Misambu 53:1-6
Kudi muludiki; bilondeshile ngimbilu wa Mahalata.* Masikile.* Wa Davidi.
53 Muntu mutshimbakane* udi wamba mu muoyo wende ne:
“Yehowa kenaku to.”+
Bienzedi biabu bidi kabiyi biakane mbinyanguke ne mbibipe;Kakuena muntu udi wenza malu mimpe.+
2 Kadi Nzambi mu diulu udi utangila bana ba bantu panshi+Bua kumona ni kudi muntu udi ne lungenyi lutue, ni kudi muntu udi ukeba Yehowa.+
3 Buonso buabu mbasesuke;Buonso buabu mbanyanguke muomumue.
Kakuena udi wenza malu mimpe,Nansha umue.+
4 Kakuenaku muntu wa mu benji ba malu mabi udi ujingulula bualu anyi?
Badi badia bantu banyi bu badi badia mampa.
Kabena babila Yehowa to.+
5 Kadi nebuwujibue ne buôwa bukole menemene,Buôwa bukole butubu katshia kabayi banji kumvua,*Bualu Nzambi neatangalaje mifuba ya badi bakubunda.*
Wewe neubafuishe bundu, bualu Yehowa mmubabenge.
6 Kaah! Lupandu lua Isalele lufuminaku mu Siona!+
Padi Yehowa upingaja bantu bende badi bakuatshibue,Yakoba ikale ne disanka, Isalele asanke.
Note
^ Anyi “Muntu udi kayi ne meji.”
^ Anyi pamuapa: “Buôwa muaba uvua kawuyi tshintu tshia kumvuila buôwa.”
^ Ku mua.: “badi basa tshitudilu bua kukuluisha.”
