“Piny duto ni e teko mar ng’at marach.”​—1 Johana 5:19.

“Wuod Nyasaye ne ofwenyore mondo oketh tije mag Jachien.”​—1 Johana 3:8, Loko mar Piny Manyien.

Okonyowa fwenyo gimomiyo chandruok ng’eny e kindewagi.​—Fweny 12:12.

Okonyowa bedo gadier ni chandruoge ma waneno e pinyni biro rumo.​—1 Johana 2:17.

Ee, nikech weche kaka ma luwogi:

• Loch mar Satan ochomo gikone. Jehova oseng’ado ni nyaka otiek loch ma Satan nigo e wi dhano. Jehova singo ni obiro ‘tieko chuth’ loch mar Satan kendo golo chandruok duto ma Satan osekelo ne dhano.​—Jo-Hibrania 2:14.

• Nyasaye oseyiero Yesu Kristo mondo oloch e wi piny. Yesu opogore ahinya gi Satan ma en jaloch makwiny, kendo ma ok dew ji. Nyasaye singo e wi loch mar Yesu kama: “Obiro kecho jo ma sandore kaachiel gi jochan . . . Obiro golonegi gik ma diyogi kaachiel gi timbe mahundu.”​—Zaburi 72:13, 14.

• Nyasaye ok nyal riambo. Muma wacho ratiro ni ‘Nyasaye ok nyal riambo.’ (Jo-Hibrania 6:18) Sama Jehova osingo ni obiro timo gimoro, chal mana ka gima osetimo gino! (Isaya 55:10, 11) “Jaloch mar pinyni ibiro wit oko.”​—Johana 12:31.