Misambu 71:1-24
71 Kuudi wewe, Yehowa wanyi, nkundi munyemene.
Tshifuishibu koku bundu nansha kakese.+
2 Mu buakane buebe, umpandishe ne unsungile.
Inyika ditshi diebe* kundi, umpandishe.+
3 Wikale kundi bu muaba mukolesha wa dibueUndi mua kubuela misangu yonso.
Utume dîyi bua kumpandisha,Bualu wewe udi mukuna wanyi wa dibue ne muaba wanyi wa kusokomena.+
4 Nzambi wanyi, unsungile mu tshianza tshia muntu mubi,+Ku dikuatshibua dia mukengeshanganyi udi kayi muakane.
5 Bualu wewe udi ditekemena dianyi, Mukalenge Mutambe Bunene Yehowa;Ndi mukueyemene* katshia ku buana buanyi.+
6 Wewe ke undi mutekemene katshia ku diledibua dianyi;Wewe ke uvua mumpatule munda mua mamuanyi.+
Ndi nkutumbisha misangu yonso.
7 Ndi mulue bu tshishima kudi ba bungi,Kadi wewe udi tshinyemenu tshianyi tshikole.
8 Mukana muanyi mmuwule tente ne butumbi buebe;+Ndi mmanyisha bunême buebe dituku dijima.
9 Kumbengi ku bukulakaja buanyi;+Kundekedi padi bukole buanyi bushikila.+
10 Bena lukuna banyi badi bangamba,Ne badi bakeba kuangata muoyo wanyi* badi bela tshifufu tshiapamue,+
11 Bamba ne: “Nzambi mmumulekele.
Muipatayi, numukuate, bualu kakuena wa kumupandisha to.”+
12 Nzambi wanyi, kushadi kule nanyi to.
Nzambi wanyi, luaku lukasa bua kungambuluisha.+
13 Badi bankandamena*Bafuishibue bundu ne bajimine.+
Badi bankebela dikengaBuwule tente ne bundu ne bapuekeshibue milongo.+
14 Kadi meme, nentungunuke ne kuindila;Nemvudije butumbi buebe.
15 Mukana muanyi nemulondele bantu buakane buebe,+Bienzedi biebe bia lupandu dituku dijima,Nansha mudibi bungi bundi tshiyi mua kukuata.*+
16 Nendue ne nemmanyishe bienzedi biebe bia bukole,Wewe Mukalenge Mutambe Bunene Yehowa;Nengakule bua buakane buebe, buebe nkayebe.
17 Nzambi wanyi, udi mundongeshe katshia ku buana buanyi;+Too ne mpindieu ndi ntungunuka ne kumanyisha midimu yebe ya dikema.+
18 Nzambi wanyi, nansha pandi nkulakaja, ndua ne nsuki mitoke, kundekedi to.+
Ngambile ba mu tshipungu tshia bantu tshidi tshilua bualu bua bukole buebe*Ne bonso batshilualua bualu bua makanda ebe.+
19 Buakane buebe, Nzambi wanyi, budi bufika too ne muulu;+Udi muenze malu manene;Nzambi wanyi, nnganyi udi bu wewe?+
20 Nansha muudi muitabe bua mpete ntatu ya bungi ne makenga,+Umfululule koku kabidi;Umpatule mu ndondo* wa mu buloba.+
21 Vudijaku bunene buanyiNe unnyunguluke, unsambaku.
22 Pashishe, nenkutumbishe ne tshiombelu tshia nshingaBua lulamatu luebe, Nzambi wanyi.+
Nengimbe misambu ya kukutumbisha nayi* ne lunzenze,Wewe Wa Tshijila wa Isalele.
23 Mishiku yanyi neyele mbila ne disanka pandi nkuimbila misambu ya butumbi,+Bualu wewe udi mupandishe muoyo wanyi.*+
24 Ludimi luanyi neluakule bua* buakane buebe dituku dijima,+Bualu bantu badi bakeba dibutuka dianyi nebafuishibue bundu ne nebapuekeshibue milongo.+
Note
^ Anyi “Inama, uteleje.”
^ Anyi “Udi tshieyemenu tshianyi.”
^ Anyi “bakeba anyima wanyi.”
^ Anyi “bakandamena anyima wanyi.”
^ Anyi “kubala.”
^ Ku mua.: “diboko diebe.”
^ Anyi “ndondo wa mâyi.”
^ Anyi “Nenkuimbile mijiki.”
^ Anyi “mukuule anyima wanyi.”
^ Anyi “neluelangane meji a.”