Тиде тӱням чынжымак кӧ вуйлата?
Тендан шонымаште...
-
Юмо?
-
еҥ-влак?
-
ала-кӧ весе?
МОМ БИБЛИЙ ОЙЛА
«Уло тӱня осалын кид йымалныже» (1 Иоаннын 5:19, У Сугынь, 2007).
«Диаволын пашажым шалаташ манынак, Юмын Эргыже тӱняшке толын» (1 Иоаннын 3:8).
МОМ ТИДЕ ТЫЛАНДА ПУЭН КЕРТЕШ
Те пален налыда, молан тӱняште тынар шуко нелылык (Почмаш 12:12).
• Уло тӱняште илыш сай могырыш вашталтеш манын, ӱшанен кертыда (1 Иоаннын 2:17).
БИБЛИЙЫН ОЙЛЫМЫЖЛАН ӰШАНАШ ЛИЕШ МО?
Лиеш, да тидлан эн шагалже кум амал уло:
-
Сатанан вуйлатымыжлан мучаш толеш. Иегова Сатанан вуйлатымыжым кораҥдаш шонен пыштен. Юмо Диаволым пытараш да тудлан кӧра лекше чыла эҥгекым кораҥдаш сӧра (Еврей-влаклан 2:14).
-
Тӱням вуйлаташ Юмо Иисус Христосым ойырен налын. Тиде тӱнян кызытсе вуйлатышыже торжа да шке нерген гына шонышо. Но Иисус Христос тыгай огыл. Иисусын вуйлатымыже нерген Юмо сӧра: «Йорлым да незер еҥым чаманен кода... Ондален пайдам налмаш да шояклымаш деч нунын чоныштым утара» (Псалом 71:13, 14).
-
Юмо нигунамат огеш шоякле. Юмо шойыштын огеш керт манын, Библийыште возымо (Еврей-влаклан 6:18). Иегова иктаж-мом сӧра гын, сӧрымыжым уже ыштен шуктымылан шотлаш лиеш! (Исаия 55:10, 11). «Тиде тӱнян тӧраже поктен колтымо лиеш» (Иоаннын 12:31).
ШОНАЛТЫЗА
Тиде тӱнян кызытсе вуйлатышыжым кораҥдаш гын, илыш могай лиеш?
Библий тиде йодышлан вашмутым пуа ПСАЛОМЫШТО 36:10, 11 да ПОЧМАШ 21:3, 4.
Тыгак тыланда оҥай лийын кертеш
ТӰҤ БИБЛИЙЫСЕ ТУНЫКТЫМАШ-ВЛАК
Молан Юмо орланымашым огеш кораҥде?
Библий тиде йодышлан лыпландарыше вашмутым пуа.
МЕМНАН НЕРГЕН
Молан Библийым шымлаш кӱлеш?
Библий уло тӱня мучко илыше миллионло еҥлан илыш дене кылдалтше кугу йодыш-влаклан вашмутым кычал муаш полша. Тудо тыландат полшыжо манын, кумылда уло мо?
