Nehemiya 11:1-36
-
Mu Yelusalemu mwavula antu nupya kwene (1-36)
11 Ya cilolo ya Ina Izlaeli ikalanga umu Yelusalemu; lelo antu asyala, yapendozile pakuti yasoololepo ulupwa longa pa ndupwa 10 ulwa kwikala umu Yelusalemu, musumba uwa muzilo, ale indupwa 9 izyasyala zikwikala umu misumba yuze.
2 Nupya antu yapaazile aonsi yonsi aitemiilwe ukwikala umu Yelusalemu.
3 Yaa ali yakalamba ya citungu aikalanga umu Yelusalemu. (Aina Izlaeli asyala, ya simapepo, Aina Levi, aomvi ya pi tempele,* na ana ya yaomvi yakwe Solomoni, ikazile umu misumba yuze iya mutundu wakwe Yuda, cila muntu mu musumba wakwe.
4 Nupya kwali yamwi amu mutundu wakwe Yuda na wakwe Benjamini aikalanga umu Yelusalemu.) Amu mutundu wakwe Yuda aikalanga umu Yelusalemu aeya: Ataya mwana Uziya mwana Zekaliya mwana Amaliya mwana Syefatiya mwana Maalaleli uwa mu lupwa lwakwe Pelezi,
5 na Maaseya mwana Baluki mwana Kolioze mwa Hazaya mwana Adaya mwana Yoyalibu mwana Zekaliya uwafumile umu lupwa lwa Ina Syila.
6 Ya mwana Pelezi yonsi aikalanga umu Yelusalemu yaali 468 aonsi ya maka.
7 Nupya amu mutundu wakwe Benjamini aikalanga umu Yelusalemu aeya: Salu mwana Mesyulamu mwana Yoedi mwana Pedaiya mwana Kolaiya mwana Maaseya mwana Itieli mwana Yesyaya,
8 na aamulondelilepo a Gabai na Salai, yonsi pamwi yaali 928;
9 na Yoweli mwana Zikilai u wayangalilanga nupya Yuda mwana Hasenua wali inkonkanyi yakwe umu musumba.
10 Ya simapepo aikalanga umu Yelusalemu aeya: Yedaya mwana Yoyalibu, Yakini,
11 Selaya mwana Hilikiya mwana Mesyulamu mwana Zadoki mwana Melaiyoti mwana Aitubi uwatungululanga umu ng’anda yakwe Leza wa cumi,
12 kumwi na ina yao aaombelanga api tempele, yonsi pamwi yaali 822; na Adaya mwana Yeloamu mwana Pelaliya mwana Amuzi mwana Zekaliya mwana Pasyuli mwana Malikiya,
13 kumwi na ina yao, kuli kuti akalamba ya ndupwa, yonsi pamwi yaali 242; na Amasyisai mwana Azaleli mwana Azai mwana Mesyilemoti mwana Imeli,
14 alino na ina yao, aonsi ya maka nupya asipe yonsi pamwi yaali 128; uwayangalilanga a Zabidieli uwa mu lupwa ulucindikwe.
15 Aina Levi aikalanga umu Yelusalemu aeya: Syemaya mwana Hasyubu mwana Azilikamu mwana Hasyabiya mwana Buni,
16 na Syabetai na Yozabadi akalamba ya ina Levi, aangalilanga imilimo iyaombelwanga ukunzi ya ng’anda yakwe Leza wa cumi;
17 na Mataniya mwana Mika mwana Zabidi mwana Asafu, uwangalilanga ya kimba nu kutungulula inyimbo zya kulumbanya pa nsita ya mapepo, na Bakibukiya uwazwilizyanga Asafu, na Abuda mwana Syamua mwana Galali mwana Yedutuni.
18 Aina Levi yonsi aikalanga umu musumba wa muzilo yaali 284.
19 Na alinzi ya pa mpongolo a Akubu, Talimoni, kumwi na ina yao aalindanga impongolo, yonsi pamwi yaali 172.
20 Aina Izlaeli yonsi asyala, ya simapepo, na Ina Levi, ikalanga umu misumba yuze iyasyala yakwe Yuda, cila muntu wikalanga umu ncende yakwe iya upyanyi.
21 Aomvi ya pi tempele* ikalanga umu Ofeli nupya Ziha na Gisyipa aangalilanga aomvi ya pi tempele.*
22 Uwangalilanga Aina Levi aikalanga umu Yelusalemu a Uzi mwana Bani mwana Hasyabiya mwana Mataniya mwana Mika, uwa mu lupwa lwakwe Asafu, kuli kuti uwa mu lupwa lwakwe ya kiimba; Uzi u wangalilanga imilimo iyaombwanga umu ng’anda yakwe Leza wa cumi.
23 Umwene wisileko isunde lyakuti, ya kiimba yapeelwa vino yakulondekwa cila wanda.
24 Nupya Petaya mwana Mesyezabeli mwana Zela mwana Yuda u wali impanda mano ya mwene pa milandu yonsi iyakumile antu.
25 Vino ikazile aevi, Ayuda yamwi ikazile umu Kilyati-aba nu mu mizi iyalimo, umu Diboni nu mu mizi iyalimo, mu Yekabuzeeli nu mu mizi iyalimo,
26 mu Yesyua mu Molada, mu Beti-peleti,
27 mu Hazali-syuali, mu Belisyeba nu mu mizi iyalimo,
28 mu Zikilagi, mu Mekona nu mu mizi iyalimo,
29 mu Eni-limoni, mu Zola, nu mu Yalamuti,
30 mu Zanowa, mu Adulamu nu mu mizi iyalimo, mu Lakisyi ni ncende izyalimo, nu mu Azeka nu mu mizi iyalimo, ikazile ukufuma uku Belisyeba ukufika umu Mukonko wa Hinomu.
31 Na Ina Benjamini ikazile umu Geba, mu Mikimasyi, mu Aiya, mu Betele nu mu mizi iyalimo,
32 mu Anatoti, mu Nobu, mu Ananiya,
33 mu Hazoli, mu Lama, mu Gitaimu,
34 mu Hadidi, mu Zeboimu, mu Nebalati,
35 mu Lodi, nu mu Ono, kuli kuti mukonko uwa yantu aacenjela mu vya kupangapanga.
36 Nupya indupwa zimwi zya Ina Levi izikalanga umu Yuda zyatandike ukwikala umu ncende ya Ina Benjamini.
Mafutunoti
^ Nanti “Aina Netinimu.” Mu Ciebele: “Aapeelwa.”
^ Nanti “Aina Netinimu.” Mu Ciebele: “Aapeelwa.”
^ Nanti “Aina Netinimu.” Mu Ciebele: “Aapeelwa.”
