“Weche duto manie Muma wuok kuom much Nyasaye.”​—2 Timotheo 3:16, The Bible in Luo, 1976.

Wanyalo yudo dwoko mag penjo ma chando ji ahinya.​—Ngeche 2:1-5.

Wanyalo yudo puonj ma tayo ngimawa ma pile pile.​—Zaburi 119:105.

Wanyalo yudo geno madier ne ngima mabiro.​—Jo-Rumi 15:4.

Ee, nikech weche kaka ma luwogi:

• Wechene otudore adimba. Muma ne ondiki kuom higni 1,600 gi ji 40 mopogore opogore. Kata obedo ni jogo nodak e kinde mopogore opogore, pod weche duto ma ne gindiko e Muma wuoyo mana kuom wach achiel maduong’!

• Wechene gin ma ratiro. Thoth joma ndiko weche histori ok hul weche duto ma ne pinjegi otimoe marach. Mopogore gi mano, jondiko mag Muma to nondiko kethogi ayanga kaachiel gi mag ogandagi.​—2 Weche mag Ndalo 36:15, 16; Zaburi 51:1-4.

• Weche mokoro chopo gadier. Ka pok noketh Babulon, Muma ne osekoro wachno chon higni 200 motelo. (Isaya 13:17-22) Muma ok nokoro mana kaka ne idhi keth Babulon kende, to bende nowacho nying jal ma ne dhi loyo dalano!​—Isaya 45:1-3.

  Bende, weche mamoko mang’eny ma ne okor e i Muma nochopo duto, kendo onge kata wach achiel kuomgi ma ne ok ochopo. Donge mano nyisowa ni kuom adier, Muma en Wach Nyasaye?​—2 Petro 1:21.