Misambu 78:1-72
-
Ditabalela dia Nzambi ne dipanga ditabuja dia Isalele
Masikile.* Wa Asafa.+
78 Nuenu bantu banyi, telejayi mukenji wanyi;*Inyikayi ditshi dienu ku mêyi a mukana muanyi.
2 Nenkangule mukana muanyi ne lusumuinu.
Nengelele bantu tusumu tua kale kale.+
3 Malu atudi bumvue ne bamanye,Malu adi batatu betu batulondele,+
4 Katuakuasokoka bana babu to;Netulondele bantu ba tshipungu tshilualua+Bienzedi bia Yehowa bia kutumbisha, ne bukole buende kabidi,+Malu a kukema adiye muenze.+
5 Yeye wakajadika divuluija mu Yakoba,Kutekaye mukenji mu Isalele;Wakatumina bankambua betu dîyiBua kumanyisha bana babu malu aa,+
6 Bua bantu ba tshipungu tshilualua,Bana badi ne bua kuledibua, baamanye pabu.+
Bobu pabu baalondele babu bana.+
7 Nunku bana aba nebeyemene Nzambi.
Kabakupua midimu ya Nzambi muoyo,+Kadi nebatumikile mêyi ende.+
8 Nunku kabakuikala bu bankambua babu,Bantu ba tshipungu tshia bena tshitunu ne bantomboji,+Bena tshipungu tshia bantu bavua ne muoyo kawuyi kaba kamue*+Ne bavua ne lungenyi kaluyi lulamate Nzambi.
9 Bena Efelayima bavua badipaye ne mata a mikete,Kadi bakapingana tshianyima dituku dia mvita.
10 Kabavua balame tshipungidi tshia Nzambi,+Ne bakabenga kuendela mu mikenji yende.+
11 Bakapua kabidi malu avuaye muenze muoyo,+Malu ende a kukema avuaye mubaleje.+
12 Yeye wakenza malu a kukema ku mêsu kua bankambua babu,+Mu buloba bua Ejipitu, mu tshitupa tshia buloba tshia Soana.+
13 Yeye wakapandulula mbuu bua kubapitshishilamu;Wakimanyika mâyi bu nkila.*+
14 Wakabalombola mu munya ne ditutu,Ne butuku bujima ne butoke bua kapia.+
15 Wakapanda mabue mu tshipela,Ne wakabanuisha mâyi nyota yabu kujika bienze bu ne: bavua banuina mu mâyi male.+
16 Wakapatula tusulu mu mukuna wa dibueNe wakapuekesha mâyi bu misulu.+
17 Kadi bakatungunuka ne kumuenzela mpekatuMu ditombokela Mutambe Bunene mu tshipela;+
18 Bakela Nzambi mpata* mu muoyo wabu+Pakalombabu biakudia bivuabu bajinga ne muoyo mujima.*
19 Nunku bakamba Nzambi mêyi mabi,Bamba ne: “Nzambi udiku mua kuteka mêsa a biakudia mu tshipela anyi?”+
20 Monayi! Yeye wakakuma dibue dineneKuenzabi bua mâyi apueke ne tusulu tupasalale.+
“Yeye udi mua kutupesha kabidi diampa,Peshi kupesha bantu bende munyinyi anyi?”+
21 Pakabumvua Yehowa, wakafiika munda bikole;+Kapia+ kakatemena Yakoba,Ne tshiji tshiende tshiakalundukila Isalele+
22 Bualu kabakaleja ditabuja kudi Nzambi to;+Kabakeyemena bukole buende bua kubapandisha to.
23 Ke yeye kutumina diulu didi ne matutu muulu dîyi,Ne kukangulaye biibi bia mu diulu.
24 Uvua anu ubalokeshila mana bua bobu kudia;Wakabapesha ntete ya mu diulu.+
25 Bantu bakadia biakudia bia bilobo;*+Wakabifila bungi bukumbane bua kukutabu.+
26 Wakajula lupepele lua ku est mu diulu,Kututshishaye lupepele lua ku sud ku bukole buende.+
27 Wakabalokeshila munyinyi bu lupuishi,Nyunyi bu nsenga ya kumpenga kua mbuu.
28 Wakayimatshisha munkatshi mua tshitudilu tshiende,Ku nseke yonso ya ntenta yende.
29 Bakadia, kudiabu ne lumpukusu kubatondabi;Yeye wakabapesha bivuabu bajinga.+
30 Kadi kumpala kua kujikijabu lukuka luabu luonso,Patshivua biakudia biabu mukana muabu,
31 Tshiji tshia Nzambi tshiakabalundukila.+
Yeye wakashipa bantu babu batambe bukole;+Wakakulula nsongalume ya Isalele.
32 Nansha nanku, bakenza kabidi mpekatu kupitshisha,+Ne kabavua ne ditabuja mu midimu yende ya kukema.+
33 Nunku wakashikija matuku abu bu mupuya wa patupu,+Ne kushikijaye bidimu biabu ne malu a tshimpitshimpi adi akuatshisha buôwa.
34 Kadi misangu yonso ivuaye ubashipa, bavua bamukeba;+Bavua bapingana, bakeba Nzambi,
35 Bavuluka ne: Nzambi uvua Dibue diabu,+Kabidi ne: Nzambi Mutambe Bunene uvua Mukuudi* wabu.+
36 Kadi bakakeba bua kumushima ne mukana muabuNe kumudinga ne ludimi luabu.
37 Muoyo wabu kawuvua mushindame kudiye;+Kabavua balamate tshipungidi tshiende.+
38 Kadi uvua ne luse;+Uvua ubabuikidila* tshilema tshiabu, kayi ubabutula to.+
Uvua misangu ya bungi ukanda tshiji tshiende+Pamutu pa kujula tshiji tshiende tshikole tshionso.
39 Bualu yeye wakavuluka ne: bavua anu bantu betu ba tshianana aba,*+Lupepele ludi lututa lupita, kaluyi lupingana.*
40 Bungi buine bua misangu yakamutombokelabu mu tshipela+Ne yakamufikishabu ku dinyingalala mu muaba uvua kawuyi mâyi!+
41 Bakela Nzambi mu diteta misangu ne misangu,+Bakanyingalaja* Wa Tshijila wa Isalele.
42 Kabakavuluka bukole buende,*Dituku divuaye mubasungile* kudi muluishi,+
43 Muvuaye muleje bimanyinu biende mu Ejipitu+Ne bishima biende mu tshitupa tshia buloba tshia Soana,
44 Ne muvuaye mukudimune minkoloji ya musulu wa Nile milue mashi,+Kabayi mua kunua mâyi a tusulu tuayi.
45 Yeye wakatuma bisumbu bia mabubu bua kubadia,+Ne ndimba bua kubabutula.+
46 Wakafila bia pa madimi biabu kudi mpasu ya mikumbi idi ibutula,Bivuabu bapete ku mudimu wabu mukole kudi mpasu ya mikumbi idi yenda mu bisumbu.+
47 Wakanyanga mionji yabu ya tumuma tua mvinyo ne mvula wa mabue+Ne mitshi yabu ya tshikuyi ne mabue a mvula.
48 Wakafila nyama yabu ya diambula nayi majitu ku mvula wa mabue+Ne bimuna biabu ku mipenyi ya mvula.*
49 Wakabajinguluila tshiji tshiende tshidi tshitema,Tshiji tshikole ne difiika munda ne dikenga,Bisumbu bia banjelu bidi bikebesha tshipupu.
50 Wakasoluela tshiji tshiende njila.
Kakabepula* ku lufu to;Ne wakabafila* ku tshipupu tshia disama.
51 Ndekelu wa bionso, wakashipa banabute bonso ba mu Ejipitu,+Ntuadijilu wa bukole buabu bua lulelu mu ntenta ya Hama.
52 Pashishe wakapatula bantu bende bu tshisumbu tshia mikoko,+Ne wakabalombola mu tshipela bu tshisumbu tshia nyama.
53 Wakabalombola bikale mu bukubi,Ne kabakumvua buôwa nansha;+Mbuu wakabuikila bena lukuna babu.+
54 Wakabafikisha mu buloba buende bua tshijila,+Buloba bua mikuna ebu buvua tshianza tshiende tshia balume tshipete.+
55 Wakipata bisamba kumpala kuabu;+Wakababanyina bumpianyi bupima ne nshinga wa kupima nende bule;+Wakateka bisa bia Isalele mu nzubu yabu.+
56 Kadi bobu bakatungunuka ne kuela Nzambi Mutambe Bunene mpata,* ne kumutombokela;+Kabakateya ntema ku mavuluija ende.+
57 Bakamuela kabidi nyima ne bavua bena tshitungu anu bu bankambua babu.+
Kabavua bantu ba kueyemena anu bu buta bua mikete budi kabuyi busuika bikole.+
58 Bakatungunuka ne kumufiikisha munda ne miaba yabu mitumbuke,+Ne bakamusonsola tshiji tshikole* ne mpingu yabu misonga.+
59 Nzambi wakumvua, kupetaye tshiji tshikole,+Ke yeye kubenga Isalele ne muoyo mujima.
60 Ndekelu wa bionso, wakalekela ntenta wa tshitendelelu wa ku Shilo,+Ntenta uvuaye musombele munkatshi mua bantu.+
61 Wakalekela bakuata tshimanyinu tshia bukole buende baya natshi,Kulekelaye butumbi buende mu tshianza tshia muluishi.+
62 Wakafila bantu bende ku muele wa mvita+Ne wakakuatshila bumpianyi buende tshiji tshikole.
63 Kapia kakashidisha nsongalume yende,Ne kabakimbila nsongakaji yende itshivua tumama misambu ya dibaka to.*
64 Bakuidi bende bakakuluka ku muele wa mvita,+Ne bakaji babu bakamba kabakadila to.+
65 Pashishe Yehowa wakabika bu udi ubika ku tulu,+Bu tshilobo+ tshidi tshibika padi mvinyo utshitenduka.
66 Wakapingaja baluishi bende tshianyima;+Wakabafuisha bundu tshiendelele.
67 Wakabenga ntenta wa Jozefe;Kakasungula tshisa tshia Efelayima to.
68 Kadi wakasungula tshisa tshia Yuda,+Mukuna wa Siona, udiye munange.+
69 Wakenza bua muaba wende munsantu ushalaku kashidi anu bu diulu,*+Bu buloba budiye mujadike bua kashidi.+
70 Wakasungula Davidi+ muena mudimu wende,Yeye kumumbusha mu bipangu bia mikoko,+
71 Ku dilama mikoko ivua yamusha;Kumuvuijaye mulami ku mutu kua Yakoba, tshisamba tshiende,+Ne ku mutu kua Isalele, bumpianyi buende.+
72 Yeye wakabalama ne muoyo mutoke,+Ne wakabalombola ne bianza bipiluke.+
Note
^ Anyi “dilongesha dianyi.”
^ Ku mua.: “kawuyi mulongolola.”
^ Anyi “tshimanu.”
^ Ku mua.: “bakateta Nzambi.”
^ Anyi “biakudia bua anyima wabu.”
^ Anyi “banjelu.”
^ Anyi “Musombuedi.”
^ Ku mua.: “ubuikila.”
^ Ku mua.: “Musunyi.”
^ Anyi pamuapa: “Ne: nyuma udi uya, kayi upingana.”
^ Anyi “Bakabungamija.”
^ Ku mua.: “tshianza tshiende.”
^ Ku mua.: “mubakuule.”
^ Anyi pamuapa: “disama dia mubidi kapia dikole.”
^ Anyi “kakepula anyima yabu.”
^ Ku mua.: “wakafila mioyo yabu.”
^ Ku mua.: “mu diteta.”
^ Anyi “mukawu.”
^ Ku mua.: “Ne kabakatumbisha nsongakaji yende itshivua tumama to.”
^ Ku mua.: “Wakibaka muaba wende munsantu bu miaba mitumbuke.”
