“Yendu nba be polu po bu kaan u diem, l diem kan ban g baa.”—Daniɛl 2:44, Daniɛl Kadaaɔg.

“U tan baa tie nicinŋl i, ban gii yi’ug Yendu Badciɛn Bija. Yonmdaan Yendu bu te’og u yaaja Dafiid badkog, [. . .] yua k u bal kan ban g gbenn [lann i kaa k u gobna kan ban g baa].”—Luk 1:32, 33, Yendu kadapaaɔnŋ.

• L ŋɔnŋ g gobna be g mɔn g bu fid g tod’a.—Luk 11:28.

• L biɛ ŋɔnŋ g ŋandunpaann be g baad, l ŋandunpaann n ninŋ yiɛlu tan kan ban g suol’a, a tan baa be pamann n ninŋ i.—Dɔgdu 21:3, 4.

Ɛɛn, g dugn:

• Yiesu bo ŋɔn Yendu Diem n tan bu tien yal nba. Yiesu bo maad u ŋuantieb k ban gii jaand Yendu Diem ń baal, k u buam n tien tinŋ po. (Matieog 6:9, 10) Yiesu bo ŋɔn nand nba k l jaandi bu te mɔni.

  Youg nba g Yiesu bo be tinŋ po, u bo din yab g kom mɔg’b, g paag yiɛnm, g biɛ yied yab nba kpe. (Matieog 15:29-38; San 11:38-44) Yiesu bo tie l bona g bua wan ŋɔn g youg nba k u tan baa tie Yendu Diem bad u bu tien bona bonciɛnn u niib po.—Dɔgdu 11:15.

• Bona nba tie ŋanduna n ninŋ dinne ŋɔnŋ g Yendu Diem baalu nag o. Yiesu bo maad g youg nba g Yendu Diem bu baal yen yanduanm tinŋ po gii nagd, tɔb, kom yen tinjegnu baa be paaa. —Matieog 24:3, 7.

  T laad l bona kul dinne. L po n te k t pala bu fid gii paa k l ji kan wai yen Yendu Diem ń baal g nyan maba kul tinŋ po.