Misambu 130:1-8
Musambu wa mu dibanda.
130 Yehowa wanyi, ndi nkubikidila mu ndondo.+
2 Yehowa wanyi, umvua dîyi dianyi.
Matshi ebe ateye ntema ku disengelela dianyi dia dilomba diambuluisha.
3 Yah,* bu wewe muikale utangila* anu bilema,Nunku, Yehowa wanyi, nnganyi uvua mua kuimana?+
4 Bualu kuudi wewe kudi difuilangana dia luse dilelela,+Bua bikale bakunemeka.*+
5 Ndi mutekemene Yehowa, meme yonso mujima* ndi mumutekemene;Ndi muindile dîyi diende.
6 Ndi ngindila* Yehowa ne muoyo mujima,+Kupita mudi nsentedi yindila dinda,+Eyowa, kupita mudi nsentedi yindila dinda.
7 Isalele atungunuke ne kuindila Yehowa,Bualu Yehowa udi ne lulamatu mu dinanga diende,+Ne udi ne bukole bua bungi bua kupikulangana nabu.
8 Yeye neapikule Isalele ku bilema biende bionso.
Note
^ “Yah” ntshikepeshilu tshia dîna dia Yehowa.
^ Anyi “ulondolola.”
^ Ku mua.: “bakutshina.”
^ Anyi “anyima wanyi.”
^ Anyi “anyima wanyi udi windila.”
