“Dirava . . . ese iruru-matadia iboudiai matadia amo baine dahu oho. Mase bona dara-doko bona taitai bona hisihisi bae ore.”​​—Apokalupo 21:​3, 4, Buka Helaḡa.

Ta dibamu, hekwakwanai idauidau na dia Dirava ese havaramu.​​—Iakobo 1:​13.

Ta dibamu Dirava ese eda hisihisi danu e mamimu.​​—Sekaria 2:8.

Ta abia daemu, hisihisi iboudiai na bae ore.​​—Salamo 37:​9-​11.

Oibe, ini badi rua daidiai:

• Dirava na se uramu baita hisihisi. Baibul negadiai, Iehova ena taunimanima na haida ese e hahisidiava o e daḡedaḡe henidiava neganai, Dirava ena hemami be ede bamona? Baibul e tomamu, Dirava na ena taunimanima e bogadia hisiva.​​—Hahemaoro Taudia 2:​18.

  Haida e hadikadiamu taudia edia kara na Dirava ese se moalelaimu. Heḡereḡere, Baibul e tomamu, “asi ena kerere tauna rarana e hahebubuamu” tauna na Dirava ese e badu heniamu.​​—Hereva Lada-isidia 6:​16, 17.

• Dirava ese ita ta ta na e laloda badamu. Bema taunimanima “ta ta sibona sibona ena hisihisi bona ena lalo-hisihisi dibadia,” una anina Iehova danu mai dibana!​​—2 Sisiga 6:​29, 30.

  Kahirakahira, Iehova na ena Basileia amo ita ta ta eda hisihisi baine haoredia. (Mataio 6:​9, 10) Una nega do se kau lalonai, Iehova ese tauhalo na ia e tahuamu taudia e henidiamu.​​—Kara 17:27; 2 Korinto 1:​3, 4.