“I̱ ngakijnda sonʼndebi tíjnakao na̱i.” (1 Juan 5:19.)

“Kui nga tsʼatsenni ʼndíle Niná, jméni nga sikixoyasíni xále na̱i.” (1 Juan 3:8, Nuevo Testamento en mazateco de Huautla de Jiménez, Oax.)

Síchoyaná jókoanni tsʼatsen je kjoa xi tjín i̱ Sonʼnde (Apocalipsis 12:12).

Koaan chóyalee nga kjoaʼaí nichxin nga koa̱nndachon sonʼnde (1 Juan 2:17).

Jaon. Janla koya kataʼyaa anni:

• Likui tije Na̱i koatexomani. Je Jeobá kʼoasʼin jetjínndajinle nga kjoaʼaxin je Na̱i nga tsín tije koanentsjani chjota. Kʼoa kʼoatso nga sikʼien je Na̱i kʼoa nga kʼoendaya jmeni xi tísíkitsón (Hebreos 2:14).

• Jé Jesucristo kiskoejin Niná nga koatexoma. Je Jesús alikui kʼoakjoan jokjoan je Na̱i xi kjinentsja sonʼnde, nga tsʼen kʼoa nga to yaole fini. Je Niná kʼoatso josʼin je Jesús kʼianga jekoatexoma: “Skoe̱ma̱ní je xi ma̱ tísíjchá yaole kʼoa je xi ma̱ tíjna [...]. Kʼoasjentjaí xi tʼatsʼe kjoatsʼen kʼoa nga taon ʼya” (Salmo 72:13, 14, Traducción del Nuevo Mundo).

• Je Niná alikui bʼéndiso. Je Biblia kʼoatsokixi nga je Niná likui male bʼéndiso (Hebreos 6:18). Kʼianga jme xi tso je Jeobá ʼyañá nga ñaki sitjoson (Tito 1:2). Jolani nga kʼoatso nga tjóxin “je na̱i xi batéxoma sonʼndebi” (Juan 12:31).