Akalezo ya Mwakuitutela
Mupete Manzwi A Lipina Zaluna
Kaizeli yabizwa Lorraine wa kwa America, utalusa kuli: “Haniikutwanga kuzwafa, Jehova wanisusuezanga ka kuitusisa lipina ze fa JW Broadcasting®.”
“Lipina za kwa moya” lizwezipili kuba kalulo ya bulapeli bwa Sikreste. (Makolo. 3:16) Haiba mupeta lipina zeo, lika mitusa niha mukaipumana mwa muinelo osa mikonisi kuba ni buka ya lipina kamba kapangaliko. Liakalezo zelatelela zakona kumitusa kupeta lipina zaluna.
Mubale manzwi a lipina ka tokomelo kuli muutwisise zatalusa. Mukona kuhupula litaba ka bunolo haiba muliutwisisa hande. Lwakona kufumana manzwi a lipina zaluna kaufela fa jw.org. Musine fokuñozwi kuli Sifalana, kihona mukasina fokuñozwi kuli Lipina.
Muñole manzwi a lipina fa pepa. Kueza cwalo kuka mitusa kuhupula hahulu manzwi ao.—Deut. 17:18.
Mubale kamba kuopela manzwi ka kutumusa. Mubale kamba kuopela pina ka kukuta-kutela.
Mubone haiba mwahupula zemupetile. Mulike kuhupula manzwi a pina kusina kutalima fa pepa, mi hasamulaho mubone haiba mwaahupula hande.