Dwoko Penjo mag Muma
Gin jomage mabiro dhi e polo, to ang’o ma gibiro timo kuno?
Ji mang’eny gombo dhi e polo. Yesu nowacho ni jootene ne dhi dak kuno. Kane pok Yesu otho, ne osingore ne jootene ni ne odhi ikonegi kar dak mondo gidag gi Wuon mare e polo.—Som Johana 14:2.
Ang’o momiyo ibiro chier joma owuok e piny mondo odhi odag e polo? En tich mane ma gibiro timo kuro? Yesu nonyiso jootene ni ne gidhi bedo ruodhi. Ne gidhi locho e wi piny.—Som Luka 22:28-30; Fweny 5:10.
Be joma beyo duto biro dhi e polo?
E pinje mang’eny, joma locho nok moloyo joma gilocho e wigi. Nikech joma Yesu chiero mondo odhi odag e polo dhi locho e wi piny, mano nyisowa ni joma dhi e polo gin mana joma nok. (Luka 12:32) Muma nyiso kwan sie mar joma biro locho gi Yesu.—Som Fweny 14:1.
Yesu oseiko ne moko kuom jolupne kar dak e polo. Be ing’eyo gima gibiro timo kuno?
Ok mana joma dhi e polo kende ema ibiro gwedhi. Raia mag Pinyruodh Yesu biro dak nyaka chieng’ e piny molos obedo paradis. (Johana 3:16) Jomoko biro tony sama iketho piny marachni ma gidonj e Paradis maok gibilo tho. Moko to ibiro chier mondo odag e pinyno.—Som Zaburi 37:29; Johana 5:28, 29.
Samoro Inyalo Hero Magi Bende
DWOKO PENJO MA JI NIGO E WI MUMA
Gin Jomage Madhi e Polo?
En miriambo monya ahinya ni ji duto mabeyo dhi e polo. Ang’o ma Muma puonjo?
DWOKO PENJO MA JI NIGO E WI MUMA
Chier En Ang’o?
Samoro inyalo wuoro ahinya kineno joma ochier e kinde ma biro.
