“Anij in lañ enaaj kajutak juon aelõñ eo eban jako indeeo.”​—Daniel 2:44, Naan ko Rejouj Ministries.

“Em̦õj letok juon Nejid em̦m̦aan; im kien enaaj pãd ioon Aeran.”​—Aiseia 9:6.

• Kwõnaaj mour ium̦win tõl eo an juon kien em̦m̦an im kwõnaaj lo elõñ jeraam̦m̦an.​—Aiseia 48:17, 18.

• Ilo naaj jukjukun pãd eo ekããl, kwõnaaj m̦õn̦õn̦õ im enaaj em̦m̦an ãjmour n̦e am̦.​—Revelesõn 21:3, 4, Jeje ko Rekkwõjarjar​—Ukokin Lal̦ eo Ekããl (Matu-Revelesõn).

Aet, jen lale ruo iaan un ko:

• Jesus ear kaalikkar ta ko renaaj wal̦o̦k ñe jenaaj mour ium̦win Aelõñ ak kien eo an Anij. Jesus ear katakin ri-kal̦oor ro an bwe ren jar bwe Aelõñ eo an Anij en itok im bwe en jejjet ankilaan Anij ijin ioon lal̦. (Matu 6:9, 10) Men ko Jesus ear kõm̦m̦ani rar kaalikkar wãween an naaj jejjet kũtien jar in an.

  Ke Jesus ear pãd ioon lal̦ in, ear naajdik ro rar kwõle, jol̦o̦k nañinmej ko an armej ro, im kõmour ro rar mej! (Matu 15:29-38; Jon 11:38-44) Men kein me Jesus ear kõm̦m̦ani rej kaalikkar ta ko enaaj kõm̦m̦ani ñan armej ro doon ñe enaaj Irooj im tõl ilo Aelõñ ak kien eo an Anij.​—Revelesõn 11:15.

• Men ko rej wal̦o̦k ilo lal̦ in rej kaalikkar bwe m̦õttan jidik Aelõñ ak kien eo an Anij enaaj tõl lal̦ in. Jesus ear kanaan bwe enaaj wal̦o̦k kõkal̦l̦e ko m̦okta jãn an Aelõñ ak kien eo an Anij bõktok aenõm̦m̦an ñan lal̦ in. Ta kõkal̦l̦e kein? Jet iaaer ej tarin̦ae, ñũta, im m̦akũtkũt lal̦.​—Matu 24:3, 7.

  Jej loe an wal̦o̦k men kein ilo raan kein. Kõn men in, jemaroñ tõmak bwe m̦õttan wõt jidik Aelõñ ak kien eo an Anij enaaj jol̦o̦k aolep apañ ko rej wal̦o̦k ñan kõj.