kukala la June 1, 2023. Kuli muzibe litaba zeñata mulizeze mutai omubata kupotela. Shangwe musike mwapota haiba mufumanwi ni butuku bwa COVID-19, muikutwa kukula, munani lisupo za libelenge Kamba haiba nemuli bukaufi ni mutu yafumanwi ni butuku bwa COVID-19.
Britain
Muzibise Cimo Lizazi Lemubata Kupota
Kana muswanela kuzibisa cimo lizazi lemubata kupota pili musika pota kale? Eni. Kuli kusike kwaba ni batu babañata hahulu ni kuli batu baikole kupota, lukupa kuli baenyi kaufela bazibise cimo lizazi lebabata kupota, kusina taba kuli sikwata sebazamaya ni sona sikuma kai.
Haiba hamusika zibisa mutai lizazi lemubata kupota, kana musakona kupota? Haiba hamusika zibisa mutai lizazi lemubata kupota, hakuna kukonahala kuli mupotiswe. Bakeñisa kuli sibaka saluna hasikoni kukwana batu babañata ka nako yeswana, ki basikai feela babakona kupotiswa ka zazi.
Muswanela kufita nako mañi kuli mupotiswe? Kuli kusike kwaba ni batu babañata hahulu, mukupiwa kufita inze kusasiyezi hora iliñwi pili nako yamina ya kupota isika kwana kale.
Mukona kuzibisa cwañi lizazi lemubata kupota? Haiba batu baba mwa sikwata samina habafiteleli 20, musine fokubonisizwe kuli “Muzibise Cimo Lizazi la Kupota—Batu Babasa Fiteleli 20.” Kamba mwakona kuliza kuli mukupe mutai kupotisa batu ba 20 kamba kufitelela.
Hase muketile lizazi lemubata kuyo pota, kana mwakona kucinca kamba kuzibisa mutai kuli hamusa kona kuyo pota? Eni. Musine fokuñozwi kuli “Mubone kamba Mucince Lizazi la Kupota.”
Kucwañi haiba mutai haupotisi batu fa lizazi lemuketile? Muzwelepili kutatubanga fa webusaiti. Mwakona kufumana lizazi leliñwi la kupota kakuli batu fokuñwi bacincanga mazazi a kupota kamba mane bazibisanga mutai kuli habasa kona kupota.
Kupotisa Batu
Misebezi Yeeziwa
Baokamela musebezi wa Lipaki za Jehova wa kuluta batu Bibele mwa libaka zecwale ka Britain, Ireland, ni Malta. Hape baokamela musebezi wa kutoloka lihatiso zetomile fa Bibele mwa lipuo zeshutana-shutana, hamohocwalo ni mwa puo ya bo susu ya kwa Britain, Siirishi, Siscottishi Gaeliki, ni Siwelshi. Hape balukisanga mavidio ni litaba za kuteeleza.
Kuipotisa Mwa Sibaka Sesibonisa Litaba za Kwamulaho
“Saanda Saluna”: Bapoti bakona kuipotisa mwa miziyamu ye mokubeilwe litaba zakale zebonisa zwelopili yeezizwe mwa musebezi wa kukutaza mwa Britain ni Ireland.
“Bibele Mwa Britain”: Mwa miziyamu ye, kubeilwe Libibele zesaipumanelwi feela, mi kubeilwe ni litaba zebonisa zwelopili yeezizwe mwa musebezi wa kutoloka Bibele mwahalaa lilimo zeñata kuzwa feela kwamulaho.
Maluko A fa Mutai wa Britain: Mwa miziyamu ye kubeilwe maswaniso ni mavidio abonisa musebezi opetiwa fa Mutai wa Britain.