“Ejeraam̦m̦an armej ro rej roñjake naan in Anij im pokake!”​—Luk 11:28, Jeje ko Rekkwõjarjar—Ukokin Lal̦ eo Ekããl (Matu-Revelesõn).

Enaaj wõr yokwe ilowaan baam̦le eo am̦.​—Epesõs 5:28, 29.

Kom̦ naaj jel̦ã kautiej doon.​—Epesõs 5:33.

Kom̦ naaj lõke doon aolep iien.​—Mark 10:6-9.

Aet, jen lale ruo iaan un kein:

• Anij ear ejaake mour in baam̦le. Ekkar ñan Baibõl̦, karõk eo kõn baam̦le ear itok jãn Anij. (Jenesis 2:18-24) Mel̦el̦ein men in bwe unin an wõr baam̦le ej kõnke Jeova ear kõm̦m̦an bwe en wõr. Etke eaorõk bwe jen jel̦ã men in?

  L̦õmn̦ak kõn men in: Jen ba bwe kwaar edjoñe juon kain m̦õñã im kokõn̦aan jel̦ã ta ko rar kãreiki iiõk in kake. Wõn eo kwõnaaj kar kajjitõk ippãn? Kwõnaaj kar kajjitõk ippãn ri-kõmat eo.

  Ãindein bar mour in baam̦le. Bwe jen maroñ jel̦ã kõn ta ko jej aikuj kõm̦m̦ani bwe en m̦õn̦õn̦õ baam̦le eo ad, jej aikuj kajjitõk jipañ ippãn Jeova. E eo ear ejaake mour in baam̦le.

• Anij ej kaorõk eok. Ñe baam̦le ko rej kajjitõk jipañ ippãn Jeova, ej lel̦o̦k naan in kakapilõk ko ñan er jãn Baibõl̦ eo. Etke? Kõnke ej yokwe im kaorõk er. (1 Piter 5:6, 7) Jeova ekõn̦aan bwe kwõn m̦õn̦õn̦õ im naan in kakapilõk ko an remaroñ jipañ eok aolep iien!​—Jabõn Kõnnaan 3:5, 6, UBS; Aiseia 48:17, 18.