•  Qe yol tuʼn t-xi tzyet 2

•  Qe qʼinumabʼil toj Tyol Dios 3-5

  •  Chikʼbʼabʼil 3

  •  Qe qʼinumabʼil ewin ateʼ 4

  •  Kjawil uʼjit 5

•  Qo ok te tbʼanel aj xnaqʼtzal 6-11

  •  Qe video te yekʼbʼil 7

  •  Aj qyolin tnejel maj 8

  •  Revisita 9

  •  Xnaqʼtzbʼil tiʼj Tyol Dios 10

  •  Chikʼbʼabʼil 11

•  ¿Alkye tten tuʼn kyanqʼin okslal? 12, 13

  •  Xnaqʼtzbʼil tiʼj Tyol Dios te congregación 13

•  Qe yol tuʼn tkubʼaj 14

•  Tzʼok tilil quʼn tuʼn tbʼant-xix quʼjin ex tuʼn qqʼon xnaqʼtzbʼil 15

•  Tbʼanel yol ex consej kye erman 16

•  Ambʼil 17

•  Aj tpon ansyan in bʼet kyojele Ja te Chmabʼil 18

•  Toj seman te asamblea 19

•  Toj seman te Conmemoración 20

•  Ansyan tiʼj chmabʼil Kyanqʼibʼil Okslal ex Kypakbʼabʼil 21

•  Aju erman kpresidiril chmabʼil Kyanqʼibʼil Okslal ex Kypakbʼabʼil 22

•  Ansyan qʼol consej 23

•  Qe clase auxiliar 24

•  Qe video 25

1. Kʼelex qʼet chmabʼil Kyanqʼibʼil Okslal ex Kypakbʼabʼil ik tzeʼn in tzaj tqʼamaʼn Uʼj te aqʼuntl toj chmabʼil Kyanqʼibʼil Okslal ex Kypakbʼabʼil, ex ik tzeʼn in tzaj kyqʼamaʼn tqanil lu. Il tiʼj tuʼn kyxi onit kykyaqil pakbʼal tuʼn tex kyqʼoʼn kyoklen. Aʼyeju xjal kukx in che ul kyoj chmabʼil, jaku txi qʼet ambʼil kye tuʼn tex kyoklen qa qʼuqli kykʼuʼj kyiʼj xnaqʼtzbʼil tkuʼx toj Tyol Dios ex qa in che anqʼin ik tzeʼn tajbʼil Jehová (be-S t-xaq 282).

  2. Jun minut. Aj tkubʼaj bʼitz ex naʼj Dios, kxel tqʼamaʼn erman kpresidiril junjun tbʼanel xnaqʼtzbʼil kye qeju in che bʼin tuʼntzun tok kyqʼoʼn kywiʼ tiʼjju kbʼel xnaqʼtzet. Kxel tqʼamaʼn qe xnaqʼtzbʼil mas jaku tzʼonin kyiʼj erman.

  3. Chikʼbʼabʼil (10 minut). Toj Uʼj te aqʼuntl tkuʼx tbʼi chikʼbʼabʼil tukʼil kabʼe moqa oxe xnaqʼtzbʼil nim kyoklen. Aju chikʼbʼabʼil lu, kʼelex tqʼoʼn jun ansyan moqa jun onil kye ansyan xnaqʼtzaʼn maj. Aj t-xi tzyet tuʼn tkubʼ uʼjit juntl uʼj tiʼj Tyol Dios, kʼokel qʼet jun video tuʼn t-xi tzyet. Jaku txi tqʼamaʼn erman junjun xnaqʼtzbʼil tkuʼx toj video aju at toklen tukʼil tbʼi chikʼbʼabʼil. Noqtzun tuʼnj, il tiʼj tuʼn t-xi tchikʼbʼaʼn qe xnaqʼtzbʼil nim kyoklen tkuʼx toj Uʼj te aqʼuntl. Qa atx ambʼil, ax ikx jaku che  ajbʼen dibujo ex qe foto tuʼn ex junjuntl xnaqʼtzbʼil tiʼj Tyol Dios aʼyeju in che onin tiʼj xnaqʼtzbʼil kbʼel xnaqʼtzet.

 4. Qe qʼinumabʼil ewin ateʼ (10 minut). Aju oklenj lu, kʼikʼex qʼet tukʼil xjel ex tzaqʼwebʼil, mintiʼ tuʼn t-xi qʼamet yol tuʼn t-xi tzyet nix tuʼn tkubʼaj. Jaku tzʼex tqʼoʼn jun ansyan moqa jun onil kye ansyan xnaqʼtzaʼn maj. Kxel tqanin erman qe kabʼe xjel ateʼ toj plaj lu ex ax kbʼel ximente qa il tiʼj tuʼn kyjaw uʼjit kykyaqil texto ateʼ ttxlaj jun xjel. Il tiʼj tuʼn t-xi kyqʼoʼn erman kyyol toj 30 segundo moqa menos.

 5. Kjawil uʼjit (4 minut). Aju oklenj lu kʼelex tqʼoʼn jun ermano. Kjawil tuʼjin qe texto in tzaj qʼamaʼn toj Uʼj te aqʼuntl ex mintiʼ tuʼn t-xi tqʼamaʼn jun tyol tiʼj aj t-xi tzyet nix aj tkubʼaj. Aju erman kpresidiril chmabʼil, kʼonil kyiʼj qeju erman kʼelex kyqʼoʼn kyoklen tuʼn tjaw kyuʼjin ik tzeʼnx tzʼibʼin, tuʼn tel kynikʼ tiʼjju in jaw kyuʼjin, tuʼn tjaw kyuʼjin toj tumel ex ik tzeʼnx che yolin, ax ikx alkye tqʼajqʼajel kywiʼ kʼokel kyqʼoʼn tiʼj, alkyeqe yol kʼokel kyqʼoʼn kyoklen ex jatumel tuʼn kyweʼ. Tuʼnju at maj at nim versículo tuʼn tjaw uʼjit, kximel ansyan tiʼj chmabʼil Kyanqʼibʼil Okslal ex Kypakbʼabʼil alkye erman kjawil uʼjinte.

 6. Quince minut. Aju plaj te chmabʼil lu in xi tqʼoʼn ambʼil kye kykyaqil erman tuʼn tbʼant-xix kypakbʼan ex tuʼn kyqʼon xnaqʼtzbʼil. Bʼaʼn tuʼn tajbʼen plaj Junjun tten tuʼn t-xi tzyet tuʼn qyolin kyuʼn pakbʼal aj tex kyqʼoʼn jun yekʼbʼil. Ax ikx, jaku tzʼajbʼen junxitl xjel kyuʼn, junxitl texto, junxitl xjel tuʼn t-xi tzaqʼwet moqa jaku che yolin tiʼj juntl xnaqʼtzbʼil kyaj xjal tuʼn tel kynikʼ tiʼj toj territorio. Aʼye pakbʼal che kbʼel ximente qa kjel kyqʼoʼn jun uʼj moqa kxel kyyekʼin jun video at toj kit de enseñanza maske mintiʼ in tzaj qʼamaʼn toj oklenj. At maj in kubʼ qʼoʼn recuadro «Uʼj jatumel jaku kanet taqikʼ Tyol Dios» toj plaj «Junjun tten tuʼn t-xi tzyet tuʼn qyolin» tuʼn tonin qiʼj toj pakbʼabʼil. Aʼye erman che kbʼel ximente qa kʼajbʼel tqanil lu kyuʼn moqa miʼn aj tex kyqʼoʼn jun kyoklen. Toj Uʼj te aqʼuntl toj chmabʼil in tzaj qʼamaʼn jteʼ ambʼil kxel tiʼn junjun oklenj, ex at maj ktzajel tqʼamaʼn junjuntl tqanil tiʼj jun oklenj. Nya il tiʼj tuʼn tajbʼen mas tqanil kyuʼn erman twitzju in tzaj qʼamaʼn noq tuʼn tkubʼaj oklenj toj ambʼil bʼantni tiʼj. At junjun erman in kubʼ kybʼinchaʼnxix kyten tiʼj kyoklen ex tuʼn jlu jun rat jaku kubʼaj kyuʼn, bʼalo atxtoq jun minut moqa mas chʼintl naʼmxtoq tkubʼaj ambʼil. Ax ikx kye ansyan, jaku txi qʼet jun kyoklen qa mintiʼxix erman at. At maj, kbʼel xnaqʼtzet jun video mintiʼ toklen tukʼilju plaj «Junjun tten tuʼn t-xi tzyet tuʼn qyolin». Aju oklenj lu kʼelex tqʼoʼn jun ansyan moqa jun onil kye ansyan xnaqʼtzaʼn maj.

 7. Qe video te yekʼbʼil. Che okel qʼet ex che kbʼel xnaqʼtzet qe video te yekʼbʼil kyukʼil erman. Tkyaqil xjaw, kxel yekʼit qe video tiʼjju aj qyolin tnejel maj ex kyiʼj revisita. Aju oklenj lu kʼelex tqʼoʼn erman kpresidiril chmabʼil Kyanqʼibʼil Okslal ex Kypakbʼabʼil.

 8. Aj qyolin tnejel maj. Aju oklenj lu, kʼelex tqʼoʼn jun ermano moqa jun ermana. Qa ma tzʼex tqʼoʼn jun ermana, ax jun ermana kʼonil tiʼj, qatzun ma tzʼex tqʼoʼn jun ermano, ax jun ermano kʼonil tiʼj, ax ikx jaku tzʼonin jun toj kyja kyiʼj. Kykabʼil jaku che kubʼ qeʼ moqa jaku che kyaj weʼ. Kʼajbʼel jun qʼolbʼebʼil tuʼn erman aju in najbʼen kyuʼn xjal toj tembʼil te pakbʼabʼil. Tuʼn tex qʼet oklenj lu, atz kjawitz toj plaj «Junjun tten tuʼn t-xi tzyet tuʼn qyolin».

 9. Revisita. Aju oklenj lu, kʼelex tqʼoʼn jun ermano moqa jun ermana. Qa ma tzʼex tqʼoʼn jun ermana, ax jun ermana kʼonil tiʼj, qatzun jun ermano, ax jun ermano kʼonil tiʼj (km-S 5/97 t-xaq 2). Kykabʼil jaku che kubʼ qeʼ moqa jaku che kyaj weʼ. Aju erman kʼelex qʼonte oklenj, il tiʼj tuʼn tok tilil tuʼn tel kynikʼ erman tiʼjju kxel tqʼamaʼn aj tmeltzʼaj visitarilte jun xjal kubʼ tyekʼin qa taj tuʼn tel mas tnikʼ tiʼj Tyol Dios. Tuʼn tex qʼet oklenj lu, atz kjawitz toj plaj «Junjun tten tuʼn t-xi tzyet tuʼn qyolin».

 10. Xnaqʼtzbʼil tiʼj Tyol Dios. Aju oklenj lu, kʼelex tqʼoʼn jun ermano moqa jun ermana. Qa ma tzʼex tqʼoʼn jun ermana, ax jun ermana kʼonil tiʼj, qatzun jun ermano, ax jun ermano kʼonil tiʼj (km-S 5/97 t-xaq 2). Jaku che kubʼ qeʼ erman moqa jaku che kyaj weʼ. Kʼelex qʼet oklenj lu tuʼntzun tel qnikʼ  tiʼj tzeʼn in xi qʼet jun xnaqʼtzbʼil te jun xjal o txi tzyet tuʼn t-xnaqʼtzan. Nya il tiʼj tuʼn tok qʼet yol tuʼn t-xi tzyet nix tuʼn tkubʼaj, oʼkx jaku bʼant jlu qa atz in naqʼunan erman tiʼj jun kyxol qeju xnaqʼtzbʼil lu. Ax ikx, nya il tiʼj tuʼn kyjaw uʼjit kykyaqil párrafo, maske jaku bʼant. Ex qa at jun video toj xnaqʼtzbʼil, mintiʼ tuʼn tok qʼet, sino oʼkx tuʼn tkubʼ xnaqʼtzet. Jaku che ajbʼen junxichaq tbʼanel tten tuʼn t-xi qʼet xnaqʼtzbʼil.

 11. Chikʼbʼabʼil. Aju oklenj lu, kʼelex tqʼoʼn jun ermano ex kʼelex qʼet ik tzeʼnx in che ex qʼet junjuntl chikʼbʼabʼil.

 12. Kxel tzyet plaj lu tukʼil jun bʼitz. Kyoj qeju tnejel 15 minut kʼelex qʼet jun moqa kabʼe oklenj, aʼyeju che onil kyiʼj qeju in che pon toj chmabʼil tuʼn tkubʼ kyanqʼin aju in tzaj tqʼamaʼn Tyol Dios. Aju oklenj lu kʼelex tqʼoʼn jun ansyan moqa jun onil kye ansyan xnaqʼtzaʼn maj. Noqtzun tuʼnj, oʼkx qe ansyan che elex qʼonte plaj «Aju il tiʼj tuʼn tbʼant toj Ja te Chmabʼil». Aj tex tqʼoʼn jun erman jun xnaqʼtzbʼil jatumel in tzaj tqʼamaʼn xnaqʼtzankuya kyukʼil erman, jaku che ajbʼen xjel tuʼn tuʼntzun tel kynikʼ txqantl kyiʼj xnaqʼtzbʼil nim kyoklen.

  13. Xnaqʼtzbʼil tiʼj Tyol Dios te congregación (30 minut). Aju oklenj lu, kʼelex tqʼoʼn jun ansyan xnaqʼtzaʼn maj. (Jatumel mintiʼxix ansyan at, jaku che ajbʼen qe onil kye ansyan xnaqʼtzaʼn maj kyten). Kbʼel t-ximen kʼloj ansyan alkyeqe xnaqʼtzaʼn maj kyten tuʼn tex kyqʼoʼn oklenj lu. Aʼyeju erman che jawil skʼoʼn, il tiʼj tuʼn miʼn kyikʼ tibʼaj ambʼil bʼantni tiʼj, tuʼn kyajbʼen qe texto kyuʼn aʼyeju nim kyoklen ex tuʼn kyonin kyiʼj kykyaqil tuʼn tel kynikʼ tiʼj tzeʼn jaku tzʼonin xnaqʼtzbʼil kyiʼj. Jaku kanet tbʼanel nabʼil kyuʼn toj xnaqʼtzbʼil o tzʼetz tiʼj tzeʼn tuʼn tikʼx qʼet Xnaqʼtzbʼil tiʼj uʼj Aju Xqʼuqil. Qa otoq bʼajxix xnaqʼtzet tkyaqil xnaqʼtzbʼil, nya il tiʼj tuʼn tjapun bʼaj 30 minut. Qa jaku bʼant, jaku che ajbʼen junxichaq erman junjun seman tuʼn tex qʼet xnaqʼtzbʼil ex tuʼn tjaw uʼjit. Qa ma txi tqʼamaʼn erman kpresidiril chmabʼil teju kʼelex qʼonte xnaqʼtzbʼil tuʼn tkubʼaj tuʼn naʼmxtoq tjapun bʼaj ambʼil, a erman lu kbʼel ximinte tzeʼn kbʼantel tuʼn. Jun tumel, bʼaʼn tuʼn miʼn kyjaw uʼjit junjun párrafo.

  14. Oxe minut. Aju erman kpresidiril chmabʼil, ktzajel tnaʼn qeju xnaqʼtzbʼil nim kyoklen otoq che kubʼ xnaqʼtzet. Tuʼn kyyon erman tukʼil tzalajbʼil tiʼj xnaqʼtzbʼil kbʼel xnaqʼtzet toj juntl seman, kyolil erman tiʼj junjun xnaqʼtzbʼil. Qa atx ambʼil, jaku txi tqʼamaʼn kybʼi qeju kʼelex kyqʼoʼn kyoklen toj juntl seman. Qa mintiʼ juntl tqanil, aju erman kpresidiril chmabʼil jaku txi tqʼamaʼn qe tqanil il tiʼj tuʼn tex qʼet ex tuʼn tjaw tuʼjin qe carta toj ambʼil te plaj lu. Aʼyeju tqanil kyiʼj tiʼchaq ojtzqiʼn kyuʼn erman, ik tzeʼn tiʼj pakbʼabʼil ex alkyeqe erman che bʼinchal limpieza, miʼn tzʼex qʼamet twitz plataforma, sino kʼokel qʼet jatumel ateʼqe tqanil. Qa mintiʼ nim ambʼil tuʼn kyjaw uʼjit qe carta moqa tuʼn tex qʼet qe tqanil il tiʼj, kxel tqanin erman kpresidiril chmabʼil kye qeju at kyoklen toj plaj «¿Alkye tten tuʼn kyanqʼin okslal?» tuʼn tel kyiʼn chʼin ambʼil tiʼjju kyoklen (qʼonka twitza tiʼj  párrafo 13 ex  17). Kbʼel bʼaj chmabʼil tukʼil bʼitz ex naʼj Dios.

 15. Kykyaqil qeju kʼelex kyqʼoʼn jun kyoklen, il tiʼj tuʼn ttzaj kyiʼn folleto Tuʼn qqʼon xnaqʼtzbʼil ya sea twitz uʼj moqa toj celular. Kʼajbʼel uʼj lu tuʼn erman kpresidiril chmabʼil tuʼn t-xi tqʼoʼn kyconsej erman kʼelex kyoklen ex kʼonil kyiʼj. Aʼyeju erman kʼelex kyoklen, kbʼel kyxnaqʼtzaʼn tajlal xnaqʼtzbʼil in tzaj qʼamaʼn toj Uʼj te aqʼuntl toj chmabʼil aju tokx toj paréntesis. Ex toj plaj «Aju o bʼant wuʼne», oʼkx jaku tzʼajbʼen tuʼn erman in nex tqʼoʼn toklen. Mintiʼ tuʼn tkux ttzʼibʼin erman kpresidiril chmabʼil nix jun tiʼ toj kyuʼj.

  16. Aj tkubʼaj junjun oklenj, kxel tqʼamaʼn erman kpresidiril chmabʼil junjun tbʼanel yol te erman sex toklen ex kxel tqʼoʼn tconsej toj jun minut moqa menos ex atz kjawitz tiʼn toj uʼj Tuʼn qqʼon xnaqʼtzbʼil. Aj t-xi tqʼamaʼn tuʼn tikʼx jun erman qʼol toklen, miʼn txi tqʼamaʼn alkye xnaqʼtzbʼil in  naqʼunan tiʼj. Aj tkubʼaj toklen erman ex otoqxi txi qʼamet tbʼanel yol te, jaku txi tqʼamaʼn erman kxel tzyunte chmabʼil toj alkye xnaqʼtzbʼil in naqʼunan tiʼj ex kxel tqʼamaʼn tiquʼn tbʼanel aju xbʼant tuʼn moqa jaku txi tqʼamaʼn te toj tumel alkye junjuntl tiʼ il tiʼj tuʼn tbʼant tuʼn. Ax ikx, jaku txi tqʼamaʼn junjuntl tiʼchaq tiʼj yekʼbʼil aju jaku tzʼonin tiʼj erman sex toklen moqa kyiʼj kykyaqil. Jaku txi qʼet junjuntl nabʼil te erman tjunalx aj tkubʼaj chmabʼil moqa toj juntl ambʼil aju in jatz toj uʼj Tuʼn qqʼon xnaqʼtzbʼil moqa toj uʼj Benefíciese, tiʼjju xnaqʼtzbʼil jatumel in naqʼunantoq moqa tiʼj juntl tiʼ at toklen tukʼil yekʼbʼil (kyoj  párrafo 17,  22 ex  23 kkanetel mas tqanil tuʼna tiʼjju in bʼant tuʼn erman in xi tzyunte chmabʼil Kyanqʼibʼil Okslal ex Kypakbʼabʼil ex tuʼn ansyan qʼol consej).

     17. Ni jun oklenj tuʼn tikʼ tibʼaj ambʼil bʼantni tiʼj, nix tyol erman kpresidiril chmabʼil. Maske ya mintiʼ in kubʼ qʼet yol «chʼixme» tiʼj junjun oklenj, nya il tiʼj tuʼn tkubʼaj tkyaqil ambʼil qa otoq bʼaj xnaqʼtzet tkyaqil xnaqʼtzbʼil. Qa naʼmxtoq tkubʼaj toklen jun erman, ok kxel qʼamet te qa ma kubʼaj ambʼil toj jun tten mlay tzʼel kynikʼ txqantl tiʼj. Ax ikx, qa ma che ikʼ junjuntl erman tibʼaj ambʼil tiʼj kyoklen, aju ansyan qʼol consej kyolil kyukʼil aj kyten kyjunalx (qʼonka twitza tiʼj  párrafo 23). Tkyaqil chmabʼil, ax ikx qe bʼitz ex qe naʼj Dios, kxel tiʼn 1 or tukʼil 45 minut.

 18. Aj tpon ansyan in bʼet kyojele Ja te Chmabʼil visitarilte congregación, kʼajbʼel programa tkuʼx toj Uʼj te aqʼuntl toj chmabʼil. Noqtzun tuʼnj, miʼn tzʼok «Xnaqʼtzbʼil tiʼj Tyol Dios te congregación», sino kʼelex tqʼoʼn ansyan in bʼet kyojele Ja te Chmabʼil jun chikʼbʼabʼil te 30 minut te t-xel. Naʼmxtoq tikʼx qʼet chikʼbʼabʼil, aju erman kpresidiril chmabʼil Kyanqʼibʼil Okslal ex Kypakbʼabʼil, kxel tnaʼn toj chʼin ambʼil aju xkubʼ xnaqʼtzet toj chmabʼil ex aju kbʼel xnaqʼtzet toj juntl seman, kxel tqʼamaʼn qe tqanil il tiʼj tuʼn tex qʼet ex kjawil tuʼjin qe carta, ex yajxitl kxel tqʼoʼn ambʼil te ansyan in bʼet kyojele Ja te Chmabʼil. Aj tkubʼaj chikʼbʼabʼil, ax ansyan in bʼet kyojele Ja te Chmabʼil kbʼel bʼajsante chmabʼil tukʼil jun bʼitz otoq jaw tskʼoʼn ex jaku txi tqʼamaʼn te jun ermano tuʼn tok tqʼoʼn naʼj Dios. Mlay che ikʼx qʼet oklenj toj clases auxiliares toj yol in yolin congregación tiʼj aj tok visita. Aqeju grupo te juntl yol jaku tzʼok kychmabʼil aj tok visita toj congregación. Noqtzun tuʼnj, il tiʼj tuʼn tok kybʼiʼn chikʼbʼabʼil kʼelex tqʼoʼn ansyan in bʼet kyojele Ja te Chmabʼil junx tukʼil congregación.

 19. Toj seman aj tok asamblea, mlay kubʼ ikʼset ni jun chmabʼil. Teyele te junjun kbʼel t-xnaqʼtzaʼn tjunalx moqa kyukʼil toj tja, aju xnaqʼtzbʼil kbʼel xnaqʼtzet toj seman aju.

 20. Aj tkubʼ ikʼset Conmemoración txolekxi qʼij, mlay tzʼok chmabʼil Kyanqʼibʼil Okslal ex Kypakbʼabʼil. Noqtzun tuʼnj, che okel chmabʼil tuʼn qex pakbʼal toj qʼij aj tok Conmemoración.

 21. Aju ansyan lu, in jaw jyoʼn tuʼn kʼloj ansyan. Kʼokel tilil tuʼn tuʼn tok chmabʼil toj tumel ex tuʼn tbʼant ik tzeʼn in tzaj qʼamaʼn kyoj tqanil ateʼ toj uʼj lu. Il tiʼj tuʼn kukx tyolin tukʼil ansyan qʼol consej. Ex noq aj tetz Uʼj te aqʼuntl toj chmabʼil, kbʼel tbʼinchaʼn programa tiʼj kyoklen erman kʼelex toj kabʼe xjaw (qʼonka twitza kyiʼj  párrafo 2 a 14). Kxel t-asignarin jun erman tuʼn tpresidirin qa o txi qʼoʼn ambʼil te kyuʼn txqantl ansyan, kxel tqʼamaʼn alkyeqe erman che elex qʼonte junjun plaj chmabʼil, alkye kyleeril tiʼj Biblia, alkyeqe che elex qʼonte yekʼbʼil ex aju chikʼbʼabʼil te 5 minut. Il tiʼj tuʼn t-xi qʼet oklenj kye erman atxtoq oxe seman tuʼn tex kyqʼoʼn. Atzun qeju che leeril tiʼj Biblia, qeju che elex qʼonte yekʼbʼil ex aju kʼelex qʼonte chikʼbʼabʼil, kxel qʼet uʼj jlu kye: Oklenj toj chmabʼil Kyanqʼibʼil Okslal ex Kypakbʼabʼil (S-89). Aju ermano in xi qʼoʼn oklenj jlu te, il tiʼj tuʼn tok tkeʼyin qa in kubʼ qʼoʼn jun copia tiʼj programa toj tablero te anuncio. Jaku kubʼ kyximen txqantl ansyan qa jaku tzʼonin juntl ansyan tiʼj moqa jun onil kye. Noqtzun tuʼnj, oʼkx qe ansyan jaku txi qʼonte junjuntl asignación mintiʼ toklen tukʼilju lectura tiʼj Biblia, kyiʼj yekʼbʼil ex tukʼil chikʼbʼabʼil.

  22. Toj junjun seman, kʼajbʼel jun ansyan tuʼn t-xi tzyet chmabʼil Kyanqʼibʼil Okslal ex Kypakbʼabʼil (kyoj congregación jatumel mintiʼxix ansyan at, jaku che ajbʼen qe onil kye ansyan xnaqʼtzaʼn maj kyten). Kbʼel tbʼinchaʼn tten tiʼj yol tuʼn t-xi tzyet ex tuʼn tkubʼaj chmabʼil, ex kbʼel t-xnaqʼtzaʼn qe video te yekʼbʼil tzeʼn tuʼn t-xi tzyet tuʼn qyolin. Ex ax kxel qʼamante tuʼn t-xi tzyet junjun oklenj, ex qa nya nim kybʼet ansyan at, jakulo tzʼex tqʼoʼn juntl oklenj toj chmabʼil, mas qeju oʼkx in nex yekʼin jun video kyoj. Miʼn txi tqʼamaʼn nim yol aj tkubʼaj jun oklenj ex aj t-xi tqʼamaʼn tuʼn tikʼx juntl. A kʼloj ansyan kbʼel ximente alkyeqe ansyan xnaqʼtzaʼn maj kyten tuʼn t-xi tzyet chmabʼil. Aʼyeju erman che jawel skʼoʼn, kbʼajel kyturnarin kyibʼ tuʼn t-xi tzyet chmabʼil kyuʼn. Bʼalo jaku tzʼajbʼen ansyan tiʼj chmabʼil Kyanqʼibʼil Okslal mas nim maj tuʼn t-xi tzyet chmabʼil kywitz qeju txqantl ansyan. Chʼixme tkyaqil maj, qa jaku tzʼex tqʼoʼn jun ansyan «Xnaqʼtzbʼil tiʼj Tyol Dios te congregación», ax ikx jakulo tzʼajbʼen tuʼn t-xi tzyet chmabʼil. Noqtzun tuʼnj, bʼaʼn tuʼn ttzaj kynaʼne qa aju ansyan kʼajbʼel tuʼn t-xi tzyet chmabʼil, il tiʼj tuʼn t-xi tqʼamaʼn tbʼanel yol kye qeju in nex kyqʼoʼn kyoklen ex tuʼn t-xi tqʼoʼn consej toj tumel ex tuʼn tonin kyiʼj. Ax ikx, at toklen tuʼn tkubʼaj chmabʼil toj ambʼil bʼantni tiʼj (qʼonka twitza tiʼj párrafo  14 ex  17). Jaku kubʼ qʼet jun micrófono tuʼn t-xi tqʼamaʼn erman kpresidiril kybʼi erman kʼelex kyoklen akux in che pon twitz atril, qa at jatumel tuʼn tkubʼ qʼet ex qa taj tuʼn tajbʼen tuʼn. Ax ikx, tuʼn miʼn tnaj nim ambʼil, jaku kubʼ qʼet jun mes ex jun qʼuqbʼil twi plataforma tuʼn tkubʼ qeʼ erman kpresidiril aj tex tqʼoʼn jun ermano lectura tiʼj Tyol Dios ex aj tex qʼet plaj «Qo ok te tbʼanel aj xnaqʼtzal».

   23. Qa jaku bʼant, kxel qʼet oklenj lu te jun ansyan ma bʼet-xi ambʼil in qʼon chikʼbʼabʼil. Qa il tiʼj, kxel tqʼoʼn consej kye ansyan ex kye onil kye ansyan in nex kyoklen tiʼj chmabʼil Kyanqʼibʼil Okslal ex Kypakbʼabʼil, in nex kyqʼoʼn jun chikʼbʼabʼil, in nex kyqʼoʼn Xnaqʼtzbʼil tiʼj uʼj Aju Xqʼuqil moqa aju «Xnaqʼtzbʼil tiʼj Tyol Dios te congregación». Ax ikx kye qeju in che onin tuʼn kyjaw uʼjit qe párrafo tiʼj xnaqʼtzbʼil (qʼonka twitza tiʼj  párrafo 17). Qa at nim ansyan in bʼant-xix kyqʼon chikʼbʼabʼil ex tbʼanel aj xnaqʼtzal qe, jaku tzʼok junxitl ansyan junjun abʼqʼi te qʼol consej. Nya il tiʼj tuʼn t-xi tqʼoʼn consej tkyaqil maj kye erman aj tex jun kyoklen.

 24. Qa at nim erman in nex kyoklen tojju kjawil uʼjit ex toj plaj chmabʼil «Qo ok te tbʼanel aj xnaqʼtzal», jaku kubʼ kyximen congregación tuʼn kyajbʼen clase auxiliar kyuʼn. Toj junjun clase auxiliar, ktel jun erman qʼol consej xnaqʼtzaʼn maj, mas bʼaʼn qa jun ansyan. Qa il tiʼj, jaku txi qʼet oklenj lu te jun onil kye ansyan xnaqʼtzaʼn maj tten. A kʼloj ansyan kbʼel ximente alkyeqe jaku txi qʼet oklenj lu kye ex qa kbʼel chʼixpet toj junjun ambʼil. Aju qʼol consej, il tiʼj tuʼn tbʼant tuʼn ik tzeʼn in tzaj qʼamaʼn toj  párrafo 16. Kxel qʼamet kye qeju xnaqʼtzal tuʼn kyxiʼ kyoj sala auxiliar aj tbʼaj xnaqʼtzet xnaqʼtzbʼil «Qe qʼinumabʼil ewin ateʼ», aju at toj plaj «Qe qʼinumabʼil toj Tyol Dios». Aj tkubʼaj plaj «Qo ok te tbʼanel aj xnaqʼtzal», che meltzʼajel juntl maj kyxol kykyaqil erman. Noqtzun tuʼnj, aj tkubʼ xnaqʼtzet jun video, aʼyeju ateʼ toj sala auxiliar kʼokel kykeʼyin ex kʼokel kybʼiʼn video atz qa jaku bʼant. Qa mlay bʼant jlu, ax ermano qʼol consej kʼokel qʼonte video toj sala auxiliar ex kbʼel t-xnaqʼtzaʼn kyukʼil erman.

 25. Toj chmabʼil in nok txolekxi qʼij che okel qʼet junjun video o che kubʼ qʼoʼn toj aplicación JW Library® ex jaku che kutz qiʼn toj alkyexku celular moqa tableta. Aʼyeju video te yekʼbʼil, jaku che ajbʼen junjun maj kyoj chmabʼil tuʼn qex pakbʼal.