Uzye Mukati i Vyani Ivilacitika uku Nkoleelo?
Uzye mukati insi . . .
-
ilaya vikwene sile?
-
iliipilako?
-
ilaziipilako?
VINO BAIBO IKASAMBILIZYA AEVI
“Leza . . . alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vya mpiti vyati vipita.”—Umbwilo 21:3, 4, The New Testament in Mambwe-Lungu.
IVILACITIKA UKU NKOLEELO AEVI
Kulaya ukuomba imilimo ya mpomvu nupya isuma. —Ezaya 65:21-23.
Kutalaya indwala nanti ukucula kwa musango uli onsi.—Ezaya 25:8; 33:24.
Antu yalaaikala pamwi na yalupwa ni vyuza umu nsansa amanda pe. —Masamu 37:11, 29.
UZYE I CUMICUMI TUNGAZUMILA VINO BAIBO IKASAMBILIZYA?
Ee, ivintu viili ivingalenga tuzumile aevi:
-
Leza wakwata amaka akucita vino walaya. Muli Baibo, Yeova Leza sile aliwe aka-amwa “uwa Maka Yonsi,” pano amaka yakwe yatakwata impela. (Umbwilo 15:3) Fwandi wakwata amaka yakufikilizya vino walaya ukuti alaziifya insi. Baibo ikati, “kuli Leza vintu vyonsi vingacitika.”—Mateo 19:26.
-
Leza akalondesya ukufikilizya vino walaya. Icintu conga cino ‘akalondesya’ ukucita, u kututulula afwe.—Yobo 14:14, 15.
Nakupya, Baibo ikalanda ukuti Yesu, Umwana Wakwe Leza, wapozizye alwale. U mulandu ci uno wacitiile vivyo? Pano avino walondanga ukucita. (Mako 1:40, 41) Yesu wakolanyanga Isi; nawe kwene walondesyanga ukwazwa aculanga.—Yoane 14:9.
Fwandi tungati Yeova na Yesu yakalonda ukutwavwa ukuti tukikale ningo nu kulaipakizya!—Masamu 72:12-14; 145:16; 2 Petulo 3:9.
VWILINI MUNGATI ULI?
Uzye Leza alacita uli pakuti insi ice iziipe?
Baibo ika-asuka icuzyo kwene cii pali MATEO 6:9, 10 na pali DANIELI 2:44.
Limwi Mungatemwa Ukulolako na Vii
LUPUNGU LWA MULINZI
Icumi Pali Vino Vilacitika Uku Nkoleelo
Mwakomya utailo winu ndi muvwa vino Leza walanda pali vino insi ilaya uku nkoleelo na pa antu alikalamo.
MASAMBILILO AA MULI BAIBO AACINDAME
Uzye Uwene Wakwe Leza I Cani?
Mu mulimo wakwe onsi, Yesu wasambizyanga antu pa Wene Wakwe Leza kucila vino wasambizya pa vintu vyuze. Pa myaka iingi, alondezi yakwe yakapepa ukuti Uwene uwo wize.
LUPUNGU LWA MULINZI
I Vyani Vino Uwene Wakwe Leza Ulacita?
Yesu wamanyile ukuti Uwene Wakwe Leza ali uteeko sile uungasisyapo intazi zyonsi zii pano nsi. I vyani vino Uwene uu wacita ivingalenga tutaile ukuti ulasisyapo iviipe vyonsi?
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
