“Mbirigiirite kuriukua kwa antu.”​—Mathithio 24:15, The Bible in Kimeru, 1964.

Gũkũboreria rĩrĩa muntũ ũrĩa weendete akua.​—2 Akorintho 1:3, 4.

Gũkũũrwa kuuma kĩrĩ ũguaa bwa gĩkuũ.​—Ahibirania 2:15.

Wĩrĩgĩĩro bwa mma bwa kwonana kaĩrĩ na eendwa baku barĩa bakuĩte.​—Johana 5:28, 29.

Ĩĩ, nĩuntũ bwa itũmi bibi bithatũ:

• Mũrungu nĩwe woombĩre ũtũũro. Bibiria ĩĩtaga Jehova Murungu “nthongo ya ruuji rwa mwoyo.” (Zaburi 36:9; Mathithio 17:24, 25) Tontũ nĩwe wejanĩte mwoyo kĩrĩ biũmbe bionthe, arĩ na inya ya gũcookia mwoyo kaĩrĩ muntũ ũrĩa ũkuĩte.

• Karaaja Mũrungu naariũkĩrie antũ. Bibiria nĩgwetaga magiita janana mwanya mwanya jarĩa antũ bariũkĩrue. Bamwe bao baarĩ antũarũme na aka, antũ baakũrũ na babeethĩ, bariũkĩrue batũũra kaĩrĩ nthĩgũrũne. Bamwe baakuĩte kagiita gakai ĩndĩ ũmwe aarĩ mbĩrĩrene ntukũ inya!​—Johana 11:39-44.

• Mũrungu arĩna wendi bwa kũthithia ũu kaĩrĩ. Jehova nathwĩre gĩkuũ; akĩonaga kĩrĩ mũnthũ. (1 Akorintho 15:26) Wee nairiraĩĩria kũthiria gĩkuũ na kũriũkia barĩa bakuĩte. Nakwenda na akariikana barĩa bakuĩte abacookie mwoyo batũũre nthĩgũrũne kaĩrĩ.​—Ayubu 14:14, 15.