‘Gâd upla nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.’ (Param Marikanka 21:3, 4, Dawan Bîla.)

Wark kum pain bara âuyapah lâka bribia (Aiseya 65:21-23).

Siknis nani bara pât wahwanka sâtka kumi sin âpu kabia (Aiseya 25:8; 33:24).

Wan pamalika bara wan pânika aikuki ban kaia ra lilia iwbia (Lawana 37:11, 29).

Âu, natka wâl bâra sa:

• Gâd karnika brisa dîa pramis munan ba daukaia. Baibil ra Jehova Gâd ra baman ‘Karnika sut bri ba’ mâkisa; Ai karnika ba tnata âpu sa (Param Marikanka 15:3). Witin pramis munan sa naha tasbaya na pain daukaia bara Witin ai kupia lâka ba chens munras. Baibil ra wisa: “Gâd lika diara sut daukaia sip sa” (Matiu 19:26).

• Gâd ai brinka sa dîa pramis munan ba daukaia. Sampla baku, Jehova brinka sa upla pruan nani ra kli bukaia (Job 14:14, 15).

  Baibil ra wisa Gâd Luhpia, Jisas ba, upla sikniskira nani ra rakan. ¿Dîa muni naha daukan ki? Jisas baha daukaia want kan (Mark 1:40, 41). Jisas sin ai Aisa daukanka nani ba marikan; witin ai brinka kan upla nitka bri kan nani ra hilp munaia (Jan 14:9).

  Baha mita, ¡yawan kasak lukaia sip sa Jehova Jisas wal ba hilp wan munaia want sa kaina piua ra lilia iwbia dukiara! (Lawana 72:12-14; 145:16; 2 Pita 3:9).