Uzye Mungati a Weni Aakatungulula Insi?
Uzye mungati . . .
-
a Leza?
-
antunze?
-
a muze sile?
VINO BAIBO IKASAMBILIZYA AEVI
“Insi yonsi ikateekwa nu Mwipe.” —1 Yoane 5:19. Cimambwe New Testament.
‘Umwana wakwe Leza wiziile ukuti aonone ivicitwa vyakwe Ciwa.’ —1 Yoane 3:8.
UKUMANYA UKUTI UMWIPE AAKATUNGULULA INSI KUKA-AVWA
Tukamanya ningo icaleenga ukuti umu nsi muye amavya.—Umbwilo 12:12.
Tukataila ukuti wanda umwi insi ilaziipa cuze.—1 Yoane 2:17.
UZYE I CUMICUMI TUNGAZUMILA VINO BAIBO IKASAMBILIZYA?
Ee, ivintu vitatu ivingalenga tuzumile aevi:
-
Uteeko wakwe Satana ulononwa. Nanti ciye uli Yeova alasisyapo imiteekele yakwe Satana. Walaya ukuti ‘alonona Ciwa,’ nupya alaziifya vyonsi vino Satana onona.—Ayebulai 2:14.
-
Leza wasoolola Yesu Klistu ukuti ace ateeke insi. Yesu wapusana sana na kateeka wa ndakai umwipisye, uwaitemwa cuze. Ukulozya kuli Ukateeka wakwe Yesu, Leza walaya ukuti: ‘Alaya nu luse pa mupiina na aakucula . . . Alayakulula ukufuma ukukutitikiziwa nu ku unkalwe’.—Masamu 72:13, 14.
-
Leza atanga-sombe. Muli Baibo mwaya amazwi akuti: “Leza atange atumpoke.” (Ayebulai 6:18) Ndi Yeova walaya ukucita icintu cimwi, ala icintu cico alacicita nanti ciye uli! (Ezaya 55:10, 11) “Kateeka wa nsi ii yalamusumba ukunzi.”—Yoane 12:31, New World Translation.
VWILINI MUNGATI ULI?
Uzye umu nsi mulaya uli lino kateeka wa nsi alafumiziiwapo?
Baibo ika-asuka icuzyo kwene cii pa MASAMU 37:10, 11 na pa UMBWILO 21:3, 4.
Limwi Mungatemwa Ukulolako na Vii
MASAMBILILO AA MULI BAIBO AACINDAME
U Mulandu ci Uno Leza Atalesezya Ucuzi?
Antu aingi yakauzya umulandu uno umu nsi mwavulila ulupato nu ucuzi. Vino Baibo ikaasuka vikatukomelezya nu kututeekezya.
MASUKO KU MAUZYO AMULI BAIBO
Uzye Ciwa Akuno Waya
Uzye Ciwa i miyele sile iyaya umu yantunze nanti akuno waya umu cumicumi?
LUPUNGU LWA MULINZI
Uzye Tulinzile Ukutiina Satana?
ABOUT US
U Mulandu ci Uno Mulinzile Ukusambilila Baibo?
Baibo ika-azwa antu aingi sana umu nsi yonsi ukuzana masuko ku mauzyo acindame sana. Nga mwemo mutanga mutemwe?
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
