Misambu 39:1-13
Kudi muludiki; wa Yedutuna.*+ Mujiki wa Davidi.
39 Ngakamba ne: “Nendame dikasa dianyiBua kuepuka dienza mpekatu ne ludimi luanyi.+
Nendame mukana muanyi ne tshintu tshia kumujika natshi+Padi muntu mubi muikale kumpala kuanyi.”
2 Mvua mushale kamama, mupuwe;+Ngakashala talalaa nansha bua bualu budi buimpe,Kadi kanyinganyinga kanyi kavua kakole.*
3 Muoyo wanyi wakafuima* munda muanyi.
Pamvua muelangane meji,* kapia kakatungunuka ne kutema.
Ke ludimi luanyi kuakula luamba ne:
4 “Yehowa wanyi, ngambuluishaku bua mmanye tshikala nshikidilu wanyi,Ne tshipiminu tshia matuku anyi,+Bua mmanye buîpi bua muoyo wanyi.*
5 Bushuwa, udi muvuije matuku anyi anu makese patupu;*+Ne bule bua muoyo wanyi kabuena bu tshintu kumpala kuebe.+
Bulelela, muntu yonso, nansha umueneka bu udi mu bukubi, udi anu mupuya wa patupu.+ (Sela)
6 Bushuwa, muntu yonso udi wendakana bu mundidimbi.
Udi unyemakana* bua tshianana.
Udi unguija bubanji kayi mumanye walua kusanka nabu.+
7 Yehowa wanyi, ntshinyi tshindi mua kutekemena mpindieu?
Wewe ke ditekemena dianyi dimuepele.
8 Umpandishe ku dishipa dia mikenji dianyi dionso.+
Kulekedi muntu mutshimbakane umvuija tshintu tshia kupetula nansha.
9 Ngakashala kamama;Tshivua mua kukangula mukana muanyi,+Bualu etshi tshivua tshienzedi tshiebe.+
10 Umbusha tshipupu tshiebe kundi.
Ndi muzengele bualu tshianza tshiebe tshidi tshinkuma.
11 Wewe udi ubela muntu ne dinyoka bua tshilema tshiende;+Udi udia bintu bidiye wangata ne mushinga anu bu mutu tshishi tshia mbumbu tshidia.
Bulelela, muntu yonso udi anu mupuya wa patupu.+ (Sela)
12 Yehowa wanyi, umvua disambila dianyi,Teleja muadi wanyi wa dilomba diambuluisha.+
Kulenguludi binsonji bianyi.
Bualu ndi anu muntu musombe buenyi kuudi,+Muena luendu udi upita,* anu bu bankambua banyi bonso.+
13 Umbusha mêsu ebe makole kundi bua mmone mua kusangalaKumpala kua meme kujimina ne kuya.”
Note
^ Anyi “kakajuka.”
^ Ku mua.: “wakakuata kapia.”
^ Anyi “Pangakatua mikemu.”
^ Anyi “mundi wa tshitupa tshîpi.”
^ Ku mua.: “ntanta wa butshiama bua bianza.”
^ Ku mua.: “wenza mutoyi.”
^ Anyi “udi mutudile ku babende.”