Misambu 102:1-28
Disambila dia mukengi padiye mushikile* ne upumuna malu adi mamutonde kumpala kua Yehowa.+
102 Yehowa, telejaku disambila dianyi;+Muadi wanyi wa dilomba diambuluisha ufike kuudi.+
2 Kunsokoki mpala webe pandi mu dikenga.+
Inyika ditshi diebe* kundi;Ngandamunaku ne lukasa pandi mbikila.+
3 Bualu matuku anyi adi apepuka bu muishi,Ne mifuba yanyi mmilungule bu muaba utubu batemeshila kapia.+
4 Muoyo wanyi mmutshibuila panshi bu tshisonsa, ne mmufubidile,+Bualu ndi mpua muoyo bua kudia biakudia bianyi.
5 Bua ditua dianyi dia mikemu dikole,+Ndi mushale anu mifuba.+
6 Ndi mufuanangane ne nyunyi wa mukuekue wa mu tshipela;Ndi anu bu kana ka tshipungulu mu bikulu.
7 Ndi ndala tshitabela;*Ndi anu bu nyunyi wa tshienda nkaya pa musaka wa nzubu.+
8 Dituku dijima bena lukuna banyi badi bampenda.+
Bantu badi banseka* badi bangata dîna dianyi bu mulawu.
9 Bualu ndi ndia butu bu dianyi diampa,+Ne bia kunua bianyi mbisambakaja ne binsonji,+
10 Bua bualu bua tshiji tshiebe ne bua difiika diebe dia munda,Bualu uvua mumbandishe anu bua kungimansha.
11 Matuku anyi adi anu bu mundidimbi udi wenda ujimina,*+Ne ndi mfubidila anu bu bisonsa.+
12 Kadi wewe, Yehowa, udi ushalaku kashidi,+Ne lumu* luebe nelushalaku mu bipungu bionso bia bantu.+
13 Bushuwa wewe neujuke bua kuleja Siona luse,+Bualu ntshikondo tshia wewe kuleja muudi mumuanyishe;+Tshikondo tshisungula tshiakumbanyi.+
14 Bualu bena mudimu bebe badi banyisha mabue ende+Ne mbanange too ne lupuishi luende.+
15 Bisamba nebitshine dîna dia Yehowa,Ne bakalenge bonso ba pa buloba butumbi buebe.+
16 Bualu Yehowa neibakulule Siona;+Neamueneke mu butumbi buende.+
17 Neateleje disambila dia bakengi;+Kakulengulula disambila diabu.+
18 Bualu ebu mbufundila tshipungu tshia bantu tshilualua,+Bua tshisamba tshidi ne bua kuledibua* tshilue kutumbisha Yah.
19 Bualu udi utangila panshi kumbukila muaba wende mutumbuke wa tshijila,+Yehowa udi utangila buloba kumbukila mu diulu,
20 Bua kumvua bikuwa bia muena buloko,+Bua kulekela badibu bakosele tshibawu tshia lufu,+
21 Bua bamanyishe dîna dia Yehowa mu Siona+Ne butumbi buende mu Yelushalema,
22 Padi bukua bantu ne makalengeBidisangisha pamue bua kuenzela Yehowa mudimu.+
23 Yeye wakannyenga bukole buanyi dîba kadiyi dianji kukumbana;Wakakosoloja matuku anyi.
24 Ngakamba ne: “Nzambi wanyi,Kunshipi munkatshinkatshi mua matuku a muoyo wanyi,Wewe muena bidimu bidi bikongoloja bipungu bionso bia bantu.+
25 Wewe wakateka bishimikidi bia buloba ku kale menemene,Ne diulu mmudimu wa bianza biebe.+
26 Biobi nebijimine, kadi wewe neushalaku;Nebisunsuke bionso anu bu tshilamba.
Wewe neubishintulule anu bu bivualu, ne nebijimine.
27 Kadi wewe udi anu muomumue, ne bidimu biebe kabiakushikila nansha.+
28 Bana ba bena mudimu bebe nebasombe talalaa,Ne ndelanganyi yabu neyijadikibue bikole kumpala kuebe.”+
Note
^ Anyi “uteketa.”
^ Anyi “Inama, uteleje.”
^ Anyi pamuapa: “Ndi munyane.”
^ Anyi “bampotela.”
^ Anyi “mundidimbi udi wenda ulepakana.”
^ Anyi “dîna.” Ku mua.: “tshivulukilu.”
^ Ku mua.: “kufukibua.”
