Kana Luli Babashwile Bakapila Hape?
Kana mukaalaba kuli . . .
-
eni?
-
batili?
-
mwendi?
ZEIBULELA BIBELE
“Kukaba ni zuho.”—Likezo 24:15, Bibele ya Toloko ya Lifasi Lelinca.
MOMUKONA KUTUSEZWA KI TABA YEO
Sepo ya zuho ika miomba-omba mutu yemulata hatimela. —2 Makorinte 1:3, 4.
Sepo ya zuho ika mitusa kusasaba hahulu lifu.—Maheberu 2:15.
Mukaba ni sepo yetiile ya kupila hamoho hape ni batu bemulata, babatimezi.—Joani 5:28, 29.
KANA LULI LWASWANELA KULUMELA ZEIBULELA BIBELE?
Eni, sihulu ka mabaka amalaalu:
-
Mulimu ki yena yabupile lika kaufela zepila. Bibele ibulela ka za Jehova Mulimu kuli ki yena “simbule sa bupilo.” (Samu 36:9; Likezo 17:24, 25) Yena yafile bupilo kwa lika kaufela zepila, kaniti wakona kukutiseza bupilo ku mutu yashwile.
-
Kwamulaho Mulimu naazusize batu bane bashwile. Bibele ibulela ka za batu ba 8, ili banana, babahulu, baana, ni basali bane bazusizwe kwa bafu kuli bapile hape fa lifasi. Babañwi nebashwile ka nako yekuswani, kono yomuñwi yena naasatandile mazazi amane mwa libita!—Joani 11:39-44.
-
Mulimu hape unyolelwa kuzusa batu babashwile. Jehova utoile lifu; uliinga sina sila. (1 Makorinte 15:26) Ushukelwa kutula sila seo, ili kufelisa lifu ka kuzusa batu babashwile. Unyolelwa kuzusa batu bahupula, mi unyolelwa kubabona hape inze bapila fa lifasi.—Jobo 14:14, 15.
ZA KUNAHANISISA
Ki kabakalañi halusupala ni kushwa?
Bibele ialaba puzo yeo kwa liñolo la GENESE 3:17-19 ni la MAROMA 5:12.
Hape Mwendi Mwakona Kutabela Litaba Ze
LITUTO ZA BUTOKWA ZA MWA BIBELE
Babashwile ba Mwa Muinelo Mañi?
Bibele isepisa kuli ka nako yeñwi batu babañata baka zusiwa kwa bafu, kamba kukutisezwa kwa bupilo, sina feela mone kubezi ku Lazaro.
LIKALABO KWA LIPUZO ZA BIBELE
Zuho ya Bafu ki Nto Mañi?
Mwendi mukakomoka hahulu hamuka ziba kuli ki bo mañi babaka zusiwa kwa bafu.
TAWALA YA MULIBELELI
Ki Lika Mañi Zekona Kumitusa Kuba ni Sepo Yakuli Babashwile Bakazuha?
Bibele ilufa mabaka amabeli a utwahala hande alutusa kuba ni sepo yakuli zuho ikabateñi.
KA ZA LUNA
Ki Kabakalañi ha lu Swanela ku Ituta Bibele?
Bibele i sweli ku alaba lipuzo za butokwa hahulu ze ba sweli ku buza batu ba bañata-ñata mwa lifasi kaufela. Kana mwa tabela ku ba yo muñwi wa batu bao?
