Misambu 97:1-12
97 Yehowa mmulue Mukalenge!+
Buloba busanke.+
Bidiila* bia bungi bisanke.+
2 Matutu ne mifitu mikole mbimunyunguluke;+Buakane ne kulumbuluisha kuakane bidi tshishimikidi tshia nkuasa wende wa bukalenge.+
3 Kapia kadi kaya kumpala kuende+Ne kadi kosha baluishi bende nseke yonso.+
4 Mipenyi yende idi itokesha buloba;Buloba budi bumona bualu ebu ne budi buzakala.+
5 Mikuna idi yenguluka bu dipula dia buitshi kumpala kua Yehowa,+Kumpala kua Mukalenge wa buloba bujima.
6 Diulu didi dimanyisha buakane buende,Ne bukua bantu buonso budi bumona butumbi buende.+
7 Bonso badi benzela lupingu lusonga mudimu bafuishibue bundu,+Badi baditumbisha bua nzambi yabu ya patupu.+
Muinaminayi,* nuenu nzambi yonso.+
8 Siona udi uteleja, udi usanka;+Bimenga* bia mu Yuda bidi ne disankaBua mêyi ebe a dilumbuluisha, wewe Yehowa.+
9 Bualu wewe, Yehowa, udi Mutambe Bunene pa mutu pa buloba buonso;Udi mubandishibue bikole ku mutu kua nzambi mikuabu yonso.+
10 Nuenu badi banange Yehowa, kinayi malu mabi.+
Yeye udi ulama mioyo* ya badi bamulamate;+Udi ubasungila ku tshianza tshia* bantu babi.+
11 Butoke mbupatuke bua bantu bakane,+Ne disanka bua badi balulame mu mioyo yabu.
12 Sankilayi mu Yehowa, nuenu bantu bakane,Elayi dîna* diende dia tshijila tuasakidila.
Note
^ Anyi “Bisanga.”
^ Anyi “Mutendelelayi.”
^ Ku mua.: “Bana ba bakaji.”
^ Anyi “anyima.”
^ Anyi “bukokeshi bua.”
^ Ku mua.: “tshivulukilu.”
