Eski Vremem Bann Ki’nn Mor Kapav Reviv?
Eski ou pou reponn . . .
-
wi?
-
non?
-
kitfwa?
SEKI LABIB DIR
“Pou ena enn rezireksion.”
KI BIENFE OU POU GAGNE?
Gagn rekonfor kan nou perdi bann ki nou kontan dan lamor.
Nepli per lamor.
Enn vre lespwar pou rezwenn bann ki nou ti kontan me ki’nn mor.
ESKI NOU KAPAV VREMEM KRWAR SEKI LABIB DIR?
Wi, pou omwin trwa rezon:
-
Bondie inn kree lavi. Labib dir ki Bondie ki apel Jéhovah Li “lasours lavi.” (Psaume 36:9; Actes 17:24, 25) Bondie inn donn lavi tou bann kreatir ki vivan. Alor, pena dout ki Li ena kapasite pou redonn lavi enn dimounn ki’nn mor.
-
Bondie ti resisit bann dimounn dan lepase. Labib koz lor wit dimounn
—zenn, vie, zom, ek fam —ki ti resisite lor later. Ena sertin ki ti’nn mor pou enn ti moman, parkont enn ti’nn res dan tom pandan kat zour! —Jean 11:39-44. -
Bondie bien anvi resisit bann dimounn ankor. Jéhovah pa kontan kan bann dimounn mor; Li konsider lamor kouma enn lennmi. (1 Corinthiens 15:26) Li pe “atann avek inpasians” pou gagn laviktwar lor sa lennmi-la kan Li pou tir lamor par mwayin rezireksion. Li ena enn gran dezir pou resisit bann ki Li’nn gard dan so memwar ek pou trouv zot reviv lor later ankor.
—Job 14:14, 15.
REFLESI LOR LA
Ena Osi
ESSENTIAL BIBLE TEACHINGS
Ki Arive kan Nou Mor?
Labib promet ki pou ariv enn lepok kot boukou dimounn pou resisite, parey kouma Lazar.
REPONS POU BANN KESTION BIBLIK
Ki Ete Rezireksion?
Kitfwa ou pou etone kan ou pou aprann kisannla ki pou resisite.
LATOUR DEGARD
Ena enn Lespwar Pou Bann Ki’nn Mor—Kifer Ou Kapav Sir?
Labib donn de bon rezon pou krwar dan rezireksion.
KISANNLA NOU ETE?
Kifer Li Bon Etidie Labib?—Long Version
Labib pe donn bann milyon dimounn partou dan lemond bann repons konsernan bann kestion inportan dan lavi. Eski ou ti pou kontan gagn sa bann repons-la ou osi?
