¿Jábesu imi ániapo nésawe?
¿Jáchise jiaw eyʼyey ke...
-
... Lios?
-
... ju oʼow?
-
... jabe senu?
BÍBLIAM NOKÄWI
“Sïme ju ánia diáblota mampo örek.”(1 Juan 5:19).
“Wa bechïbo ju Liosta Uʼusi äbo yépsak, diáblota yärim lütia báreka.” (1 Juan 3:8, Traducción del Nuevo Mundo.)
JITA EM JÍPUNAKËWI A JÜNEAKO
Jünenakete jakun bétana yew sïka jume problémam imi ániapo ayúkame (Revelación [Apocalipsis] 12:12).
Razoonimte jípuna wepu che tu ániata böbit bechïbo (1 Juan 2:17).
¿RAZOONIM AAYU BÍBLIATA NOKAW SUAL BECHÏBO?
Jewi, juebena razoonim aayu te bájimte émow nokná:
-
Ju Satanasta yaʼut lütisew bicha weyʼye. Jehová a lütia báreka eyʼya juka Satanasta géntemʼmet nésawta. Äpo Satanasta káytapo a ya rókaka a nokʼla éntok a ka tu yälawta tütebare (Hebreos 2:14, Traducción del Nuevo Mundo).
-
Jesucristo ju kobanaro Liosta yew puálawi. Ju kobanaro imi ániapo nésaweme tüysi géntem jiökot eʼetua éntok sïmeta a bechïbo jiba waatia. Jesucristo éntok tokti täbuiasi aw weria ka Satanasta bénasi. Lios Jesucrístota nésaw bétana íkay ya rókaka nookak: Äpo ka aw buërialemta éntok polobem jiökolina [...]. Wame géntem jiökot am joame bétana éntok nasʼsuawamta bétana am jínewna (Salmo 72:13, 14).
-
Lios ka ara nokïchi. Ju Biblia witʼtílasi a nooka ke Lios jatwey junʼne ka ara nokíchiam nokná (Hebreos 6:18). Wanay Jehovata jita ya rókako lutüriapo a yänake (Isaías 55:10, 11). Äpo wa imi ániapo nésawemta a lütia báreka nokʼla (Juan 12:31).
EMORE TEMAJE
¿Jachïnasatunake ju ánia Satanasta beja ka at nésaweyo?
Juka yómiata Bíbliata mákame jumu SALMO 37:10, 11 éntok REVELACIÓN 21:3, 4 pe a tewna.