92-ШО МУРО
Тек тыште тыйын лӱмет моктымо лиеш!
-
1. Ачай, шотлена кугу чаплан
Ты пӧртым чоҥаш тыланет.
Тылат лӱмлена тиде верым,
Мокталтше тек тыйын лӱмет.
Чыла, мом пуэн кертына ме,
Тӱҥалтыш гычак тый дечет.
Садлан ме шке вийым да жапым,
Ачай, пуэна тыланет.
ПРИПЕВ
Ты чапле залым, Юмына,
Тылат ме пӧлеклена.
Мотор лӱметым тек эре
Калыкет тышан мокта.
-
2. Пырля погынен тиде кечын,
Лӱметым мурен моктена.
Тек тыйым пагалыше калык
Эртак ешаралтын шога.
Пӧртетым арун кучена ме,
Тек тудо чапетым нӧлта,
Уверым шараш ты верлаште
Полшен тек шога мыланна.
ПРИПЕВ
Ты чапле залым, Юмына,
Тылат ме пӧлеклена.
Мотор лӱметым тек эре
Калыкет тышан мокта.
(Тыгак ончыза 1 Цар. 8:18, 27; 1 Лет. 29:11—14; Ап. паш. 20:24.)
