Lelo I Bika Binena Bible?
Lelo Amakedona i bika?
Bamo bakulupile . . .
amba i bonakani bukafikila ntanda yonso na mabombe a nyukilia. Le ulanga’po namani?
Binena Bible
Amakedona i kifuko kyelekeja “divita dya difuku dikatampe dya Leza Mwinē Bukomo Bonso,” dyakonakanya’ko babi.—Kusokwelwa 16:14, 16.
Le i bika bikwabo byotwifunda mu Bible?
Leza ukaleta divita dya Amakedona, ke mwandapo wa konakanya ntanda, ino i mwanda wa kwiikinga ku bantu beyonakanya.—Kusokwelwa 11:18.
Divita dya Amakedona dikapwija mavita onso.—Ñimbo ya Mitōto 46:8, 9.
Lelo bikokejika kupanda ku divita dya Amakedona?
Le abe amba namani?
En-en
Aa
Padi
Binena Bible
“Kibumbo kikatampe” kya bantu ba mu mizo yonso kikapanda pa “kyamalwa kikatampe,” kine kikafula na divita dya Amakedona.—Kusokwelwa 7:9, 14.
Le i bika bikwabo byotwifunda mu Bible?
Leza usakanga bantu bavule bakapande ku divita dya Amakedona. Inoko babi, ukebonakanyanga—Ezekyele 18:32.
Bible ushintulula mwa kupandila ku divita dya Amakedona.—Zefenia 2:3.
Tala'po Bidi ne Bino:
BIPANGUJO BYA MU BIBLE BILONDOLWELWE
Le Divita dya Amaketona I Bika?
Kishima Amakedona kitanwa musunsa umo kete mu Bible, inoko divita dine i dīsambilwe’po mu Bisonekwa.
