•  Moolumo oopacera 2

•  Mihakhu co Nnuulumoni na Nluku 3-5

  •  Mwaha 3

  •  Ikano cowiipithya co mbiibiliyani 4

  •  Usoma Ibiibiliya 5

•  Mwiikurumice Wuulalyaani 6-14

  •  Upaceriha uwoopana mwaha atthu 7

  •  Waakavihera atthu wiira apheele wiitthuca-tho 8

  •  Waapanka eetthuci 9

  •  Waahimerya akhwiinyu citthu cinkupaliinyu 10

  •  Mwaha 11

  •  Muru wo mwaha 12

  •  Mapuru 13

  •  Uvarela nteko ividiyu ni ilivuru 14

•  Makhalelo Eekristau 15-16

  •  Usomiya Ibiibiliya wo wanlokoni 16

•  Moolumo oomalela 17

•  Uttottopela ni ikano 18

•  Ukati 19

•  Wootoliya ni mootoli osirikwiitu 20

•  Isumana yo nthukumano wo isirikwiitu ni yo ikonkereesu 21

•  Isumana yo Nuupuwelelo 22

•  Humu notthenkaca nkutthaano Makhalelo ni Miteko Ceekristau 23

•  Nhooleli o nkutthaano Makhalelo ni Miteko Ceekristau 24

•  Namavaha ikano o wanlokoni 25

•  Isaala cikhwaawe 26

•  Ividiyu 27

 1. Malakihero amphwanyeehu nhina ila itukumentwiila, akhanle malakihero atthu otheene ampanka mphantte nhina nkutthaano uneehaniya Makhalelo ni Miteko Ceekristau. Nhinancera utthenkaca mphantteenyu, nsome malakihero amphwanyannya nhina mwaalivuru o mikutthaano Makhalelo ni Miteko Ceekristau ni ciicammo malakihero amphwanyannya nhina ila itukumentwiila. Anamalalyeera otheene ahaana yalattuliyaka wiira apanke miphantte caanamasoma. Atthu akhwaawe owiikurumica ni ahinlova umikutthaanoni ahikhanle anamalalyeera, ciicammo pooti upanka nnyo miphanttennyo, wakhalaka wiira anawoonihera ukupali ni weettela itthu inhimyaaya Ibiibiliya. Masi ntthuuyo hinaaya wancera upanka, humu notthenkaca nkutthaano Makhalelo ni Miteko Ceekristau, haana oopelaka mwaha nkhayi nuuyo ntthuuyo, malakihero ammwiiriha ntthu wooniya wakhala wiira pooti wananceraawe upanka miphatte awula mena. Ciicammo haana anhimeeryaka wakhala wiira uyo naaphwanela awula mena upanka nnyo miphanttennyo. Iyo itthwiiyo ihaana yapankiyaka nari nkhayi ni ntthu nonsomiha Ibiibiliya (awula nari nkhayi naathumwaane awula anumwaane, wakhala wiira ayo makristau). Malakiherwaayo akhanle mamocaaru naale anoopeliyaka mwaaha ntthu apheela ukhala namalalyeera oohipattisiya.—od ikap. 8 iparaag. 8.

2. Iminuutu imoca. Khula isumana, namalaka wiipiya ncipo noopacera ni ulompiya, munna nohoolela nkutthaano weeriyari isumana naahala uttonkaca mananna nkutthaanooyo unhalaaya weetta. Uyo munnooyo haana attonkacaka vakaani miphantte cinhala waavara nrima mayamunna.

 3. Mwaha: Iminuutu 10. Muru ni ipontu piili awula tthaaru co uyo mwahooyo, cinaaphwanyannya nhina Mwaalivuruni o Mikutthaano Makhalelo ni Miteko Ceekristau. Ula mwahoola uhaana upankiyaka nihumu awula nrumiya o wanlokoni ooniye wiira naahala ukhitiri. Yanceriyaka ilivuru yo mbiibiliyani yophiyaaru, ihaana yooniyaka ividiyu yowanceriha iyo iliivurwiiyo. Mwaha untaphulelaawe uyo munnoyo uhaana uvaranacaka niividiyu yooniye. Uyo haana ataphulelaka ipontu cuulupale cotheene ciri nhina Mwaalivuru o Mikutthaano. Uhiya commo, wakhalaka ukati, uyo haana avarelaka nteko ilatarato co uyo mwahooyo wiira oncerere mwahaawe. Ciicammo, uyo pooti wuuluma citthu cinhalaawe ukumiha nhina ilivuru cihu cikhwaawe wakhalaka wiira cinaavaranaca ni mwaha untaphulelaawe.

 4. Ikano cowiipithya co mbiibiliyani: Iminuutu 10. Ula mphanttyoola ukhanle wo makoho ni wookomentariya. Ula mphanttyoola khunlamuliya upacerihiya ni umaliheriya, khampa cimpankiyaaya wataphuleliyaka mwaha. Uhaana upankiyaka nihumu awula nrumiya o wanlokoni ooniye wiira naahala ukhitiri. Munna nohoolela haana apankaka makoho oomeeli. Uyo phinlakela wakhala wiira pooti wansomiyaaya iveerusu cotheene ciromoliye. Ikomentaariyu co mayamunna cihaana cikhalaka cosekuntu 30 awula pooti uhiphiya.

 5. Usoma Ibiibiliya: Iminuutu 4. Ula mphanttyoola haana apankaka nlopwana paasi. Uyo haana usoma woohuuluma hataa itthu wiipaceroni ni wiimaleloni. Munna nohoolela nkutthaano, haana atothaka waakavihera anamasoma wiira yiitthuce usoma ratta, wiiwannya itthu, woohikokomelaca, uvirikaniha ncu mapuro umphwanelanaaya, weemela mapuro anreera weemela ni usoma toko cinoolumakaaya. Ukhala wiira miphantte co mbiibilyani cinsomiyaka cinaakhalaka cankaani ni cuulupale, humu notthenkaca nkutthaano Makhalelo ni Miteko Ceekristau, ukati wonthanla ntthu nohala upanka ula mphanttyoola, haana anweheraka wakhala wiira anaahala ukhitiri.

6. Iminuutu 15. Itthu impheeliya nhina ula mphanttyoola ukhanle waakavihera anamalalyeera wiitthuceeha ulalyeera ni usomiha. Wakhitiryaa vale, mahumu pooti wanaakhelaaya nnya miphantte caanamasomannya. Khula namasoma haana eekurumicaka uvarela nteko ipontu ihimiye nipuro ninhalaawe upanka mphantte nimphwanyannya mmwaalivuruni Makhalelo ni Miteko Ceekristau. Iyo ipontwiiyo pooti uphwanyannya nhina ibroxura Leitura e Ensino awula Mwaafente atthu. Ikwaha cikhwaawe, unhala ukhala mwaha unhala ukaviheriya niikomentariyu comayamunna. Ula mphanttyoola, uhaana uhooleliyaka ni humu awula nrumiya o wanlokoni ooniye wiira naahala ukhitiri.—Nwehe  iparaagarafu 15 inhimya mananna oopanka mwaha unkaviheriya niikomentaariyu.

 7. Opaceriha umoopana mwaha ntthu: Ula mphanttyoola pooti upanka nlopwana awula athiyana. Ale ampanka ula mphanttyoola ahaana yakhalaka alopwanaru awula athiyanaru. Akhalaka nlopwana ni nthiyana, ahaana yakhalaka amuciru. Ayo pooti upanka ula mphanttyoola aneemenle awula anonkomile.—Mwapheelaka ucuwela-tho muru wo mwaha awula mapuro anlamuliya utakiheriya ukati woopankiya ula mphanttyoola, nwehe  iparaagarafu 12 ni  13.

 8. Waakavihera atthu wiira apheele wiitthuca-tho: Ula mphanttyoola pooti upanka nlopwana awula athiyana. Ale ampanka ula mphanttyoola ahaana yakhalaka alopwanaru awula athiyanaru. (km-T 5/97 ipaag. 3) Ayo pooti upanka ula mphanttyoola aneemenle awula anonkomile. Ale anohala upanka ula mphanttyoola ahaana yathoonyiheraka inanna yonvara nrima ntthu aapacile woopaniya mwaha.—Mwapheelaka ucuwela-tho muru wo mwaha awula mapuro anlamuliya utakiheriya ukati woopankiya ula mphanttyoola, nwehe  iparaagarafu 12 ni  13.

 9. Waapanka eethuci: Ula mphanttyoola pooti upanka nlopwana awula athiyana. Ale ampanka ula mphanttyoola ahaana yakhalaka alopwanaru awula athiyanaru. (km-T 5/97 ipaag. 3) Ayo pooti upanka ula mphanttyoola aneemenle awula anonkomile. Ula mphanttyoola ahaana yathoonyiheraka mananna cimpankiyaaya cinsomihiyaaya Ibiibiliya. Ule nohala upanka ula mphanttyoola pooti uhuuluma moolumo oopaceriha awula oomalihera, uhikhanle wiira mwahooyo unlipihereriya niipontu cinooluma nnyo citthunnyo. Ciicammo pooti uhisoma mphantte unoopelaaya mwahooyo, hataa ukhalaka wiira pooti wampankiyaaya.

 10. Waahimerya akhwiinyu citthu cinkupaliinyu. Wakhala wiira ula mphanttyoola ukhanle mwaha, nolamuliya upanka nlopwana. Wakhalaka wiira nthoonyero, pooti upanka nlopwana awula athiyana. Ale anhala upanka ula mphanttyoola, ahaana yakhalaka alopwanaru awula athiyanaru, akhalaka nlopwana ni nthiyana, ahaana yakhalaka amuciru. Namasoma haana aakhulaaka nikoho nipankiye nimananna omaana ni owiiwannya, avarelaka nteko ireferensiya ihimiye. Namasoma atthunaka pooti uhimya ireferensiya invarelaawe nteko wiira apanke mphanttyaawe.

 11. Mwaha: Ula mphanttyuula uhaana upankiyaka ninlopwana. Uhaana upankiyaka khampa mwaha wo wanlokoni. Wakhala wiira mwahooyo unlipihereriya nimphantte uneehaniya mphantte woomalela A uphwanyannya mbroxuurani Mwaafente Atthu, namasoma haana ahimyacaka manannani iveerusu ciromoliye nno nipuronno cinlamuliyaaya uvareliya nteko wuulalyeerani. Wootakihera, uyo pooti ahimyacaka ukatini unreeraaya uvareliya nteko nnyo iveerusunnyo, itthu intaphulelaaya awula mananna oomoopana ntthu mwaha nivarelaka nteko nnyo iveerusunnyo awula iyo iveeruswiiyo. Wakhala wiira ula mwahoola unlipihereriya niipontu yombroxuurarani Mwaafente Atthu, namasomooyo haana athoonyeraka mananna ninlamuliyeehu uvarela teko iyo ipontwiiyo wuulalyeerani. Uyo pooti wanhimyacaawe ntakihero nimphwanyannya ipontu 1, awula pooti usuuluma iveerusu inhimyaciya nhina mwaha umphwanyannyaaya iyo ipontwiiyo, wakhala wiira wanaareerana.

   12. Muru wo mwaha: Moolumo amphwanyannya nhina ila iparaagarafwiila anvareliya nteko nhina miphatte “Upaceriha uwoopana mwaha atthu” ni “Waakavihera atthu wiira apheele wiitthuca-tho.” Yaahikhaleru marukunuso makhwaawe, ntthu nohala upanka nnyo miphanttennyo, haana avarelaka nteko ikhweeli yoovara nrima yo mbiibiliyani wiira anvare nrima ule nomoopanaawe mwaha ni uhiya nikoho wiira awaakhule nihuku nikhwaawe. Ule nohala upanka ula mphanttyoola pooti uthanla mwaha unoonaawe wiira unaahala waavara nrima atthu oncoko unkhalaawe. Ciicammo, pooti unlakelaawe wakhala nohala woopa mwahooyo avarelaka nteko ilivuru cihu awula wooniha ividiyu cihu cinvareleehu nteko wuulalyeerani. Uhiya upanka mphantte ni moolumo ahenlyaawe mmuru khalayiiru, ale anhala upanka mphantte ahaana yeekurumicaka wiira ukhitiri woopa mwaha yathoonyeraka unwacera ntthu nomuulumanaaya, ni wuuluma toko cinoolumesaaya.

   13. Mapuro: Ntthu nopanka mphantte haana avarelaka nteko inanna coovirikana coolalyeera. Wootakihera:

1.  (1) Inupa niinupa: Ula mphanttyoola umpankiya uthoonyiheriya ulalyeera inupa ni inupa; pooti ukhala co ni co, niiwarakha awula nitelefooni, awula pooti uthoonyiheriya woopiyaka mwaha nintthu aapacile woopaniya mwaha.

2.  (2) Ulalyeera khula nipuro: Ula mphanttyoola unthoonyiheriya inanna yonlalyeera ntthu naamoopaneehu mwaha wahaari wombiibiliyani. Pooti uthoonyera mananna oomoopana mwaha wombiibiliyani ntthu ninonvaraneehu nteko, ninonsomaneehu ucikola imoca, mwaattamananiihu, ntthu ninwelanneehu ikaaro imoca, awula nipuro ninaaphwanyakeehu atthu ukati unvareehu miteko cihu co khula nihuku.

3.  (3) Ulaleerya niikariinyu: Ula mphanttyoola unlamuliya uthoonyiheriya ulaleeriyaka niikariinyu, ulalyeera nitelefoone ntthuuyo aalikarelaka aalalyeeraka atthu yaatthamananne ari wantekoni wawe ntthuuyo, mmaparapaarani, mmajardim, mapuro anweliya ikaaro, awula khula nipuro ampwanyaneya atthu.

 14. Uvarela nteko ividiyu ni ilivuru: Ale anhala upanka ula mphanttyoola phanhala ulakela wakhala wiira anaahala wooniha ividiyu awula uvarela nteko ilivuru cihu. Wakhala wiira mphantte unhala upankiya uhaana ividiyu, awula, wakhalaka wiira ntthu nohala upanka mphanttyooyo naahala ulakela wooniha ividiyu, uyo haana opeelaka mwaha ividiyu, masi khanlamiliya wooniha ukati umpankaawe mphanttyooyo.

15. Namalaka wiipiya nncipo, iminuutu 15 cinttharanana co ula mphanttyuula unaakhalaka mphantte mmoca awula miili cinaakavihera mayaamunna ucuwela uvarela nteko citthu ciitthucilyaaya nnulumoni na Nluku. Yaahikhale marukunuso makhwaawe, nnyo miphanttinnyo cihaana cipankiyaka ni humu awula nrumiya o wanlokoni ooniye wiira naahala ukhitiri. Masi mphantte uneera mahimyo o wanlokoni, unlamuliya upankiya ni humu. Wakhala wiira mphanttyooyo ukhanle mwaha wookaviheriya nikomentaariyu co mayaamunna, munna vahaceriye uhoolela pooti wampankaawe makoho kaahi paasi ari mmwaaliivuruni masi ciicammo anoonaawe wiira anaahaka ureerana. Moolumo oopaceriha khanlamuliya winciva, wiira ukhalane ukati woopheela wuuluma ipontu cuulupale co mwahooyo ni wiira ukhale ukati woohala mayaamunna ukomentari. Wakhala wiira mphanttyooyo uhaana intreviista, wakhitiryaa vale, ntthu nohala ukohakohiya haana arwaaka wapaluku, uhiya waakhula wonkomenlyaawe.

  16. Usomiya Ibiibiliya wo wanlokoni: Iminutu 30. Ula mphanttyoola uhaana upankiyaka ni humu nooniya wiira naahala ikhitiri. (Maloko ari mahumu vakaani, pooti pooti wanthanliyaawe nrumiya upanka, ooniyaka wiira naahala ukhitiri.) Mahumu phinlakela tipani nokhitiri uhoolela usomiya Ibiibiliya wo wanlokoni. Ale anthanliya uhoolela ala amphanttyoola ahaana yahoolelaka nimananna omaana yawehaceraka ukati ni yasomaka iverusu cinvaranaca ni mwahooyo, wiira yaakavihere mayamunna umphwanyera ifayita ipontu cuulupale cinoopeliya mwaha. Mayaamunna anthanliya wiira ehoolele ula mphanttyoola, unaahala ureera yasomaka malakihero anhimya mananna oohoolela mwaha wo makoho.(w23.04 ipaag.24, ikwaaturu) Wakhala wiira mphantte waathanliye uhomala, khunlamuliya utupheliya mphantte nkhwaawe. Wakhitiryaa vale, khula isumana haana ahoolela munna nkhwaawe. Wakhalaka wiira nhooleli o naalepela owukuliya ukati, munna nohoolela iala mphanttyoola phinhala ulakela mananna nohalaawe upanka iyo itthwiiyo. Inanna imoca ukhanle uhisoma iparagrafu cikiinannyo.

17. Iminuutu 3. Nhooleli o nkutthaano wo Makhalelo ni Miteko Ceekristau haana athikilelaka ipontu cuulupale co nkutthaano. Ciicammo haana ahimyacaka myaha cosumana inwa. Wakhala wiira nanlelo uhaavo ukati, pooti wanaattonkaawe atthu anamasoma anhala upanka mphantte isumana inwa. Yaahikhale marukunuso makhwaawe, wakhalaka wiira naahala usomoa mahimyo awula usoma iwarakha, nhoolelo onkutthaano haana asomaka wuumaleloni, ukati unoolumaawe moolumo oomalela. Mahimyo o mahuku okhumiya wuulalyeerani ni mahuku ookwecakweciya, khanlamuliya uhimyaciya wapaalukuni. Uhiya commo, ahaana yaapareriyaka wakwaaturuni yo mahimyo. Wakhala wiira iwarakha inrwa usomiya awula mahimyo ari menci, nhooleli onkutthaano haana aahimyeeraka mayamunna arina miphantte nhina mphantte uneehaniya Makhalelo Eekristau wiira athikilele miphantte caya. (Nwehe  iparaagrafu 16 ni  19.) Nkutthaano unlamuliya umala nincipo ni ulompa.

18. Wamalihiyaka khula mphantte, munna nohoolea nkutthaano haana iminuutu imoca wiira anttottopele ni anvahe ikano ule aapanka miphantte. Ikano cinhalaawe waavaha nohala ukumiha nhina ipontu yoopenlyaaya mwaha. Ikwaha munna nohoolela nkutthaano unwiihanaawe ale anhala upanka mphantte, khanlamuliya uhimya mpantta wo mbroxurani ntthuuyo uthanleliyaawe. Masi, ntthuuyo amalihaka upanka mphanttyooyo, napacenreene nttottopela toko, vano pooti uhimyaca mphantte wo mbroxurani ntthuuyo waathanleliyaawe ni kontha isiyani pooti uneeriyaaya wiira hopanka saana. Masi wakhalaka wiira khapankile saana, haana anhimyeraka asana-saana isiyani inonhaleela ntthuuyo wiira apanke saana itthu inhimyaaya uyo mphanttyooyo. Munna nohoolela nkutthaano pooti uttonkaca citthu cikiina cinoonaawe wiira cinaahala unkavihera ule aapanka mphantte awula atthu otheene ari waankutthaanoni. Wamalaka nkutthaano awula ukati nkiina, ale yaapanka miphantte pooti wiihaniya wiira avahiye ikano inhala ukumihiya nhina ibroxuura Mwaafente Atthu, mbroxuurani Leitura e Ensino awula nlivuruni Escola do Ministério. Iyo ikanweeyo pooti ukhala yoolikanaca nimpanttu yombroxuurani ntthuuyo yaathanleliyaawe awula pooti ukhala ikhwaawe.—Mwapheelaka ucuwela citthu cikiina cinlamuliyaawe upanka munna notthenkaca nkutthaano Makhalelo ni Miteko Ceekristau ni humu novaha ikano nhina mananna ootaphulela mwha, nwehe  iparaagarafu 19,  24 ni  25.

19. Khuuvo mphantte unlamuliya upwaha ukati uheleliyaaya, hataa munna nohoolela nkutthaano khanlamuliya uvikaniha iminuutu cawe ukati wowaattottopela awula waavaha ikano ale yaapanka miphantte. Hataa ukhalaka wiira mwaalivuru Makhalelo ni Miteko Cihu Ceekristau naahimyaca iminuutu cinlamuliya uvirihiya upankiya khula mphantte, ntthu apankaka mphanttyaawe khanlamuliya wuuluma citthu cinci wiira paahi apiihere ukati uvahiyaawe. Wakhalaka wiira ntthu nopanka mphantte hopwahiha ukati uvahiyaawe, munna nhoolela nkutthaanooyo awula namavaha ikano o wanlokoni, wamalaka nkutthaanooyo, haana amwiihanaka mphanttyaayaru ntthu aapanka mphantte ni unvaha ikano. (Nwehe  iparaagarafu 24 ni  25) Nkutthaano wotheene, uhela nhina macipo ni mavekelo, uhaana uvirihaka iwoora imoca ni iminuutu 45.

20. Nloko nathotoliyaka nimootoli osirikwiitu, iporokaraama cinhala weettiheriya khampa cinwaaya nhina mwaalivuru omikutthaano. Masi mphantte uneera “usomiya Ibiibiliya wo wanlokoni” uri mphantte wo “Makhalelo Eekristau” unhala waakakhanihiya nimwaha wominuutu 30 unhala upankiya nimootoli osirikwiitu. Mootoli osirikwiitu hinancera mwahaawe, nhooleli o nkutthaano haana uthikilela miphantte cipankiye nno nihukunno ni uhimyaca mananna cinhalaaya ukhala mikutthaano isumana imwa. Yakhalaka mahimyo awula iwarakha, uyo haana usoma wakhitiryaaka ni, wiimaleloni, haana uhimya muru wo mwaha unhala utaphuleliya nimootoli osirikwiitu. Wamalihiyaka upankiya mwaha, mootoli osirikwiitu naahala umalihera nkutthaano nincipo nithanlilyaawe ni wiimaleloni naamwiihaana munna thanliye wiira alompe. Ukati mootoli osirikwiitu nootolaawe nloko, nlokonno khaninlamuliya ukawanihaciya. Wakhalaka wiira wanlokoni va cihaavo ikhurupu co iluuka ikhwaawe, iyo ikhurupwiiyo pooti upanka nkutthaaanwaaya. Masi mayamunna o wanlokoni ni onkhurupuni ahaana yaviriyanaka nkhayi mwaha woopacera wa mootoli osirikwiitu.

21. Isumana yo nthukumano wo isirikwiitu awula ikonkeresu, khacinkhala mikutthaano cowanlokoni. Iporokarama co nyo isumananyo khula ntthu haana oonaka veekha awula naamucyaawe.

22. Wakhalaka wiira nuupuwelelo ninhala upankiya iriyari isumana, khacinkhala mikutthaano cowariyari isumana.

23. Humu mmoca oothanliya ni mphwinko wo mahumu, naahala ukhala humu notthenkaca nkutthaano, uyo phinhala utthenkaca uyo nkutthaanooyo wiira weettiheriye atthariyaka malakihero, ni haana eewananaka rattaraatta ni humu novaha ikano wanlokoni nhna mananna ootaphulela myaha co mbiibiliyani. Yakumiheriyaka awula awaaka mwaaliivuru omikutthaano, munna ri humu notthenkaca nkutthaano Makhalelo ni Miteko Ceekristau, haana aathanlaka mayaamunna anhala upanka miphantte isumana cotheene. (Nwehe  iparagrafu 3-16 ni  24.) Wonthanla ntthu nohala upanka mphantte, uhaana uwehaceriyaka ilikaawe, ucuwelaca wawe ni wakhala wiira naakhitiri wuuluma waatthuni. Uyo haana oopuwelaka nnyo citthunnyo ukati ciicammo wowaathala mayaamunna anhala upanka miphantte cikhwaawe. Khula mphantte haana avahiyaka nohala upankooyo, cihaaleelaka isumana tthaaru ihinaaya uphiya isumana inhalaaya upankiya uyo mphanttyuuyo. Mayaamunna anhala upanka miphantte caanamasoma, ahaana yavahiyaka iwarakha ineera “Designação para a Reunião Vida e Ministério Cristão” (S-89). Munna notthenkaca nkutthaano Makhalelo ni Miteko Ceekristau, haana awaceraka wakhala wiira miphantte cinhala upankiya isumana imwa cihaapareriya wakwaaturuni yomahimyo. Mahumu ahaana anthanlaka humu mmoca awula nrumiya wiira ankavihere humu notthenkaca nkutthaano Makhalelo ni Miteko Ceekristau. Mahumu phinlamuliya waathanla mayamunna anhala upanka miphantte cihikhanle caanamasoma.

24. Khula isumana, humu mmoca naahala uhoolela nkutthaano woweeriyari isumana. (Wanlokoni yakhalaka mahumu vakaani, arumiya pooti uvareliya nteko wiira ahoolele nkutthaano.) Uyo phinhala utthenkaca moolumo opacera ni omalela. Uyo, phinhala uwiihaana mayaamunna anhala upanka miphantte, hataa ukhalaka wiira ahaavo mahumu enci, uyo phinhala upanka miphantte cikiina, venci-venci toko miphantte cowaaca woonihiya ividiyu paahi. Uyo khanlamuliya wuuluma citthu cinci, apheelaka uwiihana mayaamunna anhala upanka miphantte miphantte caya. Ikhurupu yo mahumu, phinaathanla mahumu anlamuliya uhoolela mikutthaano coweeriyari isumana. Humu notthenkaca nkutthaano Makhalelo ni Miteko Ceekristau, pooti uhoolela nkutthaano ikwaha cinci. Wakhala wiira humu hothanliya wiira pooti uhoolela usomiya wo Ibiibiliya wo wanlokoni, uyo ciicammo, pooti wanhoolelaawe nkutthaano wo weeriyari isumana. Masi, masi unaarera uhiliyala wiira munna nohoolela nkutthaano wo weeriyari isumana, haana aattottopelaka mayaamunna ampanka miphantte, waavaha ikano ninifento ni cofayita. Nhooleli onkutthaano hirina nrintti wooweha ukati wiira uhipwahe uhinamala nkutthaanooyo. (Nwehe  iparaagarafu 17 ni  19.) Wakhalaka wiira ihaavo ikhato wapaalukuni, nhooleli onkutthaano pooti ukhala wapaalukuni vaava anvarelaka nteko mikorofone nkhwaawe wiira awiihane mayaamunna arina miphantte. Ciicammo wiira avarele nteko saana ukati, nhooleli pooti wunkoma upaalukuni wonwo, ukati Unsomiyaaya Ibiibiliya ni ukati unkeliyaaya mphantte uneera Mwiikurumice Wuulalyaani.

25. Wakhitiryaa, haana athanliyaka humu noorya utaphulela myaha sana-saana ni oocuwelaca. Namavahaka ikano o wanlokoni, haana nrintti wo waavaha ikano mahumu ni arumiya o wanlokoni yapankaka miphantte caya wankutthaano ceeriyari isumana ni cowiimaleloni isumana, oonaka wiira unaareerana uvahiya ikano. (Nwehe  iparaagrafu 19.) Wakhala wiira wanlokoni va ahaavo mahumu menci oocuwelaca, khula mwaakha pooti uthanliya humu nkhwaawe. Namavaha ikhano o wanlokoni, khanlamuliya waavaha ikano mayaamunna khula ikwaha umpankaaya mphantte.

26. Wakhalaka wiira ahaavo anamasoma enci, nloko pooti ulakela ukhalana isaala cikhwaawe wiira anamasoma akhwaawe apanke miphantte caya. Khula isaala haana akhalaka namavaha ikano ooniye wiira naakhitiri, ni venci-venci haana akhalaka humu. Masi ciicammo wakhitiryaa pooti ukhala nrumiya o wanlokoni, ooniye wiira naahala ukhitiri. Ikhurupo yo mahumu phinlamuliya ulakela tipani nohala upankesa uyo mphanttyooyo awula wakhala wiira unkookhala wowaakakhaniya. Namavaha ikano o wanlokoni, haana attharaka malakihero amphwanyannya  iparaagafuni 18. Cakhalaaka isaala cikwaawe, anamasoma ahaana yalattuliyaka urwaa nnyo isaalannyo, wamalaaka mphantte uneera “Ikano cowiipithya co mbiibiliyani” uri nhina “Mihakhu co Nnuulumoni na Nluku.”

27. Khula nkutthaano cinaahala uvareliya nteko ividiyu cithanleliye uyo nkutthaanooyo. Khula ividiyu yonkutthaano inaahala ukumiheriya mwaaplikatiivuni JW Library®.

© 2023 Watch Tower Bible and Tract Society of Pennsylvania

S-38-MWM 11/23