Misambu 59:1-17
Kudi muludiki; bilondeshile “Kufikishi ku kabutu.” Wa Davidi. Miketame.* Pavua Shaula mutume bantu bua kutentekela nzubu wa Davidi* bua kumushipa.+
59 Nzambi wanyi, nsungila kudi bena lukuna banyi;+Nkuba kudi bantu badi bajuka bua kunduisha.+
2 Nsungila kudi badi benza malu mabi,Ne mpandisha kudi bena tshikisu.*
3 Mona! Mbangalamine;*+Bantu ba bukole badi bangela mvita,Yehowa wanyi, ki mbualu ndi mutomboke anyi muenze mpekatu to.+
4 Nansha mumvua tshiyi muenze bibi, badi balua lubilu ne badilongolola bua kunduisha.
Juka pandi nkubikila bua umone.
5 Bualu wewe, Yehowa Nzambi wa biluilu, udi Nzambi wa Isalele.+
Bika bua utume ntema yebe kudi bisamba bionso.
Kuleji nansha umue wa batungidianganyi ba muoyo mubi luse to.+ (Sela)
6 Badi bapingana dilolo dionso;+Badi bakungula* bu mbua+ ne babembela benda banyunguluka tshimenga.+
7 Tangila bidi bipongoloka* mukana muabu;Mishiku yabu idi anu bu miele ya mvita,+Bualu badi bamba ne: “Nnganyi udi uteleja?”+
8 Kadi wewe, Yehowa, neubaseke;+Neupetule bisamba bionso.+
9 Wewe Bukole buanyi, nenshale mutabale bua kukuindila;+Bualu Nzambi ntshinyemenu tshianyi tshikole.*+
10 Nzambi udi undeja dinanga dia lulamatu nealue kungambuluisha;+Nzambi neenze bua ntangile baluishi banyi ne mêsu a butshimunyi.+
11 Kubashipi, bua bena mu tshisamba tshietu kabalu kupua muoyo.
Ubatambakaje ku bukole buebe;Yehowa wanyi, wenze bua batonkoke, wewe ngabu wetu.+
12 Bua mpekatu wa mukana muabu, dîyi dia ku mishiku yabu,Bakuatshibue mu buteyi bua lutambishi luabu,+Bua milawu ne mashimi bidibu bamba.
13 Bajikija mu tshiji tshiebe;+Bajikija bua kabikadiku kabidi to;Wenze bua bamanye ne: Nzambi udi ukokesha mu Yakoba too ne ku ntengu ya buloba.+ (Sela)
14 Bapingane dilolo;Bakungule* bu mbua ne babembele benda banyunguluka tshimenga.+
15 Batambakane bua kupeta tshiakudia;+Kubalekedi bukuta anyi bapeta muaba wa kutudila.
16 Kadi meme nengimbe bua bukole buebe;+Mu dinda, nengambe bualu bua dinanga diebe dia lulamatu ne disanka.
Bualu wewe udi tshinyemenu tshianyi tshikole+Ne muaba wanyi wa kunyemena mu tshikondo tshia dikenga.+
17 Wewe Bukole buanyi, nenkuimbile misambu ya kukutumbisha nayi,*+Bualu Nzambi ntshinyemenu tshianyi tshikole, Nzambi mundeji wa dinanga dia lulamatu.+
Note
^ Ku mua.: “nzubu.”
^ Anyi “badi bazuka bua kuela mashi panshi.”
^ Anyi “mbalamine anyima wanyi.”
^ Anyi “babuluka.”
^ Anyi “bifuilakana.”
^ Anyi “muaba mutumbuke wa bukubi.”
^ Anyi “Babuluke.”
^ Anyi “mijiki.”
