“Mizhokjimi [ra tsjaa ke] ra teʼe kʼo ya ndu̱u̱.” (Hechos 24:15, Nu O̱ Jña Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya.)

Dya ra sentioji kja in mꞹbʼꞹji ma ra nrru̱u̱ na ntee kʼꞹ ri sʼiyaji (2 Corintios 1:3, 4).

Dya ra su̱goji rga tu̱ji (Hebreos 2:15).

Ra tenji kʼe paa ma ra yepe ra janrraji in pjamilia kʼo ya nrru̱u̱ (Juan 11:25).

Ja̱a̱, jñanrra kʼo mamaba:

• E Mizhokjimi o dyakoji in bida. Kja ne Biblia mama ke e Jeoba dakꞹji kʼꞹ ra bʼꞹbʼꞹji (Salmo 36:9; Hechos 17:24, 25). Ma e Mizhokjimi o tsjaa ro bʼꞹbʼꞹ texe yo kjaa ajensʼe ñe yo kjaa kja ne Xoñijomꞹ, xo søø ra xosꞹ kʼo ya nrru̱u̱.

• Mi jingua e Mizhokjimi o tsjapꞹ ro mimi na yeje kʼo ntee kʼo ya bi nrru̱u̱. Kja ne Biblia mama ke e Mizhokjimi o tsjaa ke ro mimiji kja ne xoñijomꞹ jñincho ntee kʼo ya bi nrru̱u̱, mi ngeji trʼii, xuntrʼi, nrrinxu ñe bʼɇzo. E Mizhokjimi mi kjapꞹ ro mimi na yeje kʼo ntee kʼo kja bi nrru̱u̱, pe na bʼɇzo a mi pɇsʼi nziyo paa ke ya bi nrru̱u̱ (Juan 11:39-44).

• E Mizhokjimi nee ra xosꞹ kʼo ya nrru̱u̱. E Jeoba dya nee ke ra nrru̱ji yo ntee. Ne Biblia mama ke angeze ra mbøxkꞹgoji ngekʼua dya kja ra tu̱ji (1 Corintios 15:26, Traducción del Nuevo Mundo). E Mizhokjimi dya ra jyombeñe yo ntee kʼo go tsjaji kʼo mi nee angeze, ngekʼua zo ya nrru̱ji, nee ke ra yepe ra mimiji kja ne Xoñijomꞹ (Job 14:14, 15).