Ончыкылык илышым могайым те ужыда?
Ончыкылык илышна...
-
сай могырыш вашталтеш?
-
нелырак лиеш?
-
тыгаяк кодеш?
МОМ БИБЛИЙ ОЙЛА
«Юмо нунын чыла шинчавӱдыштым ӱштылеш. Ынде колымаш ок лий, ойгат, мӱгырен шортмашат, черат ок лий, вет ончычсо эртен» (Почмаш 21:4, У Сугынь, 2007).
МОМ ТИДЕ ТЫЛАНДА ПУЭН КЕРТЕШ
Чоным куандарыше пашам (Исаия 65:21—23).
Чер, ойго да орланымаш деч утаралтмашым (Исаия 33:24; 1 Коринфян-влаклан 15:26).
Йӧратыме лишыл-влак дене курымеш пиалан илышым (Псалом 36:11, 29).
БИБЛИЙЫН ОЙЛЫМЫЖЛАН ӰШАНАШ ЛИЕШ МО?
Лиеш, да тидлан эн шагалже кок амал уло:
-
Юмын шке сӧрымашыжым шукташ куатше уло. Библийыште Иегова Юмо гына «Чылакертше» манын лӱмдымӧ, вет тудын куатше мучашдыме (Тӱҥалтыш 17:1). Тугеже, илышым сай могырыш вашталташ сӧрымашыжым тудо шуктен кертеш. Библийыште возымо: «Юмо чылажымат кертеш» (Матфейын 19:26).
-
Юмын шке сӧрымашыжым шукташ кумылжо уло. Мутлан, Иегован колышо еҥ-влакым ылыжтараш кугу кумылжо уло. Тудо нунын деч посна йокроклана манын Библийыште возымо (Иов 14:14, 15).
Тыгак Библийыште возымо почеш Юмын Эргыже, Иисус Христос, еҥ-влакым чер деч паремден. Молан Иисус тидым ыштен? Тидым ышташ тудын кумылжо лийын (Маркын 1:40, 41). Еҥ-влаклан порым ыштымыж дене Иисус Ачажын койышыжым тичмашын ончыктен (Иоаннын 14:9).
Иегова Юмо ден Иисус мыланна пиалан илышым пӧлеклынешт. Тидлан пеҥгыдын ӱшанаш лиеш! (Псалом 71:12—14; 144:16; 2 Петрын 3:9)
ШОНАЛТЫЗА
Юмо илышнам сай могырыш кузе вашталта?
Библий тиде йодышлан вашмутым пуа. Ончыза: МАТФЕЙЫН 6:9, 10 да ДАНИИЛА 2:44.
Тыгак тыланда оҥай лийын кертеш
ТӰҤ БИБЛИЙЫСЕ ТУНЫКТЫМАШ-ВЛАК
Мо тыгай Юмын Кугыжаныш?
Калыкым туныктымыж годым Иисус Христос эн шукыжо Юмын Кугыжаныш нерген ойлен. Курымла мучко тудын почеш кайыше-влак тиде Кугыжанышын толмыж нерген кумалыт.
