“Aolepen lal̦ in ej pãd ium̦win pein ri-nana eo.”​—1 Jon 5:19, Jeje ko Rekkwõjarjar​—Ukokin Lal̦ eo Ekããl (Matu-Revelesõn).

“Nejin Anij kar wal̦o̦k bwe en ko̦kkure jerbal ko an Tepil̦ eo.”​—1 Jon 3:8.

Kwõnaaj mel̦el̦e unin an wal̦o̦k jorrããn im apañ ko ilo lal̦ in. ​—Revelesõn 12:12.

Enaaj wõr am̦ kõjatdikdik bwe juon iien enaaj em̦m̦anl̦o̦k mour ilo lal̦ in.​—1 Jon 2:17.

Aet, jen lale jilu iaan un ko:

• Setan ej pojak in jako jãn an irooj. M̦õttan jidik Jeova enaaj kõjem̦l̦o̦k an Setan irooj ioon armej ro. Anij ej kallim̦ur bwe enaaj “jol̦o̦k Tepil̦” im aolep men ko renana me Setan ej kõm̦m̦ani.​—Hibru 2:14.

• Em̦õj an Anij kããlõt Jesus Christ bwe en tõl armej ro ilo lal̦ in. Jesus elukkuun oktak jãn ri-tõl nana eo an lal̦ in. Anij ear kwal̦o̦k kallim̦ur in ikijjeen wãween an naaj Jesus tõl armej ro. Ear ba: “[Enaaj] tũriam̦okake ro rem̦õjn̦o̦ im ro rejeram̦õl . . . [Enaaj] lo̦mo̦o̦ren er jãn ro rellãj rej kaeñtaan er.”​—Sam 72:13, 14, UBS.

• Anij eban riab. Baibõl̦ ej ba bwe “Anij eban riab.” (Hibru 6:18) Ñe Jeova ej kallim̦ur kake juon men, enaaj baj tõprak wõt! (Aiseia 55:10, 11) Em̦õj an kallim̦ur bwe juon iien “naaj jol̦o̦ke ri-tõl eo an lal̦ in.”​—Jon 12:31.