Bumwene bwa Njambi Bwapwa Buka?
Mukumbulula ngweni . . .
-
cuma ca mu mbunge ya munu?
-
inapu endekesi lika?
-
fulumende ya mwilu?
BIINENDEKA MBIMBILIYA
“Njambi wa mwilu akaka bumwene buje kubukahu.”—Ndanyele 2:44.
“Banatwana mwana wa munalume co akapwa muka-kutuswana.”—Isaya 9:6.
KUKULAHELA AWA MAJWI KUMIKWASA BATI?
-
Kumikwasa mulabelele fulumende yaibwa ije ikaminenela bibezikiso.—Isaya 48:17, 18.
-
Kumikwasa mukakale mu kaye kakaha muje banu bakayoya mwamubwa.—Kujombolola 21:3, 4.
TWASA KUKULAHELA BIINENDEKA MBIMBILIYA NDI?
Twasa kuikulahela mwafwa ya byuma ebi bibali:
-
Yesu wamwesele bibukalinga bumwene bwa Njambi. Yesu walongesele bandongesi bendi balombe ngwabo Bumwene bwa Njambi bwije, co cizango cendi cilingiwe hano hasi. (Mateo 6:9, 10) Yesu wamwesele ngila yakapangesa Njambi mu kukumbulula eli lilombelo.
Yesu mwakele hano hasi, washukile baje batsile njala, wakangwile baka-kubinja, wasangwile batsi. (Mateo 15:29-38; Yowano 11:38-44) Yesu wamwesele byuma byabibwa bibukalingila banu Bumwene bwa Njambi omwo akayula.—Kujombolola 11:15.
-
Bukalu buli mu kaye bumwesa ngwabwo Bumwene bwa Njambi buli muyehi. Yesu wendekele ngwendi simbu kanda Bumwene bunene kwoloka hano hasi, mu kaye mukakala mu bukalu bwa kufwa ngwe binzita, binjala na mandunduma.—Mateo 24:3, 7.
Ano matangwa tuli na kulimwena ebi byuma. Ngeci, tunakulahela ngwetu Bumwene bwa Njambi ololo bumanesa obu bukalu butuli na kumona.
SINGANYEKENI HA CIHULA ECI:
Buyoye bukafwa bati mubukayula Bumwene bwa Njambi?
Mbimbiliya inakumbulula eci cihula ku MYASO 37:29 na ISAYA 65:21-23.
Hamo Mushaka Lalo Ebi
KAPOSHI KA KUKENGELA
Bumwene bwa Njambi Bukalinga Bika?
Yesu wazibukile ngwendi Bumwene bwa Njambi bukebwo lika bwasa kumanesa bukalu bwoshe butuli na kuliwana nabwo hano hasi. Byuma muka bibunalingi laja obu Bumwene mangana tukale na lilabelelo?
BYETU BAKALEHO BA YEHOVA
Bika Bimunapande Kulilongesela Mbimbiliya?
Mbimbiliya ili na kukumbulula bihula bibakalihula banu babangi kuzenguluka kaye koshe. Kuma neni mushaka kuwana muyasa kukumbulwila bihula bimuli nabyo ndi?
