Unoonela cani Ibiiblya?
Woonela waa, iyo ikhanlee . . .
-
ilivuru yo moopuwelelo aapinaatamu?
-
ilivuru yothele ni ihantisi cokhalayi?
-
Moolumo a Nluku?
ITTHU INHIMYAAYA IBIIBLYA
Cowantikhiya coothene ciphattuwalee wa Nluku.”—2 Timotiyu 3:16, Tradução do Novo Mundo.
NRERELONAYA UCUWELA ILA
Ibiiblya inawuuvaha . . .
macipwo owoonannya omakoho moolupale anreera ucuwela. —Miruku 2:1-5.
malakihero ookhuluvelya mahuku oothene.—Isaalimu 119:105.
uweherera weekhweli woohoolo. —Arooma 15:4.
NIKUPALIKI INHIMYAAYA IBIIBLYA KHWELI?
Iyee, nlattu wo citthu tthaaru:
-
Malikanelo ootikhiniha. Ibiiblya yantikhiye nhina wo myaakha 1.600, naalopwana ookhalaka 40. Enci khayaacuwelanne. Unookhalaru commo, inhimyaaya yoothene intthara mwaha mmoca.
-
Ihantisi coohivithavithiya. Anahantisi ontuniyani anaavithavithaka myaha cinonaaya wiira khacinaattittimiha. Masi atthu yantikhile Ibiiblya, khavithale uvonyawaya ni uvonya waasineethyaaya.—2 Ikoronika 36:15, 16; Isaalimu 51:1-4.
-
Coohimiya cihinaaya wiirannya cookhuluvelya. Myaakha 200 ihinaaya utankanyiya isitati yo Babiloniya, Ibiiblya yahopacerera uhimya wiira iyo yaanakhumelela. (Isaiya 13:17-22) Coohimiya cihinaya wiirannya, cahoonihera caahalaya ukwanyuliya isitati yo Babiloniya hataa ni ncina na ntthu aahala ukwanyulaca!—Isaiya 45:1-3.
Citthu cinci coohimiya cihinaaya wiirannya ciri mbiiblyani, ciheerannya toko caahimiyaaya. Nnhina wo Moolumo a Nluku, khacikhanle nnya citthu caarera uweherera?—2 Peturu 1:21.
WEEMELE WUUPUWELE
Moolumo a Nluku anhala ureeriha cani makhalelwaa?
Ibiiblya inawaakhula mu ISAIYA 48:17, 18 ni 2 TIMOTIYU 3:16, 17.
Myaha cikiina atthunaka cinhala wuucivelani
NAAPANI HIIVANO
Kontha Isiyani Usoma Ibiiblya?
Atthu imiliyawu cene ntuniyani motheene ari moophwanya mbiiblyani macipwa o makoho moolupale o muukumini. Nnaapheela ukhala wamoca naayo?
NAAPANI HIIVANO
Nlepele wootoliya ni Masaahiti a Yehova
Moope mwaha wo mbiiblyani ni Masaahiti a Yehova, awula nlepele usomihiya Ibiiblya mahala.
