Misambu 30:1-12
-
Muadi wakakudimuka kulua disanka
-
Kuanyishibua kudi Nzambi mbua matuku onso a muoyo (5)
-
Mujiki. Musambu wa dibanjija nawu nzubu. Wa Davidi.
30 Nenkutumbishe, Yehowa wanyi, bualu udi mumbandishe;*Kuvua mulekele bena lukuna banyi basanka bua dikuluka dianyi to.+
2 Yehowa Nzambi wanyi, ngakakudidila ndomba diambuluisha, wewe wakangondopa.+
3 Yehowa, wewe udi mumbandishe, mumpatule* mu Lukita.*+
Uvua mundame ne muoyo; uvua mungepule ku dipueka mu dijimba.*+
4 Imbayi misambu ya kutumbisha nayi* Yehowa, nuenu bena lulamatu bende,+Elayi dîna* diende dia tshijila tuasakidila;+
5 Bualu kuikala mu tshiji tshiende kudi anu bua tshitupa tshîpi,+Kadi kuikala muanyishibue kudiye* kudi bua matuku onso a muoyo.+
Kudila kudi mua kulua dilolo, kadi mu dinda, kudi lubila lua disanka.+
6 Pamvua tshiyi ne lutatu, ngakamba ne:
“Kabakunnyukula nansha.”*
7 Yehowa wanyi, pamvua muanyishibue kuudi,* uvua mumvuije mukole bu mukuna.+
Kadi pauvua munsokoke mpala webe, ngakumvua buôwa bukole.+
8 Yehowa wanyi, ngakatungunuka ne kuela dîyi kuudi;+Ngakatungunuka ne kutendekena Yehowa bua anganyishe.
9 Kufua kuanyi,* kupueka kuanyi mu dijimba,* kudi ne dikuatshisha kayi?+
Lupuishi nelukutumbishe anyi?+ Neluambile bantu bualu bua lulamatu luebe anyi?+
10 Yehowa wanyi, unteleje, undeje luse luebe.+
Yehowa wanyi, ulue muambuluishi wanyi.+
11 Udi mukudimune muadi wanyi mulue kuja kua maja;Udi munkopole tshilamba tshianyi tshikayabale, ne udi umvuadika disanka,
12 Bua meme* mmone mua kuimba misambu ya kukutumbisha nayi tshiyi nshala mupuwe.
Yehowa Nzambi wanyi, nenkutumbishe bua kashidi.
Note
^ Anyi “munkoke muulu.”
^ Anyi “mupatule anyima wanyi.”
^ Anyi “lukita.”
^ Anyi “mijiki bua.”
^ Ku mua.: “tshivulukilu.”
^ Anyi “mu muoyo wende mulenga.”
^ Anyi “Tshiakutetuka (Tshiakulenduka) nansha.”
^ Anyi “pavua muoyo webe mulenga kundi.”
^ Ku mua.: “Mashi anyi.”
^ Anyi “lukita.”
^ Anyi “butumbi buanyi.”
