Myanda ya Mabilo ne Bupempudi
Tubakwite na nsangaji yonso wiye upempule mabilo ne mobo etu kotulupulanga mabuku. Kimba bifuko ne bitatyi bya bupempudi.
Kupempula Monka Betele: Mu matanda mavule, bantu basa kushilula monka kupempula mabilo a misambo yetu tamba mu difuku 1 Kweji 6, 2023. Pa kuyukila'ko bivule, ita musambo osaka kukapempula'wa. Tubakwisāshila, kokīya kupempula shi i bakukwate Corona, shi udi na biyukeno bya manzamba ne kipwinji, nansha shi mu ano mafuku wadi pabwipi na muntu obakwete Corona.
Kanada
Kukwatyila kyaba
Le bikulomba kukwatyila kyaba kumeso kwa kwiya kupempula? En-en. Kutyina kwiija bantu bavule pa kimo ne pa kusaka’mba bonso basangele bupempudi, tulomba bonso bāya kupempula bakwatyile kyaba kumeso kwa kwiya nansha shi mwi batyetye nansha bavule namani. Kwatyilai bupempudi bwenu nansha’tu yenga umo kumeso. Shi wiya kupempula mu mafuku keengilwangapo, nankyo kwatyila kyaba mafuku mavule kumeso.
Le shi kukwatyilepo kyaba ubwanya kwiya kupempula? Shi kukwatyilepo kyaba, tukakomenwa kukulongeja bupempudi. Kifuko byokidi kityetye, i enka bantu batyetye kete babwanya kupempula ku difuku.
Le ufwaninwe kufika kitatyi’ka kya kupempula? Kutyina kwiija bantu bavule pa kimo, tukulomba ufike kintu kya nsá umo kumeso kwa bupempudi kushilula.
Le ukakwatyila kyaba namani? Shi kisumpi kyenu kidi na bantu basenselela ku 20, tonya pa “Kwatyila Kyaba—Bantu Basenselela ku 20.” Shi bitupu, tuma musapu wa ku Entelenete ku tourdesk.ca@jw.org pa kulomba bupempudi 20 ne kupita.
Le ubwanya kushinta nansha kutalula kyaba kyowakwatyīle? En-en. Tonya pa “Tala Nansha Kushinta Kyaba.”
Le shi kekudipo bupempudi mu mafuku osaka? Endelela kukimba pa diteba. Kyaba kya kupempula kimwekanga pashinta bantu nansha kutalula bupempudi bobadi bakwatyile.
Bupempudi
Myanda Mikatampe
Tutampanga mwaka ne mwaka mabuku midiyo 300 ne kupita esambila pa Bible. Tutumanga mavuku mu ndimi 200 ne musubu ku misambo ntanda yonso ne ku bipwilo bya Batumoni ba Yehova 15000 ne musubu mu Canada, mu Bisanga bya Karaibe, ne mu Etats-Unis.