Misambu 99:1-9
99 Yehowa mmulue Mukalenge.+ Bukua bantu buzakale.
Yeye mmusombe mu nkuasa wa bukalenge pa mutu pa* bakeluba.+ Buloba bukanke.
2 Yehowa mmunene mu Siona,Ne yeye mmutumbuke pa mutu pa bukua bantu buonso.+
3 Batumbishe dîna diebe dinene,+Bualu didi dikuatshisha buôwa ne ndia tshijila.
4 Yeye mmukalenge wa bukole udi munange kulumbuluisha kuakane.+
Wewe udi mujadike bikole tshidi tshilulame.
Udi mubueje kulumbuluisha kuakane ne buakane+ mu Yakoba.
5 Tumbishayi Yehowa Nzambi wetu,+ nuiname* ku tshitekelu tshiende tshia makasa;+Yeye ngua tshijila.+
6 Mose ne Alona bavua munkatshi mua bakuidi bende,+Ne Samuele uvua munkatshi mua badi babila dîna diende.+
Bavua babikila Yehowa,Ne yeye uvua ubitaba.+
7 Yeye uvua ubambidila malu mu dikunji dia ditutu.+
Bakalama mavuluija ende ne dîyi diende bivuaye mubapeshe.+
8 Yehowa Nzambi wetu, wewe wakabandamuna.+
Wewe uvua Nzambi wakabafuila luse,+Kadi wakabapesha dinyoka* bua bienzedi biabu bia mpekatu.+
9 Tumbishayi Yehowa Nzambi wetu+Ne nuiname* kumpala kua mukuna wende wa tshijila,+Bualu Yehowa Nzambi wetu ngua tshijila.+
Note
^ Anyi pamuapa: “pankatshi pa.”
^ Anyi “nutendelele.”
^ Ku mua.: “wakadisombuela kudibu.”
^ Anyi “nutendelele.”
