Bafue badi bulelela mua kuikala ne muoyo kabidi anyi?
Newandamune munyi?
-
eyowa?
-
tòo?
-
imue misangu?
TSHIDI BIBLE WAMBA
“Nekuikale dibishibua dia bantu ku lufu.”—Bienzedi 24:15, Nkudimuinu wa bulongolodi bupiabupia.
MUDI MVESE EU UKUAMBULUISHA
Neukole ku muoyo paudi ufuisha.—2 Kolinto 1:3, 4.
Kuakutshina kabidi lufu to.—Ebelu 2:15.
Neutekemene bua kupetangana ne bantu baudi mufuishe.—Yone 5:28, 29.
TUDI NE BUA KUITABA TSHIDI BIBLE WAMBA ANYI?
Eyowa, bua malu asatu aa:
-
Nzambi ke utu mufuke muoyo. Bible udi ubikila Yehowa ne: “mpokolo wa muoyo.” (Misambu 36:9; Bienzedi 17:24, 25) Muntu udi mupeshe bifukibua bionso muoyo, udi kabidi ne bukole bua kupesha bantu bakadi bafue muoyo.
-
Ku kale, Nzambi wakabisha bantu bavua bafue. Bible udi wakula bua bantu muanda mukulu bavuabu babishe ku lufu pa buloba apa: bakulumpe ne bana, balume ne bakaji. Bamue bavua bafume ku difua, kadi mukuabu yeye ukavua muenze matuku anayi mu lukita!—Yone 11:39-44.
-
Nzambi udi ne dijinga dikole dia kubisha bantu kabidi. Yehowa utu mukine lufu; utu ulumona bu muluishi. (1 Kolinto 15:26) Udi ne dijinga dikole dia kutshimuna muluishi eu, kumujimija ku diambuluisha dia dibisha dia bantu ku lufu. Mmuindile ne muoyo mujima bua kubisha bantu badi mu lungenyi luende ne kubamona kabidi ne muoyo pa buloba apa.—Yobo 14:14, 15.
LUKONKO LUA KUELELA MEJI
Tudi tukulakaja ne tufua bua tshinyi?
Bible udi wandamuna lukonko elu mu GENESE 3:17-19 ne mu LOMO 5:12.
Mona bikuabu:
MALONGESHA A MU BIBLE A NSHINDAMENU
Ntshinyi tshitu tshienzekela muntu padiye ufua?
Bible mmulaye tshikondo tshikala bantu ba bungi mua kubishibua ku lufu anu bu muvuabu babishe Lazalo ku lufu.
TSHIBUMBA TSHIA NSENTEDI
Ditekemena bua bafue—tshidi tshikujadikila ntshinyi?
Bible udi ufila bijadiki binene bibidi bidi bituitabishisha ne: dibishibua nedikalaku.
MALU ETU
Bua tshinyi mbimpe kulonga Bible?
Bible utu wandamuna nkonko minene itu bantu miliyo ya bungi pa buloba bujima badiela. Udi musue pebe kupeta mandamuna a yebe nkonko anyi?
MALONGESHA A MU BIBLE
Tetabi programe wetu wa dilonga dia Bible
Londa programe wa dilonga dia Bible dia nuenda nuyukila ne muntu udi ukulongesha.
