Jókoa̱nchon nichxin xi nroaján
Jósi...
-
... a toʼila koa̱nchon sonʼnde
-
... a ngisasa chʼao koa̱nchon
-
... axo chan koa̱nndachon
JE BIBLIA ITSO
“Niná kʼoejon ngayije ndáxko̱n xi tsʼe xko̱n. Likui tisʼe̱ni kjoabiya. Likui tisʼe̱ni kjoaba, nijejin xi kjiʼndía, nijejin xi aon male, nga je kjoa xi títjon jejaʼato.” (Apocalipsis 21:4, Nuevo Testamento en mazateco de Huautla de Jiménez, Oax.)
KJOANDA XI SʼENÁ NGA ʼYAA JEBI
Nʼio nda je xá xi sʼe̱ná kʼoa tsjoa koaya tokoán (Isaías 65:21-23).
Alikui tisʼe̱ni kjoañʼai kʼoa alikui tisʼe̱ni chʼin (Isaías 33:24; Apocalipsis 7:17).
Ñaki ndasʼin kuiyoaa kao xíngiaa ngantsjai nichxin (Salmo 37:11, 29).
A KOAAN KOA̱NKJAINNÁ JOTSO JE BIBLIA
Jaon. Jaola koya kataʼyaa anni:
-
Je Niná tjínle nganʼio nga sitjoson jmeni xi tso. Ya Biblia kʼoatso nga tojé “Niná xi tjínle ngayije nganʼio”, nga̱ je nganʼiole alikui fetʼa (Lucas 1:49). Kʼianga kʼoatso Niná nga sikʼantjaiya jmeni xi chon sonʼnde, koaan kʼoéjngoaa tokoán nga kʼoasʼin. Tojo tso ya Biblia, je “Niná koaanle ngayije kjoa” (Mateo 19:26).
-
Je Niná mele nga sitjoson jmeni xi tso. Tobʼelañá, je Biblia kʼoatso nga je Jeobá nʼio mele nga sikjaʼáyanile xi jekʼien (Job 14:14, 15).
Kʼoati tso nga je ʼNdíle Niná kisindaya je chjota xi chʼin kisʼele. Ánni nga kʼoakisʼinsíni. Kuinga koanmele tsakasenkao chjota (Marcos 1:40, 41). Nga kʼoakisʼin Jesús, kʼoasʼin tsakakóni jmeni xi mele Nʼaile, nga koasenkao je chjota xi nganʼio machjénle (Juan 5:19).
Jebi kui xi bakóná nga Jeobá kao Jesús mele nga naskásʼin kuiyoaa nichxin xi nroaján (Salmo 72:12-14; 145:16; 2 Pedro 3:9).
TIKJAʼAITSJENLAI JEBI
Tsa kʼoati meli jchai xi tʼatsʼe jebi
XO̱N XI BÁJINKONNÁ
Jotjínni tʼatsʼe nichxin xi nroaján
Kataʼyai jotso je Niná tʼatsʼe nichxin xi nroaján jokoa̱nchon i̱ Sonʼnde kʼoa josʼin koatio chjota.
XI MACHJÉN NGA JCHAA
Jméni je xi kjoatéxomale Niná tsole Biblia
Nga kitsoyason je Jesús, je xi ngisa kinchja̱ni kui tʼatsʼe kjoatéxomale Niná. Jenkjín siento nó nga kui tjíosíjé chjotale Jesús nga katanroa kjoatéxoma jebi.
XO̱N XI BÁJINKONNÁ
Jméni xi sʼin je Chjotaxále Niná
Je Jesús be nga tojé Chjotaxále Niná xi koa̱nle kʼoendajin je kjoa xi tjín Sonʼnde. Jméni xi jetísʼín Chjotaxále Niná xi bakó nga koa̱n si̱nʼiotʼaa.
XI TʼATSAINJIN
Tijái nga kataʼmiyali Biblia
Kataʼyai jme xi tsoya Biblia kʼoa tsa tʼatsʼe testigole Jeobá.
