Mbimbiliya Mwaimona Bati?
Mwaimona kupwa . . .
-
libulu lya biyongola bya banu?
-
libulu lya bisimo na mizimbu ya kusañulu?
-
Lijwi lya Njambi?
BIINENDEKA MBIMBILIYA
‘Bisoneka byoshe babihwimininine kuli Njambi.’—2 Timateo 3:16.
KUKULAHELA AWA MAJWI KUMIKWASA BATI?
• Kumikwasa muwane bikumbululo ku bihula bya seho bya mu buyoye.—Visimo 2:1-5.
Kumikwasa mukale mwamubwa mu kuyoya kweni.—Myaso 119:105.
Kumikwasa mukulahele byuma bya kulutwe.—Loma 15:4.
TWASA KUKULAHELA BIINENDEKA MBIMBILIYA NDI?
Twasa kuikulahela mwafwa ya byuma ebi bitatu:
-
Mbimbiliya yalitabasana. Mbimbiliya baisonekele ha myaka ya kutubakana 1,600 ku banu ba kulisezaseza ba kupwa 40. Aba banu kubakele hamo lika. Oloni mikanda yoshe yakalamo yalitabasana mwafwa yazumbangeya lizina lya Njambi na ciyulo cendi.
-
Baka-kusoneka bakele na busunga. Baka-kusoneka ba ku kaye bakashweke byuma byabibi bikasholoka ku banu babo. Oloni baje basonekele Mbimbiliya basonekele byuma byabibi bibalingile bakebo na banu ba mu lifuti lyabo.—2 Mizimbu 36:15, 16; Myaso 51:1-4.
-
Bupolofweto bwa mu Mbimbiliya bukalishulisila. Mbimbiliya yapolofwetele kuwa kwa Mbambilone myaka 200 simbu kanda baiwise. (Isaya 13:17-22) Yendekele mubakaiwisilamo na munu uje akaiwisa.—Isaya 45:1-3.
Bupolofweto bwabungi bwa mu Mbimbiliya bwalishulisila ngwe muje bene babwendekelele. Omu mukemwo mulinapande kupwa Lijwi lya Njambi.—2 Petulu 1:21.
SINGANYEKENI HA CIHULA ECI:
Lijwi lya Njambi limikwasa bati mu kuyoya kweni?
Mbimbiliya inakumbulula eci cihula ku ISAYA 48:17, 18 na 2 TIMATEO 3:16, 17.
Hamo Mushaka Lalo Ebi
BYETU BAKALEHO BA YEHOVA
Bika Bimunapande Kulilongesela Mbimbiliya?
Mbimbiliya ili na kukumbulula bihula bibakalihula banu babangi kuzenguluka kaye koshe. Kuma neni mushaka kuwana muyasa kukumbulwila bihula bimuli nabyo ndi?
BYETU BAKALEHO BA YEHOVA
Lombeni Chilongetha cha Mbimbiliya
Lilongetheni vilongetha vya mu Mbimbiliya ha thimbu na mwela umushaka yeni vavenya.
