KAHA 3
Eden Imeana ai Mauri be Ede Bamona?
Iehova ese ğau namodia momo Adam bona Heva e henidia. Genese 1:28
Iehova ese Heva, hahine ginigunana e karaia bena Adam e henia baine adavaia.—Genese 2:21, 22.
Iehova ese idia daradia bona tauanidia na e karadia ğoevağoeva.
Idia na Eden imeana ai e nohova—una gabu mai hairaina o Paradaiso lalonai na sinavai, au huahua bona animal idauidau.
Iehova ese e hereva henidiava bona e hadibadiava. Ia bae kamonai henia neganai, tanobada Paradaisona ai bae mauri hanaihanai diba.
Dirava eto, au ta huahuana mo basie ania. Genese 2:16, 17
Iehova ese imea ai e giniva au huahua ta na Adam bona Heva e haheitalaidia, bona e hamaorodia: “Imea bogaraginai e ginimu auna huahuana basio ania bona basio daua toho, ba mase na garina.”
Aneru ta na Dirava e gwau-edeede henia. Una aneru dikana ladana na Satana Diabolo.
Satana na se ura Adam bona Heva ese Iehova bae badinaia. Una dainai, ia na gaigai ta amo Heva e hamaoroa, una au huahuana baine ania neganai, ia na basine mase, a Dirava ida baine heğereğere. To, una na hereva koikoina.—Genese 3:1-5.
