“Ba nsangaji i boba bevwana mwanda wa Leza ne kwiulama!”​—Luka 11:28, Bwalamuni bwa Ntanda Mipya.

Kwisanswa kwa bine.​—Efisesa 5:28, 29.

Kwilēmeka bya binebine.​—Efisesa 5:33.

Kwikala na mutyima-ntenke wa binebine.​—Mako 10:6-9.

I amo, tala bidi bubinga bubidi:

• Leza ye Mwine wātūdile’ko kisaka. Bible unena’mba kudi Yehova Leza “ko kuselele kisaka ne kisaka dijina.” (Efisesa 3:14, 15) Ko kunena’mba, shi kudi kisaka, i mwanda Yehova ye wēkipangile. Mwanda waka kuyuka kino kudi na mvubu?

  Langa’po bidi: Shi udya bidibwa bitobala ne usaka kuyuka bisombelwa byobelele’mo, le i ani okepangula? Na bubine, ukepangula yewa utekele’byo.

  Mo monka ne pa kusokola bine bileta nsangaji mu kisaka, tufwaninwe kwipangula Yehova, Mwine wātūdile’ko kisaka.​—Ngalwilo 2:18-24.

• Leza wimutele mutyima. Bisaka bifwaninwe kukimba madingi a Yehova, aletele mu Kinenwa kyandi. Mwanda waka? “Mwanda aye wimutele mutyima.” (1 Petelo 5:6, 7) Yehova wimusakilanga mwikale biyampe—kadi madingi andi akwashanga nyeke!​—Nkindi 3:5, 6; Isaya 48:17, 18.